يقولون اني طـمـاع..؟؟؟ وأنا والله ماطلبت إلا أكون.. عين كل منهو يشوفك بعينه.. أكون ذاك الهوى بجوفك.. أكون دمك في وريدك.. أكون عندك وقبلك وبعدك وحولك.. وياليت لو تسمح.. أكون في حلمك وعلمك.. عــاد بذمتك..أنا طـمـــاع..؟؟؟
"""البارت السابع والثلاثون """"
صحى الوليد من النوم و ناظر ساعته كانت الساعه تشير ل 11 الليل
قام وهو يحس انه كسلان أخذ له شور سريع وطلع لبس له برمودا اسود وتيشيرت رصاصي وصلى ركعتين لله
ودعى الله انه عساه يكتب له الخير وييسر اموره خلص صلاة وقام طوى سجادته وحطها على جنب وتنهد وهو يجلس على سريره
:معقوله اشتقت لها
ضحك بستخفاف على نفسه :ههههههه لا وين بس تعودت عليها
انسدح وفتح جواله على اسمها وبدا يتأمله
كان مسجله ""مشتتني"
فكر انه يدق عليها وبعدها تذكر الي صار
رمى جواله جنبه وهويفكر فيها وفي تصرفه اليوم معها
لام نفسه المفروض يتأكد وبعدين يسوي الي لازم يسويه
يمكن أرسلتها ونست
عقد حواجبه بقهر :لالا مستحيل تنسى هاذي هي أرسلتها آخ بس لو أعرف مين هو
قام من على السرير ونزل تحت طفشان يبي يسولف مع الشباب يمكن ينسى شوي همومه
لكن وقف من شاف طلال واقف وشكله مايبشر بالخير قرب منه بخوف وسمع كلام ابوه وانصدم
أبو الوليد ناظر للوليد الي كان واقف ويسمع حديثهم بنظرات رجاء كأنه يقول له وأسي اخوك والتفت لطلال
الي عدل وقفته ولف وأعطاهم ظهره
ناداه أبو الوليد :طلال
طلال رد بصوت مبحوح :اتركني اتركني يبه
ومشى عنهم وهو يجر نفسه جر يحس وكأنه متحمل بأثقال خطواته كانت حيييل ثقيله
صدمته مو مثل أي صدمه حس انه بعالم غير عالمه عالم مايحتويه ابد
لحقه الوليد الي اول مره يشوف طلال بهالمنظر :طلااااااال
لف له طلال ووجهه ماليه الدموع و طنشه وفتح باب سيارته وركب شغلها بسرعه ورجعها للخلف لف للشارع وحرك السياره بسرعه جنونيه
وقف الوليد مكانه وهوخايف عليه ورفع جواله ودق عليه مارد ورجع مره ثانيه دق لكن بعد مارد نزل جواله بقلق :مجنون وربي مجنون يارب انك تحفظه
رجع البيت ودخل وشاف امه تبكي وتناظر له برجا :لحقت اخوك
الوليد بقلق:يمه مالحقته راح
ام الوليد جلست على الكنبه وزاد بكاها :يارب انك تحفظه يارب سمعت صوت السياره من هنا يا الوليد أخاف يصير في طلال شي
ورجعت وقفت مره ثانيه وقربت من أبو الوليد :حتى ولو ماجبته انا على هالدنيا يبقى ولدي ولدي ياعبد العزيز
تفهم
