استمريت في الشغل عند حبوبة ثريا وانا وليث طبيعي بنتناقر🙄،،في يوم كنت شغالة في المطبخ والشغالة كانت بتنضف وطلعت،،انا جيت عايزة اطلع اتزلقت بالموية وضربت رجلي😪،،بقيت بصرخ من الالم وليث جا داخل جا جاري لقاني قاعدة في الارض،،جا جاري قال لي امل مالك😳،،قلت ليهو شايف شنو انت😡،،قال لي روقي روقي حاول يوقفني م قدرت امشي،،قام شالني❤،،وداني الصالة،،وبقى يحرك لي في رجلي،،وانا بصرخ من الوجع،،قال لي روقي خلي حركات الشفع دي😡،،بعد حركا لي مسافة بعدها حسيت بي راحة ،،قلت ليهو شكرا😊،،قال لي ولو،،حبوبة جات نازلة قالت لي امل في شنو مالك؟قلت ليها وقعت بس ي حبوبة م في شي، ،قالت لي م حتقدري تشتغلي اخدي راحة،،وليث قال ليها انا بوصلا،،سندني وصلني لحد العربية ❤واتحركنا ع البيت ،،لم وصلني ،،قال لي انتي ساكنة في الحي دا؟قلت ليهو ايوة😊،،قال لي طيب خلي بالك من نفسك،،قلت ليهو ان شاء الله
نزلت ودخلت البيت،،نمت صحيت بصوت هبة والبنات وهم شغالين لي امل مالك؟صحيت قلت ليهم م في شي وقعت بس عشان كدا جيت،،عاينو لي رجلي هبة قالت لي رجلك دي مورمة ي بت😢،،قلت ليها لا كويسة،،قالت لي انتي بتستهبلي ولا شنو😒،،مزن وفاطمة طلعو الصيدلية وهبة قعدت معاي،،جابو مرهم والرباط بتاع الرجل داك عملوهو لي❤،،وحلفو ابو يخلوني اقوم🐸،،عملو لي الشاي والعشاء وجابو لي ❤،،ونسوني مسافة لحد م نمت😴،،تاني يوم الصباح قمت عشان البس هبة جات قالت لي ع وين🌚،،قلت ليها كيف يعني ماشة الشغل،،قالت لي شغل شنو بي رجلك دي😒،،قلت ليها ي بت م ينفع،،قالت لي امل شغل مافي والكلام منتهي🐸،،قلت ليها وطيب حبوبة ثريا،، قالت لي هي مش معاها شغالة كم يوم م حتفرق،،شالت التلفون وضربت لي حبوبة ثريا،،قالت ليها امل دي رجلها واجعاها م حتقدر تجي ،،بعد قفلت قالت لي المرة دي طيبة شديد وقالت ليك ارتاحي وبعد تبقي كويسة تعالي قلت ليها تمام😊،،م كان في موضوع ومن الصباح كنت برسم في الفساتين وعملت مجموعة حلوة شديد❤
عديت يومين م مشيت الشغل،،وعند ليث،،حبوبة انتي امل حتجي متين؟والله م عارفة ي ليث لحدي م تبقى كويسة بس،،ليث دخل غرفتو وهو زهجان،،ليه من امل دي مشت انا حاسي اني م كويس وكاني مشتاق ليها؟معقول معقول حبيتها؟لا ي ليث حب شنو ياخ💔،،طيب بعدين ليه هي ساكنة في حي زي دا وليه بتشتغل عن حبوبة وهي م ظاهر عليها ابدا انها من اسرة فقيرة او كدة؟!ي الله في حاجات كتيرة لازم اعرفا لازم اتكلم معاها☹،،بعد اليومين انتهو وانا فكيت الرباط لبست ومشيت لي حبوبة ثريا
ليث فتح لي الباب،،حسيت بي راحة كدا لم شفتو،،فضلنا مسافة واقفين وبنعاين لي بعض❤،،بعدها قلت ليهو ممكن تدخلني😒،،قال لي اي ادخلي ادخلي 😒،،دخلت قال لي بقيتي كيف؟قلت ليهو احسن الحمد لله،،دخلت وسلمت ع حبوبة ثريا وقالت لي بقيتي كيف؟قلت ليهو كويسة😍،،مشيت المطبخ عشان القهوة،،ليث جا وراي،،قال لي اعملي لي كباية معاكم،،قلت ليهو كويس،،تاني قلت ليهو انت م عندك جامعة؟ !قال لي عندي بس م قدرت اخلي حبوبة براها،،قلت ليهو ايوة معليش اخرتك عن جامعتك🙂،،قال لي ابدا اصلا حبوبة دي مهمة عندي شديد🙂❤
قلت ليهو حلو،،قال لي طلعي لي حبوبة القهوة في غرفتا وتعالي هنا في الصالة عايز اتكلم معاك،،قلت ليهو في شنو؟قال لي انتي بس امشي وم عليك😒،،قلت ليهو كويس😏،،طلعت لي حبوبة القهوة في غرفتا ونزلت لي ليث❤
يتبـــــع........................................
