ကြၽန္ေတာ့္ရဲ့ဖူးစာရွင္ ( ကျွန်တော့်ရဲ့ဖူးစာရှင် )[Completed]

အပိုင္း(၂)

<Unicode>
သူငယ်ချင်းနှစ်ယောက်၏ ဆွေး​နွေးခန်းအပြီး​နောက်​နေ့တွင် ချစ်ဇွဲကိုတစ်​ယောက် သူ၏ဖူးစာရှင်ရှာပုံ​တော်ဖွင့်​လေသည်။ မြန်မာနိုင်ငံ အထက်ပိုင်း သူ့အ​ဖေဦးသူရိန်ကို၏​ဆွေမျိုးနီးစပ်များရှိရာ ​ဒေသများသို့သွား​ရောက်ရန် ချစ်ဇွဲကိုစဉ်းစားထားသည်။ သူအသက်(၂၁)နှစ်ရှိ​လေပြီ။ ဒီအချိန်ထိ သူ့ဖူးစာရှင်ကိုမ​တွေ့​သေးရာ ရန်ကုန်မြို့တွင်​တော့ ရှိဟန်မတူ။ ထို့​ကြောင့် အခြား​နေရာများသို့သွား​ရောက်ရှာ​ဖွေရန် စဉ်းစားထားသည်။ သူရနှင့် စကား​ပြောရင်း ခရီးထွက်မည်ဟု စီစဉ်ထားခြင်းလည်း တစ်စိတ်တစ်ပိုင်း ပါသည်​ပေါ့။ သူ့ဖူးစာရှင်ကို မြန်မာနိုင်ငံမှာမ​တွေ့လျှင် ပြည်ပသို့သွား​ရောက်ရှာ​ဖွေရန်အထိ စဉ်းစားထား​သေးသည်။

ဖူးစာရှင်​ရေ...မင်း​ရောက်မလာ​သေးလို့..ကိုယ်လာရှာပြီ...
​စောင့်​နေပါ..ကိုယ်အခုလာပြီ..

အ​ဖေဖြစ်သူကို​တော့ စိတ်​ပြေလက်​ပျောက်ခရီးထွက်သည်ဟု ​ပြောထားသည်။ ​နောက်မှ 'ဒီမှာ အ​ဖေ့​ချွေးမ'ဟု မိတ်ဆက်​ပေးရင်း အံဩသွား​အောင်လုပ်ချင်သည်လည်း ပါသကိုး။ သူရတစ်​ယောက်က​တော့ ဘာလုပ်​နေတယ်မသိ၊ ကိုယ့်သူငယ်ချင်းခရီးသွားတာကို လိုက်ပို့မယ့်အစား မနက်ကတည်းကကို ​ပေါ်မလာ​ချေ။ ​နေပါ​စေ​လေ။ သူလိုက်မပို့လည်းဖြစ်တာပါပဲ။ ဒါ​ပေမယ့် ဘယ်​လောက်ပြန်​ရောက်မလဲမသိတာကို လိုက်​တော့ပို့သင့်တယ် မဟုတ်လား။

သူရအ​ကြောင်းကို ဆက်မ​တွေး​တော့ပဲ ချစ်ဇွဲကို သူ၏ဖူးစာရှင်ရှာ​သောခရီးကို စတင်ထွက်ခွာ​လေ​တော့သည်။ မြန်မာပြည်အထက်ပိုင်းမှာ အ​ဖေအမျိုး​တွေရှိ​သော​ဒေသများစွာရှိ​လေသည်။ မြို့တိုင်းမှာ ​ဆွေမျိုးရှိတယ် လို့ပင်ဆိုနိုင်သ​လောက် အ​ဖေ့မှာ​ဆွေမျိုး​ပေါ​ချေသည်။ ချစ်ဇွဲကိုကလည်း သူ့အ​ဖေ၏​ဆွေမျိုးတိုင်းကိုမသိ။ ဘာ​ကြောင့်ဆို သူ့အ​ဖေ၏​ဆွေမျိုးများမှာ ရန်ကုန်လာလည်တာလည်း ရှားလှသည်။ တစ်နှစ်​နေမှ တစ်​ခေါက်ပင်မ​ရောက်။ ချစ်ဇွဲကိုငယ်ငယ်တုန်းက​တော့ အ​ဖေ့၏​ဆွေမျိုးများ ခဏခဏလာလည်ပါသည်ဟု အ​ဖေ​ပြောဖူး​သော်လည်း ထိုအချိန်ကငယ်လွန်း​သေး​သော​ကြောင့် ချစ်ဇွဲကိုမမှတ်မိ။ ချစ်ဇွဲကိုကသာမသိ​ပေမယ့် အ​ဖေ့​ဆွေမျိုးတိုင်းက ချစ်ဇွဲကိုကိုသိကြ​တော့ သိပ်​တော့ပြသနာမရှိပါ။