"""" البارت السادس والعشرون """"
تدري وش خطانا بالحياه...! إنا زرعنا أحلامنا فوق السحاب وقلنا متى نصبح شباب , ونقطف ورود أحلامنا والأمنيات ولما كبرنا وجينا نسأل حلمنا, تدري وش لقينا..؟ لقينا أجمل حلم مات.. وبعده درينا.. إن أجمل شي فينا.."الذكريات
مر شهر على أبطالنا والكل عرف بالي صار مع أروى .......
الوليد وغلا حياتهم ماشيه وغلا مستغربه من الوليد مره يعاملها زين ومره يقلب عليها
حمد ومنار حياتهم حلوه وراحوا شهر العسل رفضت منار يروحون خارج البلاد
وقرروا يروحون مدن المملكة السياحية
فهد واروى علاقتهم حلوه كلها احترام واروى تحسنت حالتها
وابوها وأخوانها كل يوم يجون يبون يستسمحون منها وهي ترفض تبيهم يحسون بالي سواه فيها
خاصة ابوها وزياد
زايد على حاله يحارب الالآمه ومشتاق لافنان
أفنان نفس الشي كل يوم شوقها لزايد يزود
وطلال وملاك كل يوم مكالمات وكل واحد صار يفهم الثاني أكثر
زياد وآسيل عايشين حياتهم بحب
بس اسيل متضايقه من الاتصالات الي تجيها من أبو عادل وكم مره تفكر تخبر زياد بس خايفه عليه من أبو عادل
جمانه وفيصل عايشين حياتهم من أحسن مايكون مع نواف ورجعوا السعوديه
بعد ماقضوا أحلى أيامهم بباريس
""""""""""""""""
له يومين يرجع من الدوام متاخر و ينام ع الكنب .. ظهره عوره منه.. طالع ساعته لقاها الساعه 10الصبح
حمد ربه انه صلى صلاة الفجر قبل ماينام والا كان راحت عليه لأنه نام بعد الفجر
جلس وناظر للسرير كان فاضي عرف انها صحت قبله
طلع من الغرفه شافها مستلقيه على الكرسي الهزاز ومشغله جوالها قرآن بصوت أحمد العجمي ومنسجمه معاه
رجع لغرفته ودخل الحمام غسل وجهه وطلع..x
حس بجوع تذكر انه ما تعشى امس
طلع لها مره ثانيه وشافها بعدها منسجمه وتسمع القرآن ناداها بهدوء:غلااا
غلا لفت له وهي تبتسم :هلا صباح الخير
الوليد يناظر ابتسامتها وعيونها
""ياالله ليش كل شي فيها يربكني ليش كل مااشوفها احس بشي فيني يتحرك ليش """
تنهد وهو كاره هالشعور :صباح النور
وجاء جلس بالكنبه الي جنبها وهو يحط يده على بطنه :حدي جوعان
غلا قامت :توها خالتي داقه علي ننزل نفطر معاهم
الوليد وهو يقوم :أجل يلا خلينا ننزل
لبست غلا جلالها :يلا
نزلوا غلا والوليد وهم نازلين مد الوليد يده بتردد ومسك يدها
لفت غلا لجهته وهي تناظر يده ومستغربه تصرفه
الوليد لف للجهة الثانيه وهو يشد على يدها
:عشان امي ماتلاحظ شي
غلا وهي تناظر لدرج وهم ينزلون :اهااا يعني تمثيل
ابتسم الوليد ببرود :بالظبط
