اسألني من تكون بحياتي؟ اسألني من ملك عقلي وذاتي؟ اسألني عن غلاك اللي بقلبي؟ اسألني كان ودك تسألني ؟ منهو اللي أشعل شمعة حياتي؟ اسألني لو بغيت اني اجاوب؟ تردد لك شفاتي إنك كل حياتي
"""البارت الرابع والثلاثون """"
طق الباب بهدوء ودخل بعد ماسمع فهد يأذن له
وقف وابتسم من شاف أروى جالسه جنب فهد ووجها احمر عرف انها رضت :فهيد احنى قلنا نظره شرعية مو تبلط عندها
يلا قم اطلع لااحوسك الحين
وناظر لأروى وفيه الضحكه :وانتي أعجبك العريس ولا نغيره
أروى ناظرتهم وابتسمت بحياء وطلعت بسرعه حست انها لو بتجلس أكثر بتموت من الحياء
بعد ماطلعت حط فهد يده على قلبه وهو يتنهد بهيااام:ياااالبى قلبها استحت
قرب منه الوليد وسحب أذنه وبمزح :لبى قلبها هاه ترى مابعد أخذنا موافقتها
ضحك فهد :ههههه لا تخاف موافقه اروتي
ههههه وبعدين تعال نسيت انها زوجتي
ضحك الوليد وهو يشيل يده عن فهد :هههههه من يقول إن فهد يطيح هالطيحه
فهد ابتسم :هذي دعواتك وجلس يقلده
"" يارب يافهيد تلقى وحده تدخل قلبك من أول نظره """
تذكر يوم كنت تدعي علي هههه
وهذي اختك دخلت قلبي من أول نظره
ابتسم الوليد :الله يوفقك والله انك تستاهلها وهي تستاهلك
""الطيبون للطيبات"" وانا اخوك
فهد حط يده على كتفه وسحبه :هذا من طيب اصلك يااخوي يشهد الله انك أخ عزيز وغالي علي
ابتسم الوليد :خلينا الحين من هالرسميات وخلينا نروح اكيد الشباب منتظرينا
واذا ماخاب ظني تلاقي طلال حايسهم
"""""""""""""
جلس طلال جنب زايد الي توه جاء من عند أفنان وهو يضحك وبمزح :اقول زيود كان نمت جوا ياأخي احنى هنا منتظرينك وانت نايم بالعسل على الأقل كان قطعت كيكتك وخليتنا نأكل وبعدها روح ولعاد تجي
زايد ضحك :هههههه هذا كله عشان الكيكة ولا يهمك خلي الوليد وفهد يجون ونقطع الكيكة
زياد رفع الكاميرا :وانا بصورك مع اني شاك انك ماتعرف تقطعها
زايد ابتسم :لا حبيبي ماراح اقطعها لحالي احسب حسابك انت بتقطعها معي
ضحك طلال وقام وجلس جنب زياد :طاح وجهك روح قطع معه ههههههههه و هات الكاميرا انا اصور الثنائي المتشابه
زايد وزياد بنفس الوقت :اقول اسكت لانخليك تقطعها انت
طلال رفع كتوفه وهو يضحك :هههههه مو انا صاحب الشأن
فيصل تدخل بالحوار اعجبه كلامهم واخوتهم الحلوه وسواليفهم :أنا مع طلال هو مو صاحب الشأن
طلال :يالبى الي بصفي اقول أبو نواف تعال عندنا دووم انا مسكين الكل ضدي
فيصل :افا عليك انا من اليوم معك
ضحك طلال وهو يحرك حواجبه :ههههه لقيت من يوقف بصفي
