قال لي خلي الموضوع دا علي،،،قلت ليهو حتعمل شنو؟ قال لي بوريك بعدين هسي اكلي😘،،قلت ليهو كويس،،بعد خلصنا اكل،،،قال لي حبيبي انا تعبان لاني صحيت بدري شديد حاطلع ارتاح شوية قلت ليهو كويس❤،،هو طلع غرفتو وانا طلعت غرفتي ونمت😴،،،صحيت بصوت ليث بقول لي حبيبي قومي الغدا،،،قلت ليهو والختاهو منو؟قال لي انا❤،،،قلت ليهو ليه م صحيتني،،،قال لي كنتي نايمة م قدرت☹،،وبعدين الاكل جاهز انا بس سخنتو ورصيتو،،،قلت ليهو حبيبي بس م كان في داعي تتعب نفسك😢،،،قال لي ي قلبي م فيها تعب وقرب علي وباسني في خدي ❤،،انا خجلت لحظتها☺،،قال لي خلي الخجل وصحي حبوبة وتعالو الغدا😉
قلت ليهو كويس😘،،طلعت صحيت حبوبة ونزلت،،ليث جراني قال لي اقعدي جنبي😉،،،قعدت جنبو وحبوبة جات نازلة،،قالت ليهو ليث كيفك؟،،قال ليها تمام ي حبوبة وانتي؟،،،،قالت ليهو كويسة ي ولدي😊،،،ونحنا بناكل كدا ليث مدا يدو ومسك يدي🙈،،،بقيت بجرها منو ،،،مسكا قوي وابا يفكها❤،،،،بعد خلصنا اكل ليث بقى يلم معاي في الصفرة،،،،قلت ليهو قبيل ابيت تفك يدي ليه😒،،،قال لي قلت ليك بكون مرتاح كدا انتي مالك😒
قلت ليهو مش يدي🙄،،،قال لي ابدا،،،،قلت ليهو كيف يعني؟،،قال لي انتي كلك كدا حقتي انا❤،،سكت وم رديت،،قال لي حلاتو البخجل دا😉،،قلت ليهو ليث خلاص☺،،،قال لي طيب حبيبي انا طالع مع اصحابي ولو اتاخرت استنيني عشان اوصلك،،قلت ليهو طيب،،ليث طلع وانا قعدت احضر في التلفزيون مع حبوبة ثريا❤،،
قامت رانية ضربت لي،،رديت سلمت علي وكدا،،قالت لي ي امل خلي بالك،،قلت ليها في شنو؟قالت لي محمد دا بكرة جايي الخرطوم عشان يفتشك😢،،قلت ليها شنو؟؟قالت لي والله وجايب معاهو رجال كتار عشان يقبضوك،،،لي لحظة خفت بس م قدرت اظهر خوفي قدام رانية،،قلت ليها م تخافي ي رانية م حيحصل لي شي ان شاء الله❤،،،بعد قفلت حبوبة قالت لي في شنو ي امل،،قلت ليها اخوي جاي الخرطوم عشان يقبضني ويرجعني الحلة ويقتلني هناك🙂،،،قالت لي شنو ع كيفو هو،،،الناس ديل متخلفين شكلهم،،،بس م تخافي م حيقدر يعمل ليك شي،،،قلت ليها ان شاء الله ي حبوبة اصلا م خايفة منهم انا لانو ربنا معاي❤،،قالت لي ونعم بالله ي بتي😊،،،زي الساعة 8 كدا جهزت لي حبوبة العشاء وقلت ليث دا حيتاخر م انتظرتو وطلعت،،ركبت المواصلات وحكيت للبنات،،هبة قالت لي م لازم تطلعي تاني ي امل،، قلت ليها مستحيل اتحبس في البيت عشانو،،مزن قالت لي بس كدا حتخاطري بي حياتك😢،،،قلت ليها ي بت لن يصيبنا الا م كتب الله لنا،،يعني ربنا الكاتبو لي هو الحيكون😊،،فاطمة قالت ليهم فعلا ي جماعة امل معاها حق،،وبجهة ليث رجع البيت ولقاني مافي،،وحبوبة ثريا حكت ليهو كل حاجة،،طوالي ركب عربيتو واتحرك،،،اتصل لي وقال لي انا مش قلت ليك م تطلعي واستنيني😡،،قلت ليهو ليث روق م حصل شي😢،،،قال لي انا جنب البيت اطلعي
طلعت ليهو،،قال لي اركبي العربية،،ركبت قام اتحرك،،وكان سايق بي سرعة مبالغة،،قلت ليهو ليث سوق براحة انت جنيت😡،،،قال لي انتي بتسمعي كلامي عشان اسمع كلامك؟؟قلت ليهو ليث ياخ😡،،،قال لي انا مش قلت ليك م تطلعي؟لا والاحلا اخوك عايز يجي عشان يقتلك وطالعة تحومي براك وحتى م كلفتي نفسك تكلميني😡،،،كان بتكلم بي صوت عالي،،طوالي ختيت يديني في عضاني،،وقلت ليهو م تصرخ فيني اتكلم بالراحة م تبقى زيهم اتكلم بالراحة😭،،،وقف العربية،،وقال لي حبيبي روقي😢،،،والله م كان قصدي بس كنت خايف عليك،،وحضني عليهو شديد،،،بكيت مسافة بعدها ارتحت❤،،،مسك وشي بين ايديهو ومسح لي دموعي،،،قال لي حبيبي م تعملي حاجة من غير م تكلميني طيب،،قلت ليهو كويس😢،،،قال لي بحبك ياخ م تخوفيني عليك😪،،،قلت ليهو وانا كمان بحبك ❤،،،بعدها وصلني ع البيت ومشى💗✨
يتبــع.......................
اقتباسة:
واني اريده ي الله صادقا كابي بكر،،طيب القلب كمحمد،،عاقلا كعمر،،ذو فكر يوسفي الجمال💗،،اريده حنينا ي الله،،،فاللهم حلالا يشبه امانينا❤✨
