دمعـاتي اللي لابكـيت بصمت تبكـينـي ..
تـرسم على وجنـاتي الغبـرا معـانـاتي ..
صحيـح تفـضحنـي ولكـن ماتخـلينـي ..
إحسـاسها الصـادق يخفـف ضـيم آهاتي ..
آهاتـي اللي من قـديـم العمـر هي فيني ..
إحسـاسهـا شعـري وأنفـاسهـا ذاتـي ..
أنـا جـروحي بـ هـالدنيـا تسـلينـي ..
فيهـا يتـلاقى بقايـا الشـوق وشتاتـي ..
فيهـا يتنفـس دمـي اللي في شرايينـي ..
فيها صدى الجرح يحكي بلسـان عبراتي ..
أنـا همومـي لـو نستني توقف سنينـي ..
توقف على حدود المشاعر بصمت وتحاتي ..
تجـرحني بنظـرة عتب وماتحـاكينـي ..
أتنـهد ومـن دون مـدري تهـل دمعاتي ..
همـي كبيـر ومالـقيت اللي يحس فيني ..
إلا دمـوعي والـورق واحساس كلماتي .
""""البارت الواحد والأربعوووون""""
وقفت قبال الباب وهي تاخذ نفس وبعدها ابتسمت بحب وفتحت الباب بهدوء وسعادتها اليوم لاتوصف :زيود حبيبي ليش تأخرت
:ههههههه وش هالحلاوه
فجائتها صوت ضحكة مقززه عقدت حواجبها وبدا الخوف يجتاح قلبها الصغير هذا مو صوت زياد
بدت ترتجف من الخوف وترجع خطوااات لورى
وتكلمت بخوف وبصوت متقطع :مين..انت
تكلم بخبث:أنا ..لا ..لا معقوله نسيتي مين أكون أنا ياحلوه انا أبو عادل
بدت دموع اسيل تنزل تبددت سعادتها وش جابه وش ألي ذكره فيها تدعي من قلبها أن الله يكفيها شره :تكفى لاتقرب مني الله يخليك
أبو عادل صفر بخبث وهو يناظرها من فوق لتحت وفستانها الأسود الي يغري وسيقاانها البيضاء :والله والزواج غيرك يا بنت عمار احلويتي يابنت ههههههههههه
رجعت اسيل لورى وهي ترتجف تحس رجولها ماهي قادره تشيلها وارتفع صوت بكاها وصرخت :زياااااد وينك زياااااد تعال ساعدني
قرب أبو عادل منها وهو يضحك بشر
وهي ترجع لورى ضربت ب الطاوله الي وراها وطاحت بالأرض رفعت رأسها وكل الي تشوفه حولها سواد تمنت بهاللحظه انها تشوف كان عرفت تتصرف وتدافع عن نفسها كملت وهي تزحف لورى ورافعها يدها تأشر له
:تكفى لاتقرب الله يخليك تكفــــــــــى
لآآآآآآآآ تقرب
قرب أبو عادل متجاهل رجاها له وجلس قبالها وبدأ يمرر أنظاره يستكشف المكان استقرت عينه على الطاوله الي جنبه وعليها مزهريه خطرت
بباله فكره وابتسم بخبث رفع يده واخذ المزهريه ومن غير لايرف له جفن رفعها
وضرب فيها رأس اسيل بكل قسوه وضحك
:ههههههه وحده بوحده والبادي أظلم ههههههه
اسيل في هاللحظه حست ان تفكيرها أنشل حست بشي ضرب رأسها بكل قسوه وحست بشي دافي ينزل من رأسها أيقنت انه دم وبعدها معاد حست بشي في هذا العالم فقدت الوعي تماما راحت لعالم ماتدري اذا صحت منه وش بيصير فيها
