"""البارت الثاني والعشرون """
كم لي وأنا أقابلك في النوم وأصحى بك.. وإن هلت دموع عيني أنت مبكيها! كم جابني الشوق ملهوف على بابك.. وأنا أردع النفس في بعدك وأعزيها! إن جيت للجد ماأقوى لحظة غيابك.. هذي حقيقة شعوري مقدر أخفيها!
"""""""""""""
صحى الوليد من النوم وهو يحس ب صداع فضيع من التفكير ناظر يمين يسار توه يستوعب المكان الي هو فيه وان أمس كان عرسه
تنهد وناظر الساعه شافها الساعه 4 العصر
شال الديباج عنه
وقام أخذ منشفته ودخل حمام (الله يكرمكم )
توضأ وطلع وهو ينشف وجهه لبس بنطلون جينز وتيشيرت أحمر
وصلى الصلوات الي فاتته
وتوجه للباب
تذكر غلا :خليني اشوف الي عندي وش تسوي
حط يده على جيبه يبي بكت الدخان مالقاه
رجع وأخذه من على الكوميدينه ورجع
فتح الباب طلع الصاله ووقف محله وهو يشوف غلا جالسه بالأرض وحاطه رأسها على الكنبه الي بوسط الصاله
ونايمه ب فستانها
حزن على شكلها ومااسرع ماتبدل
حاله وابتسم بخبث وقرب منها جلس جنبها على الكنبه
وطلع له سيجاره وولعها وجلس يسحب منها بقوه ويقرب فمه من وجهها وينفث عليها
كررها كم مره
فتحت غلا عيونها وهي تحس بضيق بالتنفس
:كح ...كح...اآآآآآه. .كح...كح
توها تنتبه للوليد وهو ينفث عليها الدخان
رفعت رأسها :ايش هذا ....كح...كح...وش تسوي ....
الوليد ابتسم بسخريه :هه صباحية مباركة يا عروسه .....
وحط يده على كتفها :...هههههههه وش رأيك ب صباحيتك
غلا دفت يده عن كتفها :أبعد عني يا...
الوليد بعصبيه :ياأيش......
غلا ابتسمت بإستهزاء :هه يا الوليد
تدري أن هالاسم خساره فيك يا حقير......
وقامت بسرعه تركض للغرفه قبل لا يسوي لها شي وصكت الباب بقووووة
الوليد قام وراها بسرعه
وقفلت الباب بوجهه
طق الباب بعصبيه
:ااااافتحي .....اااا فتحي مين الحقير
ياحقيره ......انا اوريك
زاد طق الباب بقوه
:طيب لك ياغلا ......إن ماخليتك تشوفين نجوم الليل بعز الظهر
ترك الباب وطلع وهو يتنفس بسرعه يبي
يشم هوا ضايقه فيه الدنيا
سمعت صوت الباب ينصك بقوه
تسندت على الباب
وغمضت عيونها ودموعها تنزل مثل الشلال
:اااااه يادنيا تزوجت ابي ارتاح
ظنيت انك يالوليد راح تعوضني عن الحياة الي عشتها ضنيت أن كل واحد اسمه الوليد راح يكون مثله .......اآآآآآه يالوليد
وجلست تبكي بكا يقطع القلب
راحت لشنطتها وطلعت لها ملابس ودخلت الحمام
اخذت شور وطلعت صلت
وبعدها لبست لها فستان وتزينت
وناظرت لنفسها بإعجاب
وبعدها اخذت جوالها تطقطق فيه شافت مكالمه فائته من أمها
ضغطت على رقمها وبدأ يرن
ردت ام غلا بلهفه :هلا يمه غلا
غلا ابتسمت :هلا يمه وشلونك يمه وشلون ابوي
ام غلا من سمعت صوت غلا وهي تمسح دموعها :كلنا بخير يمه انتي وشلونك وكيف الوليد معاك اشتقنالك يابنتي
