ي ابوي عليك الله خليني اقرا واكمل تعليمي ي ابوي عليك الله ي ابوي م عايزة اعرس انا😭 ،،ي بت هي كلامي واحد وقلتو ليك قراية ماف تقعدي كدا بس لحد م يجيك زول مناسب ونعرسو ليك والموضوع دا منتهي 😤بس ي ابوي انا م حاعرس ودا اخر كلام عندي😭فجاة جاني ليك كف طاير ي قليلة الادب كيف تتكلمي مع ابوي بالطريقة دي وتعلي صوتك😡ابوي قال ليهو فكها ي احمد فكها..قال ليهو بس ي ابوي دي تافهة وقليلة ادب وعايزة زول يادبها😡،،جات امي قالت ليهم فكو بتي اوعكم زول يمد يدو عليها تاني م كفاية العملتو فيها حرام عليكم ياخ انتو ما في رحمة في قلوبكم الله ينتقم منكم بس😪 وساقتني دخلنا غرفتنا وقفلنا الباب،،قعدت ابكي بي اعلى صوت قلت ليها ي امي بس انا عايزة اقرا عايزة احقق احلامي ليه يعملو فيني كدا ليه😭،،حضنتني وقالت لي ي بتي اصبري بس اصلا الله م بيضيع حق زول😪،،(خلوني احكي ليكم عني شوية انا اسمي امل 15 سنة ،،امي زينب وابوي عبد الله وضعنا كويس والحمد لله ،،ابوي متزوج اتنين غير امي وحدة اتوفت ودي كانت الكبيرة ولدها احمد الضربني قبيل،،ومتزوج وحدة تانية ع امي دي الصغيرة واسمها سارة ،،سارة واحمد ديل بحرشو ابوي علينا وهو بسمع كلامهم وبعاملني انا وامي معاملة زي الزفت😪وحتى كانو السبب انو ابوي م يخليني اكمل تعليمي😪طلعني من تانية ثانوي وقال حيعرس لي😪💔وابوي رغم قروشو الكتيرة دي م كان بصرف علي انا وامي وكان بعاملنا كعب شديد😭) بعد. م بكيت في حضن امي قمت وغسلت وشي وجيت قعدت جنبها،،قالت لي ي بتي انا عارفة انو انتي كان نفسك تقري وتتمي تعليمك بس اعفي لي لاني م قدرت اقيف معاك واتحداهم😪قلت ليها م تقولي كدا ي امي ولو مكتوب لي اكيد حاحقق الحاجة الانا عايزاها😊
قالت لي ان شاء الله ي بتي خلي ثقتك بربنا كبيرة وم تضعفي ابدا،،قلت ليها حاضر،،شوية كدا والشغالة جات دقت لينا الباب وقالت لينا الفطور نزلنا انا وامي وقعدنا كنا ساكتين ساي،،قامت سارة قالت لي وكمان طلعتي ليك بقلة ادب جديدة وبقيتي تعلي صوتك ي بت زينب،،قراية شنو التقريها كمان وحتبقي شنو يعني؟ في النهاية عايزة تقعدي تمسكي ورقة وقلم وتقعدي تشخبطي وتطلعي خياطة😏قلت ليها اولا م اسمها شخابيط دي تصاميم تاني حاجة م اسمها خياطة اسمها مصممة ازياء😊قالت لي في النهاية كلو واحد 😏وم عندنا بنات بشتغلو نحنا كان مصممة ولا غيرو،،احمد قال لي ابوي البت دي م في حاجة بتلمها غير راجل نعرس ليها بس،،امي قالت ليهو شوف ي عبد الله ولدك دا م عندو علاقة بي بتي وعرس م بتعرسو ليها كفاية انا ساكتة وصابرة وانا شايفاكم بتحرموها من تعليمها لكن لحد هنا كفاية😊خليتهم جايطين وطلعت غرفتي طلعت الورق البرسم فيهو (من انا في الاساس كان عندي موهبة اني ارسم فساتين وملابس وكان نفسي اني اطلع مصممة بس للاسف😪)قعدت ابكي ع البحصل معاي دا لحد م فترت وبعدها قعدت ادعي واستغفر😭💔
اقتباسة:
متعبون ي الله اننا منهكون ومحطمون من الداخل فاجبر بخاطرنا فلا احد يعلم بحالنا سواك😪💜🥀
يتبع........................................................
