صحيت الصباح وانا كلي امل في ربنا وانو ربنا قادر يوفقني ويحول حياتي للطريق الانا عايزاهو❤✨،،صحيت صليت وكان معاي مصحف وردي صغير كدا قعدت اقرا منو💜،،عمو عمر فتح الباب وجا خاشي قال لي صباح الخير،،قلت ليهو صباح النور،،الوقت كان بدري وقبل نبدا شغل قلت ليهو ي عمو لو في حمام قريب من هنا لاني عايزة اغير هدومي دي من جيت لابساها😪💔،،قال لي معليش ي بتي م انتبهت للحتة دي بس في حمامات عامة بي هنا امشي غيري وتعالي،،مشيت بعد م عمو عمر وصف لي،،دخلت الحمامات كانت وسخانة وحالتها كعبة شديد💔بس كنت مجبورة دخلت وم كان معاي صابونة استحميت بالموية بس😪،،ولبست بنطلون بيج وقميص كبدي♥،،رغم انو ابوي م كان مهتمي بينا وكدا بس كان بهتم بي مظهرنا الخارجي هدوم واكل بس عمرو م حسسني بي حنية الاب😪 ،،غيرت وطلعت مشيت المطعم لبست عبايتي وجهزت الحاجات وبديت الشغل
وقروشي كانت كويسة الحمد لله،، المغرب كدا بعد خلصت شغل ولميت الحاجات مشيت دكان قريب للمطعم كدا اشتريت صابون واندومي وحاجات كنت عايزاها ورجعت،،الايام كبرتني غصب عني وخلتني اشيل مسؤولية نفسي😪،،عديت كذا اسبوع في الشغل مع عمو،،لحد م في يوم جا واحد طلب كباية شاي اديتو وقعد في كرسي كدا جنبي،،قال لي ي حلوة انتي جديدة هنا😉،،قلت ليهو ايوة،،قال لي بس حرام ياخ حلوة زيك كدا دا م مفروض تشتغل الشغل دا،،سكت وم رديت عليهو،،بقي يقرب مني،،مسك يدي وقال لي بس خليك معاي وانا اعيشك احسن عيشة وبقي يقرب اكتر،،طوالي اديتو كف،،قلت ليهو بس الكلام دا م تقولو لي انا لاني م رخيصة وتافهة 🙂،،قال لي بصوت عالي تديني انا كف 😡وجا عايز يضربني بس عمو عمر ورجال كدا جو اتدخلو،،والصدمني انو عمو عمر بقي يعتذر منو😳،،قال ليهو البت دي ي تطردها ي محلك دا انا بقفلو ليك😡،،وطوالي مشي قلت لي عمو عمر دامنو ؟قال لي ي بتي دا الحاكم الحي دا كلو،،زول بلطجي وبتاع مشاكل ولامي ليهو شباب زيو مخوفين الناس كلهم💔،،قلت ليهو معليش ي عمو م كان قصدي😪،،بس انا حامشي من هنا،،قال لي حتمشي وين
قلت ليهو ارض الله واسعة ي عم،، وبعدين انا م حاقبل اني اكون سبب في اني اكون سبب في انك تخسر مصدر رزقك🙂،،مشيت لملمت حاجاتي،،وطلعت،،ورجعت تاني اتلفت وم عارفة انا حامشي وين😪،،ركبت لي مواصلات وم عارفاها ماشة وين بس كل همي كان انو ابعد من المنطقة الفيها الناس البلطجية ديل لاني م حمل مشاكل تاني😪المواصلات وقفت في حتة اسمها اركويت،،نزلت وكالعادة بقيت ماشة بس وم عارفة الطريق حيوديني وين،،لقيت لي دكان كدا اشتريت موية وعصير وقعدت تحت شجرة كدا ،،رانية ضربت لي م قدرت احكي ليها اني خليت الشغل في المطعم واني حاليا مشردة وم عندي محل امشي ليهو😪💔،،قلت ليها اني كويسة وكدا،،بعد قفلت منها. قعدت ابكي،،حسيت بي زول ختة يدو ع كتفي،،رفعت راسي لقيتها بت تكون في العمر قدري كدا،،قالت لي خير مالك؟قلت ليها لا م في شي🙂،،قالت لي م عندك محل تمشيهو؟قلت ليها اي😪،،قالت لي طيب تعالي معاي،،قلت ليها شكرا بس م حابة اضايقك يمكن اهلك م يوافقو وكدا😪،،قالت لي بس انا م عندي اهل🙂،،قلت ليها كيف؟قالت لي انا امي متوفية وابوي متزوج ليهو وحدة تانية بتعاملني بي طريقة كعبة،،وابوي بحب اولادو التانين اكتر مني،،فشردت منهم وخليتهم ولا زول م حاول يفتشني حتي🙂،،وقعدت تبكي،انا زاتي بكيت وحكيت ليها قصتي😪قالت لي واضح انو وضعنا زي بعض😪،،قلت ليها طيب انتي عايشة وين؟قالت لي مؤجرين شقة انا ومعاي بتين،،وبنشتغل اي حاجة نلقاها المهم نطلع قروش😪💔
يتبع......................
اقتباسة:
في متاهة الحياة نمضي ولا نعلم م الذي ينتظرنا ولا ندري بالمكتوب😪💜✨
