اللـه أقوى ليـه خانتنـي الظــــــروف ماهقيـت الليـل ما يوفـي الوعــــــد
ماتت الفرحــة وأنا بعينـي أشـــــوف
حـارت أقــداري وقلبـي فـي جلــــد
هي وأنا فـي ظـلمـة الليــل ووقــوف القمـــر شاهـد ولا غيــره أحــــــــد
وقتنـا قاسـي وفينــــــا مــا يـــرووف تسـألــه عينـي وعينــه مــا تــــرد
لهفتـه لي مثل قلـبي لـه شغــــــــوف
لـه عنيت وأوفيـت أنا لـه بالوعـــد
سلهمت عينـي بهـا رجـوى وخـــوف
ليلنــا جـانـا بعـكــس اللـي نــــــــود
منــوة الـظـامي مناهــا الرشــــــوف
يـا بخت من شاف ووافـاه السعــــد
يا سـراب ولو مسكـتــك بالكـفــــوف
لو شربت أظمى وهي تظمى بعـــــد
"""البارت الرابع والأربعون """"
ناظر لنفسه بالمرايه وهو يمشط شعره ويدندن
سمع صوت عند الباب ولف لجهة الباب ابتسم من شاف نواف واقف عند الباب ببجامته الحمراء الطفولية نزل المشط على التسريحه واشر له وجاه نواف يركض شاله فيصل وهو
يبوسه بخده : الله يازين ريحتك الحين
ابتسم نواف وهو يبوس خد ابوه وببراءه :وانت بعد يازين ريحتك
ضحك فيصل عليه ونزله ومسك يده الصغيره دوم هالولد يحاول يقلده بااي شي يسويه :ههههه طيب ماودك ننزل غريبه ماما ماطلعت لنا شكلها زعلانه على سواتنا
هز رأسه نواف وضحك :ههههه يمكن والله
سحبه فيصل معه ونزلوا مع الدرج سوا لكن وقف بنص الدرج وهو يشوف جمانه جالسه على آخر درجه وحاطه يدها على رأسها خاف عليها وترك يد نواف وزاد بخطواته من الدرج حتى صار قبالها جلس جنبها على الدرجه وحط يده ورا ظهرها وسحبها له بقلق :جمانه حبيبتي فيك شي
توها تنتبه له جمانه ورفعت راسها وابتسمت من شكل فيصل القلقان:لا ابد مافيني شي بس أحس ب دوخه وغثيان معقوله تكون من الملاهي انا ادوخ و استفرغ اذا طلعت الملاهي مره وحده مو كل شوي من أمس إلى الحين تقريبا استفرغت أكثر من خمس مرات
رفع يده فيصل وحطها على جبينها :حتى حرارتك مرتفعه
ركز نظره عليها وابتسم لها بحب وكأنه فهم وش ألي صاير مع حبيبته :جمانتي لايكون حامل
من نطق هالكلمه حست نبضات قلبها زادت معقوله تكون حامل ماتدري مجرد التفكير بالحمل يخوفها حيل تخاف انه يصير لها مثل قبل وتفقده وبنفس الوقت راح تكون سعيده اذا كان كلام فيصل صدق وتكون من جد حامل تكلمت بتردد :معقوله فيصل يكون حمل
هز رأسه فيصل وهو عارف أنها اذا طلعت حامل اكيد راح تكون جمانه سعيده وهذا الي يبيه أنها تكون اسعد من في هالكون كله :ايه ليش لا
مد يده وقومها :قومي الحين إجلسي بالصاله وارتاحي وانا بروح أجيب لك تحليل منزلي واجي حتى نتأكد ونشوف اذا هو حمل ولا بسبب الملاهي
