تعبت أشكي تعبت أبكي تعبت أحكي مآسي الروح
قتلني الوقت بظروفه ذبحني وجفف نهـــــــــــــاري
أخبي علتي وأسكت وأنا في داخلي مذبووووووح
أجــــامل وأرسم الضحكه وأنا قلبي على نــــــاري
أحاول والله يعلم بي أداري دمعتي أخاف أبوووح
أداري الجرح وأتجاهل عن اللي ينشد أخبـــــــاري
أقول بخير ولكني جريح وفي حشــــاي جرووووح
"""البارت الرابع عشر """
بعد مرور شهر
الوليد هالك نفسه بالشغل مايبي شي يذكره بالماضي الساعه كانت تشير على 5 العصر وهو للحين مارجع البيت
دخل عليه فهد بعد ماطق الباب
وقرب منه سحب الملف من يده
:يااخي ارحم نفسك تراك منت ب أله شغال ليل ونهار
وناظر ساعته :شوي ويأذن المغرب
الوليد تنهد :وش تبيني اسوي ماعندي غير هالشغل
فهد :قم بس خلينا نروح نطلع ونوسع صدورنا
الوليد وهو يفكر وعاقد حواجبه :فهد عندي لخبطه بالحسابات واحس ان احد وراها
فهد جلس وباهتمام :وشلون
الوليد مد له الملف :شوف وتعرف
فهد اخذ الملف واطلع عليه
:ومن هالحقير الي يلعب بالحسابات
الوليد بحيره:ماأدري انا توني عرفت اليوم
فهد :راح ينعرف بس لا تشغل نفسك وقوم معي
وهالسالفه خليها علي انا احلها واطلع هالخسيس الي يلعب من ورانا
الوليد قام ورتب ملفاته
:طيب يلا مشينا
~~~~~~
بالمطار كان يمشي طلع للباب وأخذ يستنشق
ريحة وطنه الي اشتاق له واشتاق لأهله
ابتسم وهو يحس بالراحة
ودع خويه
وقف تاكسي وركب
وبعد نص ساعه
وصل لبيت عمه الي رباه من بعد وفاة
أهله ...
دخل لقاهم كلهم جالسين بالحديقه x
الكل وقفوا ...وانصدموا.بشوفته
لأنهم اشتاقوا له لهم 4 سنوات ماشافوه
...راح لعمه وحب راسه.. ويده ..
عمه وهو يضمه :هلا... هلا والله بولدي... هلا بولد الغالي هلا ب سندي وعزوتي
زايد :الله.. الله اللحين صار السند ..والعزوة ..وحنا صرنا... ولاشي
طلال لف ل زايد .. وابتسم... وراح ضمه
زايد :هلا.. هلا ..بك يالدب وحشتنااااا
طلال بحب: وانت اكثر... يا زيود ... كلكم لكم وحشه
جت ام الوليد .. وفكتهم.. وهي تبكي
هي تعتبره مثل ولدها ربته:بس... بس ..فك ولدي خليني اسلم عليه ...واضمه
وضمها طلال ... وسلم ع راسها ..ومسك يدينها الثنتين وسلم عليهم
ام الوليد تبكي:يايمه... الحمدلله على سلامتك نورت الشرقيه الا السعوديه بكبرها منوره
