عرفت بحياتي لوعت الوقت والحرمان وعرفت العذاب وتعبت أميز ألوانه وجلست أذكر الماضي على قول كان وكان غرام حفظته ياعسى صاحبي صانه تراك بحياتي نابض القلب والشريان ودونك حياتي ياهوى البال خسرانه
""""البارت السادس عشر """"
أصبح صباح يوم جديد جمييل يحمل نسماته ويبث النور من جديد على أبطالنا
لتمنح كل شخص أمل جديد
وتبث بنفسه العزيمه
يوم يحمل شعور بكل قلب انسان
الحزن ؛الاشتياق؛ الحنين ؛الحب؛ الهم
حظرت كل شي على الطاوله بشكل مرتب وجميل ألقت عليه نظره أخيرة
وابتسمت :تمام التمام
وراحت لغرفة فيصل وقفت عند الباب وهي تعدل تيشيرتها وترجع شعرها لورى وطقت الباب كم مره مارد
رجعت طقت بعد مافيه رد
خافت عليه فتحت الباب ونادته
فيص......
انقطع صوتها لمى شافته طالع من الحمام ولاف المنشفه عليه وشعره ينقط منه المويا
جمانه استحت و رفعت يدينها بسرعه وغطت وجهها بطريقه طفوليه وتكلمت بإرتباك :أاأسفه ماكنت أقصد ادخل بس ...خفت لاني ماسمعت لك صوت
فيصل ابتسم على برائتها :لا عادي يلا الحين البس وانزل
جمانه لفت لجهة الباب تبي تطلع وتكلمت بإرتباك :طيب ...بروح اشوف نوافي
فيصل ابتسم :طيب
جمانه اطلعت بسرعه وتحس قلبها بيطلع من مكانه من كثر مادق
:ياربي أحبه أحبه متى تحس فيني يافيصل
تذكرت معاملته معاها خلال هالشهر
حسسها انها طفله عوضها عن فقدان أهلها
بس مازال بينهم حواجز كثثير
راحت لنواف
:نوافي تعال حبيبي نروح نفطر
نواف قرب منها ورفع يده
:شيليني
جمانه مسكت خده :يالبى هالخدود ابشر كم نواف عندي
نواف بإبتسامه :واحد بث
جمانه :صح
ومدت يدها وشالته ونزلت
اول مانزلوا شافوا فيصل توه جلس
على الكرسي
رفع نظره لها
:وش هالفطور الزين تسلم يدينك
جمانه نزلت نواف الي راح ركض لأبوه
:بالعافيه على قلبك
فيصل :الله يعافيك يلا تعالي افطري عشان نبي نسافر اليوم
جمانه بفرح:جد
فيصل :ههههه ايه
جمانه بعفويه :قول والله
فيصل :ههههه والله يلا تعالي افطري ولا بهون
جمانه راحت بسرعه وجلست :لالا كله ولا تهون
فيصل:أجل تجهزوا بعد الفطور على طول
جمانه:وين بنسافر
فيصل ابتسم:هههه موفاجئه
جمانه بدلع عفوي :فصووول لااااا قول وين
فيصل من سمعها تدلعه ابتسم هالجمانه غيرت حياتهم هو ونواف خلت للبيت حياة
قبل لا تجي كان البيت ماله طعم من بعد ماماتت زوجته ضحك
:ههههههه مااافيه قلت موفاجئه
~~~~~~~
بالمزرعه
أروى صحت بدري و راحت جهة الشباب تبي تبخر غرفتهم x
كانت تمشي وهي طفشانه
: الله يهديك يمه ماجاء إلا الحين تبيني اروح ابخر غرفة الشباب أووووف حتى بالمزرعه مانرتاح
كله عشان فهد اذا دخل تكون ريحة الغرفه زينه
وتذكرت فهد وابتسمت .........
