محتــآإجه أبكي وتسقيــــني من أفراحــــك صدقني دنيـــــآإ بدونك ما أظنهـــــآإ تسليني يـــابعد نـــــآإسي اهمس لي بإحســـــآإسك حسسني بـ حبـك عوضني مــــافقدت من سنيني أيـآإم وسنيــــن القلب تعبـــــآإن بغيـــــآإبك تكفـــى دخيــــلك على مــــوتي لاتــــوصيني
"""""البارت التاسع والعشرون """""
رجع الوليد والتعب باين عليه اول مادخل حديقة البيت وقف مكانه وهو يشوف
غلا تركض وطيف وراها
غلا وهي تركض وتأشر :طيوفه طيارتك هناك
طيف :وطيارتك بعد
غلا وصلت للطياره الي سوتها ب الورق
كانت عالقة بين الزرع
ورفعتها :هذي طيارتي
طيف وهي واقفه وراها :وهذي حقتي
شفتي طيارتي تطير احسن من طيارتك
غلا ضربت رأسها وهي تضحك :ههههه لأن طيارتي مقلوبه من صغري وانا اسويها كذا
طيف ضحكت وشافت الوليد واقف اخذت طيارتها وطيارة غلا وراحت تركض لجهته
:الوليييييد
الوليد مازال مكانه و عيونه على غلا وهي تضحك على طيارتها المقلوبه
ابتسم بحزن """ليش ياغلا دايما تذكريني فيها ""
طيف وهي تهز يد الوليد
:الوليد شوف طيارتي حلوه ولا طيارة غلا المقلوبه
الوليد انتبه لها ونزل لمستواها :اشوف
مدت له طيف طيارتها :هذي حقتي
ومدت له طيارة غلا :وهذي لغلا
ناظرها وقلبه حن لهذيك الأيام
""ااااه ياغلا حتى نفس طريقتها ""
رجعها لطيف ومارد عليها
ومر من جنب غلا ولا عبرها حتى
طلع لغرفته وغلا استغربت تصرفه لحقته على طول حست ان فيه شي
دخل الوليد غرفته وهو حده تعبان
رمى مفاتيحه على التسريحه وشال الشماغ والعقال ورماها على السرير وفسخ ثوبه بصعوبه
وكل هذا تحت أنظار غلا الي مستغربه وجهه الي باين عليه التعب أكثر من أمس
الوليد وهو رايح للحمام :غلا ممكن تطلعين لي بجامه من الدولاب الي فوق
غلا استغربت هدوءه :طيب
قامت لدولابه وفتحته واول مافتحته طاح منه شي قوي بالأرض رجعت للخلف شوي ونزلت تحت تشوف وشو الي طاح
ركزت عيونها على شي ماعمرها توقعت تشوفه مره ثانيه
شافت البرواز مدت يدينها المرتجفه وأخذته وهي تحاول تصدق ظنونها انه نفس البرواز الي أعطت الوليد قلبته وشافت الرسمه رمشت بعيونها كم مره وهي ماهي مصدقه هذي... هذي رسمتها
الي رسمتها للوليد يوم ميلاده
غمضت عيونها وفتحتها تبي تستوعب الي تشوفه معقوله يكون هو معقوله نزلت دموعها وشلون ماعرفته وشلون ماعرفت حبيبي وشلووون
وقفت ولفت جهة الشباك بس كل شي تغير البيت وكل شي حتى الوليد تغير مسحت دموعها ورجعت البرواز بالدولاب قبل لايطلع الوليد ويشوفها وطلعت له ملابس
الوليد طلع من الحمام وهو ينشف شعره بيد وحده
رفع رأسه وشاف غلا كانت واقفه عند دولابه وبيدها الملابس
قرب منها الوليد وابتسم بهدوء :مشكوره
