قالت ليها امي من متين الخدم بياكلو معانا،،انا طوالي مشيت المطبخ وقعدت ابكي😢،،سامعة حبوبة وليث برا بيهرجو فيها،،وحبوبة ثريا نادتني ابيت اطلع،،جاني ليث قال لي حبيبي انا م تزعلي ياخ حقك علي😢،،مسح لي دموعي وباسني في جبيني وساقني وطلعنا،،حبوبة قالت لي امل منال دي اصلا طبعها كدا م تضايقي منها،،قعدت بس م قدرت اكل💔وليث كان ماسك يدي❤،،،خلصنا الفطور ولميت الصفرة،،،بعدها طلعت غرفتي لم جيت نازلة سامعاها بتتكلم مع حبوبة،انتي اي زول تثقي فيهو ي امي وتقعدي معاك لا وكمان مدياها غرفة براها🙄،،حبوبة ثريا قالت ليها منال ،،انتي البت دي م ليك علاقة بيها تمام؟دا بيتي وانا اعمل فيهو العايزة،،مش انتي رفضتي تقعدي معاي ومشيتي السعودية تاني م عليك بالاعملو هنا😊
اول م جيت نازلة حبوبة سكتت،،ومنال دي كانت بتحمر لي ساي،،،عديت اليوم كلو وانا متضايقة من تعامل منال معاي،،وبالليل جيت عايزة امشي ليث قال لي انا حاوصلك،،جينا عايزين نطلع،،امو قالت ليهو ليث ع وين؟قال ليها حاوصل امل واجي،،،قالت ليهم وكمان بيوصلا ليث؟!لا كدا كتير هو شنو هو شغالة عندنا ولا نحنا شغالين عندها😏،،انا طوالي طلعت،،ليث جا جاري وراي قال لي امل استني،،،قلت ليهو ليث واضح انو امك م عاجبة تعاملكم معاي🙂،،قال لي امي اصلا طبعها كدا م تاخدي في خاطرك منها☹
ركبت معاهو العربية وكنت متضايقة شديد💔،،،ليث مسك يدي وقال لي حبيبي روقي،،وبعدين عندي ليك خبر حلو،،،قلت ليهو احكي🙂،،،قال لي سجلتك في معهد بتاع خياطة وتفصيل عشان تكوني عندك خبرة اكتر،،والمعهد حيبدا بعد اسبوع،،قلت ليهو جادي😍،،قال لي اكييد😉،،،،قلت ليهو بحبك يلا☹،،،،قال لي وانا بموت فيك😘،،،قلت ليهو حادخل الكورس دا لكين بشرط،، قال لي اها،،،قلت ليهو حادفع القروش انا🙂،،،قال لي امل ممكن تبطلي تتكلمي كدا انا وانتي واحد☹،،،قلت ليهو ليث كلامي واحد ادفع القروش انا والا م حادخل قال لي خلاص حبيبي البريحك😘،،،وصلني البيت ومشى،،دخلت البنات جوني جارين،،نظام اشتاقو لي وكدا لاني امس م بت معاهم😂❤،،،طبعا انا بحكي ليهم اي شي،،قعدت وحكيت ليهم بي موضوع ام ليث،،مزن قالت لي المرة دي متخلفة وجاهلة بس🙂،،،،،فطومة قالت لي بس اوعك تخلي ليث عشانها واضح انو بحبك❤،،، هبة قالت ليهم بس ي جماعة اهم حاجة الكرامة وعزة النفس،،وي امل المرة دي لو ذلتك تاني طوالي خلي الشغل،،قلت ليها ان شاء الله كلنا حنخلي الشغل دا قريبا❤،،قالت لي كيف؟حكيت ليهم بي موضوع الكورس وكدا،،
هبة قالت لي اخلا خبر وان شاء الله تحققي كل النفسك فيهو❤،،قلت ليها امين ي رب😍،،،تاني يوم مشيت الشغل سلمت ع حبوبة ثريا،،وعملت القهوة،،جات منال قالت لي اعملي لي قهوة،،،عملتها ووديتا ليها،،قالت لي دا شنو انتي قايلة نفسك بتعرفي تعملي قهوة يعني شيليها م عايزة 😏،،شلتها ورجعتها المطبخ، ،جيت طالعة قالت لي اعملي لي شاي😏،،،حبوبة ثريا قالت لي امل تعالي اقعدي،،مشيت قعدت جنبها،،منال قالت ليها امي م سامعة اني قلت ليها تعمل لي شاي،،حبوبة ثريا قالت ليها هدا المطبخ قدامك امشي اعملي😒،،قالت ليها والبت دي قاعدة ليه عشان انا امشي اعمل القهوة،،حبوبة قالت ليها هووووي ي منال امل دي بتي وقاعدة معاي وبتهتم بي لا شغالة عندك ولا عليك بيها،،قالت ليها كدا ؟طيب ي امي😠،،وطوالي طلعت،،حبوبة ثريا قالت لي ي بتي م تزعلي منال بتي وانا عارفاها اصلا طبعها كدا،،،قلت ليها ولا يهمك ي حبوبة😊
عديت اسبوع مع مضايقات منال لي،،،بس حبوبة وليث كانو بقيفو معاي وليث دايما بيواسيني❤،،،والكورس خلاص كان حيفتح استاذنت من حبوبة ثريا وكلمتها ووافقت طوالي😍،،،اول يوم في الكورس كان حلو شديد ليث وصلني،،وبعد خلصت جا ورجعني البيت لي حبوبة ثريا سلمت عليها وسالتني من الكورس وكدا،،،بالليل ليث كالعادة كان عايز يوصلني
ونحنا في الطريق فجاة عربية وقفت قدامنا اول م شفت العربية صرخت،،،ليث قال لي ي بت في شنو؟قلت ليهو دا احمد احمد اخوي💔،،،قال لي روقي حبيبي م تخافي،،،احمد جا فتح الباب وجراني قال لي كمان حايمة مع الاولاد ي تافهة😡
يتبـــع.................................. .
