မိုးသား တိမ်ရိပ်
🌸pann
Part (6)
" အမေ..ဖြေးဖြေး လျှောက်နော် ချော်လဲမယ် "
" အေးပါ "
သားသား အမေ့လက်ကို တွဲထားပေးရင်း အရှေ့ကို ကြည့်မိတော့ မခိုင်မြင့်.. ။
လက်တွေချိုးနေပုံ ထောက်ရင် နှစ်လုံး တွက်နေတာ နေမှာပေါ့ ။
ဘယ်လောက် တွက်တွက် ပြီးရင် ဘယ်လိုလဲမေးရင် ဒီနေ့လည်း နှစ်လုံး မလှဘူးဟယ် ဆိုတာချည်း..။
သားသား တို့ကို မမြင်သေးဘူး..လက်ချိုးတွက်နေတုန်း ။
" အမလေး.."
ဟော.. မြင်ပြီ ထင်တယ် ။
" မယဉ်လှတို့ သားအမိပါလား.."
ခိုင်မြင့် ဘယ်ပြေးရမှန်းမသိ ခြေလှမ်းမှားနေတာနဲ့ အနောက်ကိုသာ ပြန်လှည့်ပေးရသည်..။
" ဟာ..ပြေးပြီ ပြေးပြီ "
" ဟဲ့ ဘာပြေးတာလဲ.."
" အမေ ဖြေးဖြေး လာခဲ့.."
" ဟဲ့.."
သားသား အမေ့ကို ထားပြီး ပြေးလာရသည်..။
နေရာကွက်ကြား ပေါက်ပြဲနေတဲ့ ရွှံ့ဗွက်အိုင်တွေကိုလည်း သိုင်းကွက်နင်းပြီး ရှောင်ပြေးရသည်..။
" မခိုင်မြင့်.."
သားသား ပြေးလိုက်လာလေ ခိုင်မြင့် ခြေလှမ်းသုတ်သုတ်နဲ့ မြန်မြန် လျှောက်ရသည်..။
" မခိုင်မြင့် "
" အမလေး.."
သားသား က ရှေ့မှာ ရပ်လိုက်တော့ လန့်ရပြီ..။
" အော် သားသား.. ဘယ်သွားမလို့လဲ မတွေ့တာတောင် ကြာနေပြီနော် ဘယ်ပျောက်နေတာလဲ အရပ်တောင် ရှည်လာတယ် ချောလည်းချောလာတယ် နင်တစ်ယောက်ထဲလား..နင့်အမေတို့ရော နေကောင်းလား "
သားသား ခါးထောက်ပြီး စိုက်ကြည့်ကာ ခေါင်းညိမ့်နေလိုက်သည်..။
လူတွေ့လို့ ပြေးတာ မသိဘူး မှတ်နေလားမသိဘူး..။
" စောနက အမေ့ကို မတွေ့ဘူးလား.."
" ဟင် ဘယ်နားမှာလဲ.."
အံမယ်.. အမေက အနောက်အရပ်မှာ သိလို့ ရှေ့ကိုပဲ မဲ ရှာပြနေသေးတယ် ။
YOU ARE READING
မိုးသား တိမ်ရိပ် (Unicode)
Romance" အပေါ်ယံ ပညတ်ချက်ကိုကြည့်ပြီးမှ ချစ်နိုင်တာ.." " မင်းက အချစ်ကို အပေါ်ယံ ပညတ်ချက်နဲ့ တိုင်းတာ တာလား.. " " လိုအပ်တယ်လေ " " မဟုတ်ဘူး.. အချစ်က အပေါ်ယံ ပညတ်ချက်နဲ့ ဆုံးဖြတ်တာ မဟုတ်ဘူး ရင်ထဲနှလုံးသားထဲက ဖြစ်တည်လာတာနဲ့ တိုင်းတာ တာ " ...
