تاني يوم الصباح مشيت الشغل عادي،،،عملت لي حبوبة القهوة،،قالت لي ودي لي ليث دا عصير في غرفتو،،قلت ليها كويس،،طلعت ليهو العصير،،لقيتو طالع من الحمام ولابس شورت اسود وتي شيرت ابيض🖤،،قال لي صباحو حبيبي😍،،،قلت ليهو يسعدو ي انا💗،،قال لي اسعد صباح لانو بدا بيك،،،قلت ليهو وين جامعتك الليلة؟!،،،قال لي مافي جامعة،،قلت ليهو ليه؟قال لي عشان سببين وجراني عليهو❤،،قلت ليهو والي هم شنو؟قال لي الاول والاهم انو حافضل معاك الليلة زي ضلك وم حتغيبي عن عيني😊،،قلت ليهو ليث م حيحصل لي شي م تضيع جامعتك عشاني😒،،،قال لي ي زولة م عليك😒،،،قلت ليهو ليث انت مجنون صح؟قال لي احتمال🤓،،،قلت ليهو طيب والسبب التاني،،قال لي امي جاية بكرة وعايز اجهز شوية حاجات،،قلت ليهو ايوة تمام،،،بس لو حتقعد عشاني م حارضى بي كدة انا،،،قال لي خلاص روقي،،،قلت ليهو ليث ياخ م تحسسني انو وجودي في حياتك حيضرك وياثر ع جامعتك ومستقبلك😢،،،قربني منو وباسني في شفايفي🙈قال لي هسسسس،،،،،انتي م اثرتي ع اي شي غير ع قلبي المسكين دا☹،،،ضربتو في صدرو وقلت ليهو غياظ وقليل ادب😒،،،نزلت تحت وقعدت اتونس مع حبوبة ثريا عثل المرة دي😍،،،قالت لي بتي ام ليث بكرة جاية ،،عملت فيها م عارفة قلت ليها ايوا كويس تصل بالسلامة😊
عدا اليوم زي كل يوم،،وليث حلف م يفارقني وكل م امشي محل يجي وراي🙄،،،قلت ليهو ليث كترتها😒،،،قال لي ي زولة قلت ليك م حافارقك الليلة🙂،،قلت ليهو بس انا جوة البيت،،قال لي حتى ولو😒،،،قلت ليهو ليث بطل عبط☹،،قال لي ي بيبي افهمي انتي مهمة عندي شديد ،،لو حصل ليك شي انا بموت😢،،مشيت جنبو وحضنتو،،قلت ليهو ي قلبي م حيحصل لي شي اصلا❤،،ضماني عليهو شديد قال لي عشان اتاكد خليني جنبك كدا😢❤،،،قلت ليهو حاضر😘،،عدينا اليوم كلو وانا وليث مع بعض❤،،بالليل جيت عشان امشي،،حبوبة ثريا قالت لي الليلة م بتمشي الصباح حاحتاج ليك بدري لانو بتي منال جاية،،لم اصرت علي قعدت،،وليث كان بعاين لي وبضحك،،عرفتها خطة منو😒
بعد حبوبة نامت كنا قاعدين بنحضر فيلم انا وليث،،قلت ليهو انا اتاكدت انك مجنون☹،،قال لي ليه؟قلت ليهو انت الاقنعت حبوبة بي فكرة اني ابيت دي صح،،قال لي يب🤓،،قلت ليهو غياظ،،قال لي بس الغياظ دا بموت عليك😘،،وحضني، ،انا طوالي نمت😂،،بعد الفيلم خلص ليث شالني وطلعني الغرفة❤،،تاني يوم الصباح صحيت بدري صليت وصحيت ليث،،قام صلى وصحيت حبوبة ثريا،،البت جات نضفت البيت وانا بخرتو😍،،جهزت القهوة وشربنا انا وحبوبة وليث،،قريب الفطور كدة ليث مشى المطار يجيب امو وانا جهزت الاكل وكدا ودخلت استحميت اصلا عندي جزء من ملابسي في بيت حبوبة ثريا،،لبست لي فستان بيت اسود بي اكمام فيهو حزام بالبني،،وعملت شعري ضنب حصان ولبست طرحة بنية،،ونزلت ،،حبوبة قالت لي ماشاء الله عليك ي بتي عسولة ربنا يحفظك😍،،قلت ليها تسلمي ي رب❤،،،ليث جاب امو وجو،،ومن هنا بدت مشاكلي😢💔،،،سلمت علي حبوبة وقعدت انا جبت ليها عصير وجيت،،قالت لي حبوبة ثريا،،امي دي منو؟حبوبة ثريا قالت ليها دي امل قاعدة معاي وبتساعدني،،قالت ليها خدامة يعني؟بس م ظاهر عليها😏،،انا طوالي رجعت المطبخ،،برا ليث وحبوبة ثريا كانو بتكلمو مع منال،،حبوبة ثريا قالت ليها انتي لسه م خليتي حركاتك دي حاولي م تجرحي الناس بي كلامك
بعدها انا جهزت الفطور ورصيتو،،حبوبة ثريا قالت لي امل اقعدي،،منال قالت ليها امي من متين الخدم بياكلو معانا😒
يتبـع.....................................
