မိုးသား တိမ်ရိပ်
🌸pann
Part (15)
" သားသားရေ.. ဒီမှာ နင်ကြိုက်တဲ့ ကိုးရီးယား ကား လာနေပြီ "
" သားသား နောက်ရက်မှပဲ ကြည့်တော့မယ်.. အခု ဒီမှာစာဖတ်နေလို့ "
သားသား အခန်းပြင် မထွက်ဘဲ အသံပြန်ပေးလိုက်သည်..။
" အေးအေး..ပြီးရော စောင်နဲ့နွေးနွေးထွေးထွေး နေဦးနော် မိုးရေထဲ မနေလာပါနဲ့ဆိုတာကို ပြောမရဘူး စိုဖြစ်အောင် စိုလာသေးတယ် "
" ဟုတ်.."
အမေ ဆူပူနေတာကို ဒီတစ်ခေါက်တော့အထွဋ်မတက်တော့ပါ..။
သားသား နဲ့မတူသလို ပြန်စွာခြင်းမရှိဘဲ အေးဆေးခေါင်းညိမ့် လက်ခံသည်
နည်းနည်း စိတ်ထဲထောက်မိသား ...။
ပုံမှန်ဆို ဒီလိုမှ မဟုတ်တာ..
ဒေါက်..ဒေါက်..
" သားသား နေမကောင်း ဘူးလား.."
" ကောင်းပါတယ် "
" ကောင်းရင် တံခါးဖွင့်စမ်း.."
အရင်ကဆို တံခါးမပိတ်လို့ အော်ဟစ်ငေါက်ရတာ...
အခုတော့ သူ့အသိနဲ့သူ ပိတ်တာတော့ ကောင်းပါရဲ့ ။
ဒါပေမယ့် စိတ်ထဲထစ်နေမိသည်..။
" သားသား တံခါးလာဖွင့်လို့ ပြောနေတယ် နော်.."
" ဟာဗျာ အမေကလည်း "
မချစ်လိုက်ရဘဲ အသည်းကွဲရတာတောင် အေးဆေးမကွဲရဘူး..။
တကယ်ပါပဲ..
သားသား တံခါးသွားဖွင့်လိုက်ရသည်..။
" မှန်းစမ်း "
ဒေါ်ယဉ်လှ သားသားနဖူးကို လက်ဖမိုးဖြင့် အပူရှိန် တိုင်းလိုက်သည်..
" ကိုယ်လည်း မပူပါဘူး "
" သားသား ကိုယ်ပူပါတယ်လို့ ပြောမိလို့လား..''
" မပြောမိပေမယ့် နင်က ပုံမှန် မဟုတ်တာကို "
" ဘာမမှန်လို့လဲ..ပုံမှန်မှ ပုံမှန် ပဲ "
" မသိဘူးလေ.. အရင်ကဆို ငါတို့ကြည့်ချင်တာ မကြည့်ရအောင် ဘယ်သူကပဲ မင်းမူနေလဲ "
YOU ARE READING
မိုးသား တိမ်ရိပ် (Unicode)
Romance" အပေါ်ယံ ပညတ်ချက်ကိုကြည့်ပြီးမှ ချစ်နိုင်တာ.." " မင်းက အချစ်ကို အပေါ်ယံ ပညတ်ချက်နဲ့ တိုင်းတာ တာလား.. " " လိုအပ်တယ်လေ " " မဟုတ်ဘူး.. အချစ်က အပေါ်ယံ ပညတ်ချက်နဲ့ ဆုံးဖြတ်တာ မဟုတ်ဘူး ရင်ထဲနှလုံးသားထဲက ဖြစ်တည်လာတာနဲ့ တိုင်းတာ တာ " ...
