طال انتظاري والوله يحرق الجوف.. والصبر ما يطفي من البعد ناري .. اكتم شعور الشوق واصارع الخوف.. وفي داخلي نهر من الهم جاري.. اضحك ولحن الحزن بالصدر معزوف.. ودمعي حبسته لا يبين انهياري..
@@@@@@
اقووولك
حط السهر فوق السهر واذبح الشوق .. واجرح كثر ما كنت تجرح و زيده .. واعلن وفاتي وارفع بهامتك فوق .. صدق وصلت وصار كل ما تريده .... واكتب على نعش الغلا بدمعة الموق .. غالي ذبح منهو يحبه بايده. ....
""""البارت الثامن والثلاثون""""
وقف سيارته عند العماره والسعاده تملي قلبه نزل وفتح لها الباب وبنبرة حب :انزلي يااحلى ام عبد العزيز
ابتسمت له وهي تمد يدها وهو مسكها ونزلها
وقفل باب السياره مشت معه وهي حدها مستانسه اليوم بعد البحر راحت المستشفى وعرفت جنس البيبي
وهذا غير من نفسيتها شوي وزياد كان طاير من الفرح انه ولد
رفع يده وحطها على كتفها وهم يمشون :امشي بشويش ياعمري
اسيل بهمس :زيود عيب اتركني وامسك يدي بس
ضحك زياد :هههههه أنا حر زوجتي وابي امشيها كذا
ضحكت اسيل بخفه :هههه طيب امري لله
ابتسم بخبث وهو يمشي وراهم
وبهمس :هه وهذاني عرفت بيتك ياأسيل وربي لتندمين على هذيك الليله
ناظر لزياد بسخريه :ودكتورك ماراح ينفعك يابنت عمار
مشى وراهم إلى أن دخلوا شقتهم
ورجع وهو مسوي إنجاز انه عرف بيت اسيل
وناوي لها على نية
ركب سيارته وحركها وهو يفكر وشلون يجيبها
وكيف
""""""""""""""""""""
بعد ماهدى طلع من عند فهد وجلس يحوس بالشوارع من شارع لشارع و ماوعى على نفسه الا وهو موقف قدام بيت أبو دانه
ابتسم بحزن ومرر أنظاره عليه نفس منظره من كم شهر ماتغير ولااحد عدل فيه
إلا أن فيه لوحه مكتوب عليها للبيع ورقم
نزل من السياره ووقف قدامه وتسند على السياره
مايدري وشلون صار هنا وبالمكان هذا هل قلبه الي ساقه ولا عقله التفكير اتعبه وهد حيييله الود وده يبيع قلبه الي ماليه الهموم ويشتري قلب خااالي من الهموووم عجز يعدل
حال دنيااااه
ابتسم على تفكيره بحزن
هاذي هي الدنيا ام وجهيين ايام تشربك المر واياام تشربك الحااالي
نزل نظارته من على عيونه وهو يناظر لكل جزء من البيت المحروق المهترى وبنبره حزينه
:رحتي يادانه واخذتي قلبي معاك
ناظر للباب الي نصه محروق ومتهالك
:عشتي هنا يابعد قلبي دخلتي من هالباب وطلعتي منه اكيد انك لعبتي هنا بعد حول البيت
ابتسم بحسرة وهو يرفع نظره للشباك
و يتخيل لو أن دانه تطل عليه منه وتناديه لودي
تذكر وجهها المشع كالشمس بدأ يتكلم بصوت خافت كأنه يكلم دانه
