မိုးသား တိမ်ရိပ်
🌸pann
Part (13)
သားသား ဒေါ်လေးဝယ်ခိုင်းတဲ့ ငပိစိမ်းထုတ် ဝယ်ပြန်လာတော့ ပုံးတွေ ဂေါ်တွေနဲ့ အုပ်စုလိုက် ချီတက်လာတဲ့ ဥက္ကဋ္ဌ တို့..
" ဥက္ကဋ္ဌ ဘာလုပ်မလို့လဲ.."
" လမ်းခင်းမလို့လေ "
" ဒါဆို သားသားလည်း ကူမယ်လေ.."
" အေး.. လာလေ လူအင်အားများတော့ ပွဲစည်တာပေါ့ "
" ဟုတ်ကဲ့.. သားသား ဒါပို့ပြီး လာခဲ့မယ် "
" အေး "
သားသား အိမ်ကို အပြေးလေး ပြန်သွားလိုက်သည်..။
" ဒေါ်လေးရေ.. ဒေါ်လေး "
" ရေ.. ဘာလို့ ဖင်ပိတ်အော်နေတာလဲ "
" ဒီမှာ ငပိထုတ် ထားခဲ့ပြီနော်.. "
" ဟဲ့.. နင်က ဘယ်ကြွဦးမလို့လဲ "
" လမ်းထိပ်ပါဗျာ.. ဥက္ကဋ္ဌ တွေနဲ့ လမ်းခင်းကူမလို့ "
" အေးအေး.. ကောင်းသားပဲ ဦးထုပ်ဆောင်းဦးနော် "
" လက်စွဲတော်က မပါမဖြစ်ပါဗျ..သားသား သွားပြီ အမေမေးရင် ပြောလိုက်ဦးနော် "
သားသားအော် ပြောပြီး အမြန် ထွက်လာခဲ့သည်..။
လမ်းသွားခင်းကူတော့ လူတွေတောင် တော်တော်စုံနေပြီ..
" ဟာ ပျိုကြီး.. ရောက်နေပြီလား "
" အေးလေ ရပ်ကွက် ကောင်းစားဖို့ရေး လုပ်ရမှာပေါ့.."
" ကောင်းတယ် ကောင်းတယ် "
သားသား ဝင်ပြီး လမ်းညှိကူလိုက်သည်..။
.
" သားသားရေ..သားသား "
" ရေ..ဘယ်သူလဲကွယ့် "
ဒေါ်ယဉ်လှ အိမ်နောက်ဖက်ကနေ ပြေးထွက်ကြည့်ရသည်..။
" သြော် ဘယ်သူများလဲလို့.. သား တို့ပါလား "
" ဟုတ်ကဲ့.. သားသား ရှိလားဗျ "
" သားသားက လမ်းသွားခင်းကူတယ်.."
" ဗျာ.."
နားထဲ ကြားလိုက်ရတဲ့ သတင်းက တစ်မျိုးကြီး ဖြစ်သား...။
YOU ARE READING
မိုးသား တိမ်ရိပ် (Unicode)
Romance" အပေါ်ယံ ပညတ်ချက်ကိုကြည့်ပြီးမှ ချစ်နိုင်တာ.." " မင်းက အချစ်ကို အပေါ်ယံ ပညတ်ချက်နဲ့ တိုင်းတာ တာလား.. " " လိုအပ်တယ်လေ " " မဟုတ်ဘူး.. အချစ်က အပေါ်ယံ ပညတ်ချက်နဲ့ ဆုံးဖြတ်တာ မဟုတ်ဘူး ရင်ထဲနှလုံးသားထဲက ဖြစ်တည်လာတာနဲ့ တိုင်းတာ တာ " ...
