أفكر فيكـ واتأمل وش الدنيا قبل ما ألقاكـ ..
وانا من يوم حبيتكـ وهي صارت حياتي غير ..
هويت الناس والدنيا كثر ما خاطري يهواكـ ..
وصار الحب له لذه تفوق الوصف والتعبير ..
حياتي .. دنيتي .. أهلي وكله عالمي يفداكـ ..
أنا كلي غلا جيتكـ ومن فوق الغلا تقدير ..
أحس الليل به نبضك وريحة عطركـ وذكراكـ ..
وأحس أنفاسكـ الحلوه يداعبها الهوى وتطير ..
ألا ياليتني أفتح بقلب الليل لك شباكـ ..
وأجيلكـ شايل قلبي على خيط الظلام أسير ..
قدير الله يجمعني على ارض الفرح وياكـ ..
ويشرق صبحنا الدافي وجنحان الظلام تطير ..
حبيبي يـابعد عمري حياتي كلــــــها تفداكـ .
كفــــــــــايه لاتذكرتكـ احس إن الحياة بخير ..
"" البارت السابع والأربعون والأخير ""
ترتب بالمطبخ بعض الأغراض ونواف واقف جنبها ومن اليوم يتكلم يبي أخوه بسرعه
لفت له جمانه وانحنت ورفعته بخفه وحطته على الدولاب :نوافي خليك عاقل ولابزعل منك
ضم شفايفه نواف بزعل :ماأبي ماما ابي النونو الحين يلا طلعيه ابيه
ضحكت بخفه رغم أنها تعبانه حيييل من أمس لكن هالولد يدخل دوم السرور لقبلها :هههه وشلون اطلعه حبيبي هو لازم يجلس ببطني فتره وبعدين يطلع أصبر كم شهر
هز رأسه نواف بزعل :طيب ليش خاله اسيل طلع البيبي وانتي لا
دخل فيصل وهو شايل الأكياس بيده وسمع كلامهم ضحك :ههههههههههه نوافي وش هالكلام
نواف لف وناظر ابوه وهو عاقد حواجبه :ماعلي منكم ابي النونو
قرب منه فيصل وسحب خشمه بخفه :بيجي بس مع الوقت يابابا وبعدين من رفعك هنا على الدولاب
ولف ناظر جمانه وكأنه عارف أنها هي الي رفعته :جمانه مو قلت لك لاعاد تشيلين نواف
جمانه بهدوء:وش اسوي شلته وخلصت
رفع فيصل يده بزعل :لو شلتيه مره ثانيه ترى بزعل منك
ابتسمت جمانه وهي تاخذ الأكياس من يده :طيب من عيوني الثنتين آخر مره اشيله
ابتسم فيصل :طيب حبي حطي الأغراض وتجهزي عشان نروح المستشفى وانا بأخذ هالمزعج وننتظرك بالسياره
وقرب من نواف يبي يشيله هز نواف رأسه بالنفي وبطفوله :ماني جاي معك حتى تقول لي متى يجي اخوي
ضحك فيصل عارف ان هالولد ماراح يفهم وبيزعجهم لحتى يجي أخوه عارف ان ماعنده صبر ابد :ههههههه لاحول انت بس تعال معي وانا اقولك متى
مد يدينه ورفعه بخفه وهو مازال يضحك على وجه نواف الطفولي الزعلان ولف قبل لايطلع من المطبخ ناظر جمانه بحب :جمانتي لاتتاخرين
