قلت ليها طيب،،قالت لي انا هبة🙂قلت ليها وانا امل💜،،مشت اشترت اندومي وجبنة من الدكان وقالت لي ارح،،مشيت معاها كان في بيت صغير كدا دخلنا فيهو،،من جوة كان بسيط شديد فيهو غرفتين وصالة صغيرة وحمام ومطبخ،،جو بتين طالعين قالو لي هبة دي منو؟هبة قالت ليهم دي امل،،وي امل دي فاطمة ودي مزن،،سلمت عليهم وقعدنا،،قالو لي احكي لينا قصتك حكيت ليهم كلهم دموعهم جات نازلة وقعدو يبكو معاي😪،،وكلنا تقريبا حالتنا وحدة الاهلها متوفين والابوها مطلق امها وكذا 😪،،هبة جات قالت خلو النكد دا هسه،،ارح نجهز الفطور،،قلعت عبايتي ودخلت معاهم المطبخ،،عملنا الاندومي وختينا الفول والجبنة وقعدنا ناكل❤،،مزن قالت لي انتي عمرك كم ي امل؟قلت ليها 15 ،،قالت لي واي صغيرة ياخ😪،،قلت ليها وانتي؟قالت لي انا 18 وفاطمة 19 اما هبة 16 يعني انتي اصغر وحدة😂قلت ليها ايوة😅،،بعد خلصنا اكل فاطمة قالت حتعمل الشاي،،مشيت عشان اغسل العدة بس هبة حمتني قالت لي نضيفك اول يوم بس😂،،عملنا الشاي وقعدنا نتونس،،طلعو ظريفين ياخ وقدرو يطلعوني من الزهج الانا فيهو دا،،اثناء الونسة كدا
قامت مزن قالت لي حتقدري تشتغلي هسه انتي الشغل دا صعب شديد والله 😪،،قلت ليها م مشكلة حاشتغل اي شي ،،لازم احقق الحاجة الانا عايزاها😪،،هبة قالت لي وانتي عايزة شنو؟قلت ليها كان نفسي ابقى مصممة ازياء لاني من وانا صغيرة برسم فساتين وكدا،،بس للاسف ابوي حرمني من حلمي💔،،هبة قالت لي واي ياخ 😪،،فاطمة قالت لي طيب حتقدري تصلي لي حلمك دا بدون م تكملي دراسة😪،،قلت ليها ان شاء الله اصلا انا تصاميمي موجودة وبعرف افصل واخيط بس عايزة راس مال عشان اقدر ابدا بيهو😪مزن قالت لي طموحك حلو ربنا يوفقك ياخ😍
قلت ليها امين تسلمي،،فاطمة قالت لي ربنا يوفقك ان شاء الله♥قعدنا اتونسنا مسافة،،بعدها قالو لي خشي ارتاحي،،دخلت في الغرفة ونمت شوية،،بعدها صحيت وصليت الضهر وقعدت ادعي♥
ورجعت نمت تاني،،صحتني هبة قالت لي ارح نتغدا،،طلعت معاها واكلنا سندوتشات جبنة♥،،قالت لي معليش حتتعودي ع الحياة دي🙂،،قلت ليها عادي ي بت♥،،بعد اكلنا قمت انا وعملت ليهم الشاي،،قعدنا كدا قمت انا قلت ليهم انتو بتشتغلو شنو هسه؟هبة قالت لي اي شي يخطر ع بالك بنشتغل في البيوت ننضف نغسل نكوي،،ومرات بنشتغل في كوفير رسم وشيل حلاوة ومكياج واي شي😪،،قلت ليها طيب انا عايزة اشتغل🙂،،قالت لي خلاص اصلا في مرتين ضربو لي وعايزين نضافة لي البيت وكدا،انا بمشي لي وحدة وانتي امشي لي التانية♥،،قلت ليها كويس😊،،بالليل قبل انوم كدة طلعت ورقي وبديت ارسم في فستان وقبل انتهي منو اتذكرت امي😪،،ختيت الورق وبقيت ببكي😭بعدها استغفرت ودعيت ليها ونمت😪
اقتباسة :
مؤلم ذلك الحنين لشخص رحل ولن يعود مجددا💔
يتبع.........................................
