قال لي بتعرفي تعملي شاي؟قلت ليهو ايوة،،قال لي خلاص حتعملي شاي وقهوة جنب المطعم وحتنومي في المطعم لحد م تطلعي ليك قروش كويسة وتلقي ليك محل تقعدي فيهو،،قلت ليهو كويس❤،،وفرحت شديد كان عندي بصيص امل اني حاقدر احقق احلامي❤،،في نفس اليوم جهزت العدة بتاعت الشاي والجبنة وبديت الشغل،،طبعا الشغل متعب شديد ومرهق غير المضايقات البتلقيها من الشباب😪،،(كل الناس فهمهم انو ست الشاي دي زولة تافهة كدا ورخيصة💔)،،واثناء م انا شغالة جوني شلة اولاد كدا،،واحد قال هسه دي خلقة تشتغل ست شاي ياخ😍،،التاني قال ليهو البت مزة قاطعة ياخ😉،،قلت ليهم احترمو نفسكم لو ممكن وامشو من هنا
واحد قال لي نمشي هو لو م نحنا الزيك ديل كان لقو قروش من وين😏،،قلت ليهو م كل الناس طبيعتهم واخلاقهم زبالة زيك كدا🙂وبعدين الزيي ديل الله بسخر ليهم رزقهم لا انت ولا غيرك هو المعيشنا وقع ليك؟،،واحد قال لي عاملة فيها فيلسوفة هو انتي لو بت ناس بالجد وامك عرفت تربيك م بتشتغلي ست شاي😉،،للحظة لم قال لي امك قلبي طعني والعبرة خنقتني،،قلت ليهو بتعرف امي من وين انت عشان تتكلم عنها💔،،م اي ست شاي رخيصة وم عندها اخلاق في ناس الظروف جبرتهم علي الوضع دا م حبا فيه😪💔،،عمو عمر دا الراجل الاشتغلت معاهو جا لقاني بهرج والاولاد بضايقو فيني ،،قام هرجهم وقال ليهم امشو من هنا،،وانا طوالي اتفقعت بالبكا😭💔
قعدت ابكي لم اتشرقت😭عمو عمر جاب لي موية وقال لي ي بتي اهدي وروقي،،قلت ليهو هم ليه يتكلمو عن امي بعرفو امي من وين هم عشان يتكلمو عنها😭،،قال لي ي بتي حتتعبي كتير في المحل دا لازم تكوني قوية وم تضعفي بي اقل شي❤،،قلت ليهو ان شاء الله😪،،واصلت شغل وبالليل نضفت المطعم وفرشت المفرش،،وطلعت التلفون واتصلت لي رانية
سلمت علي وسالتني من اخباري وكدا،،قلت ليها الحمد لله ،،سالتها من الاوضاع في الحلة،،قالت لي ياهو قامو وقعدو عشان يفتشوك وم لقوك ومحسن عشان الفضيحة عرس بت من الحلة ومحمد اخوك حالف كان لقاك يقتلك💔،،قلت ليها خليهو يلقاني اول بعدين يقتلني🙂،،اتكلمت معاها مسافة وبعدها قفلت منها،،اتحصنت ودعيت قبل انوم ،،ولسه كنت متفائلة بي بداية طريقي❤💫
يتبـــع...............................................
