غيابك عني دمرني احس العين ماتبصر
وصار الهم لي وحدي واحس القلب ماينبض وعاف الدم شريانه....حبيبي
تدري في قربك .. تمر ايام وتعدي ..
ثواني في نضر عيني ابد ما انلام ولهانه
تصور ..!
يا غلا نفسي غلاتك وش كثر عندي
يذوب الثلج في القطبي وتدفى نفوس بردانه
خيالك مالي هالدنيا واشوفه وين ما ودي
ولامنه اختفى عني لعنت ابليس واخوانه
ابي تعرف قدر حبك وابي تعرف انا ش ودي
وابي تعرف وش الدنيا بدون الورد والوانه
واذا والله جميع الكون وقف كله بعد ضدي
يموت الكون ومايسمع خفوقي يالملا (خانه)
بيسمع كيف انا احيا به واموت فبسمت شفاته .
وابي يسمع كيف هو يملك فكر عقلي وسلطانه
صحيح انثى ولكني وقفت بقلب متحدي احبه
قلتها وهزت جميع الكون واركانه
وضعت الناس في كفه لجل تفهم علي قصدي
لجل تفهم قدر خلي رجح بالقلب ميزانه
يكفي لا نظر لي بشوق نسيت اسمي واسم جدي وذكرت اسمه واسم امه واسم ابوه
وجده مع اخوانه
خلاص اليوم ياعالم ملكت الكون من قدي
ما ابالغ لو عشق قلبي "ظلاله"
وكله بس من شانه !!!
"""البارت الخامس والأربعون """
فتحت باب السياره وركبت وهي ساكته انتظرت دانه لكن ماجت قفلت الباب بهدوء ولفت لفيصل الي يناديها :هلا
فيصل رفع ساعته يناظرها :الحين لي ربع ساعه بالسيارة انتظرك غريبه تاخرتي
جمانه بقلق :أبد كنت أنتظر دانه لكن ماجت والله حيل أحاتيها فيصل
ابتسم فيصل ومسك يدها :يالبى قلبك جمانتي مااطيب قلبك وبعدين وش مخوفك عليها والوليد سيارته ماهي موجوده يمكن تلاقيهم مشوا
هزت رأسها وقلبها ياكلها على أختها :يمكن
ابتسم فيصل :طيب خلاص كل شي بالسيارة جاهز نمشي
ابتسمت جمانه :ايه امشي توكل على الله
شهق نواف بطفوله وهو ينقز عندهم قدام :لحظه لحظه بابا كورتي نسيتها
ضحك فيصل وهو يناظر له :ههههه طيب يابطل انزل جيبها
ابتسم نواف بدلع :خلي ماما تنزل معي نسيتها بغرفتنا
ناظر فيصل لجمانه :الله يعينك انزلي معه وش يفكنا منه الحين
ضحكت جمانه بخفه :طيب يلا نوافي ننزل نجيبها
نزل نواف ومسك يد جمانه وتوجهوا للشاليه مره ثانيه دخلوا واخذوا الكوره وهم طالعين ناظرت له جمانه :نوافي تعال شوي
سحبته وطلعت من الباب الي يطل لجهة الشاطى ماتدري فيه شي كان يحثها انها تطلع مع هالباب وقفت وهي تشم ريحة الهواء
وصارت تتلفت يمين و يسار وكأنها تدور لأحد طاحت عيونها على دانه الي جالسه ب عبايتها بعيد وتبكي بإنهيار كان صوتها واصل ل عندها قلبها انقبض وخافت حيييل انحنت لنوافي بهدوء :نواف روح عند بابا وقول له ينتظرني شوي
