خرجت ولاء من غرفة العمليات ثم قالت::
الحمد لله هو بخير، الخبطة كان تأثيرها علي الراس غير مباشر، و دا خلاه ما يفقدش الذاكرة أو حتي جزء منها،
بس فيه مشكلة، أظن قبل ما يعمل الحادثة، كان تعبان نفسيا، و دا أثر علي حالته الصحية في الجراحة، لأن التأثير النفسي أحد العوامل المهمة لنجاح الجراحة، و بالتالي كان ممكن بنسبة كبيرة ما يقومش منها ، لأن الصورة و الأفكار اللي مصورهالة عقله مش مخلياه قادر أنو يستجيب أو يفوق منها ،
بس ما تقلقوش بأمر ربنا هيتحسن إن شاء الله، و هو دلوقتي هيفضل في العناية تحت المراقبة عشان لو حصلوا أي مضاعفات، و بكرة ننقلوا أوضة عادية عشان تقدروا تشوفوه.
و آه هو كان بيردد اسم بنت طول الجراحة، ممكن تكون هي السبب في حالته دي ، فيا ريت لو اقدرتوا تجيبوها يشوفها أو يتكلم معاها ، هيساعد علي علاجه، و إنوا حالته الصحية تتحسن بشكل أسرع.
فقال جاك:: شكرا بجد يا دكتورة، و ياريت تبدأوا تعالجوه نفسيا ، عشان البنت دي مش جاية ، و ياريت عشان يعرف يعيش و يكمل حياته، لأن الماضي بتاعه مأثر فيه ، و مخليه عايش جسد من غير روح .
ولاء:: اللي تشوفوه ، و إن شاء الله أول ما يفوق ، نبدأ معاه الجلسات، و يارب نقدر نساعده و لو بجزء بسيط بس لازم الأول نعرف إيه الماضي ده ؟؟
تيام :: معلشي يا دكتورة ما نقدرش نقولك حاجة دلوقتي ، فياريت تتفهمي موقفنا ده .
ولاء:: طبعا دي حاجة خاصة بيكوا، بس أنا بقول كدة عشان دا هيساعدنا كتير، بس اللي تشوفوه، دلوقتي اتفضلوا روحوا إنتوا عشان ممنوع يبقي أي مرافق مع المريض.
تيام :: الله يخليكي يا دكتورة خليني معاه ، هقعد برا هنا ، بس خليني معاه ، دا هو حياتي كلها ، و مقدرش أروح و أسيبوا و أنا عارف إنوا بيتألم من الدنيا، و من كل حاجة.
و في نفس تلك اللحظة سمعت ندي حديثه و هي قادمة من الخارج بعدما استطاعت أن تهرب من وحش الماضي اللعين الذي يلاحقها،
ثم قالت:: خليه يا ولاء يفضل مع أخوه ، و البشمهندس جاك و أدهم يروحوا
فقال أدهم:: لأ أنا هفضل مع آسر و مش همشي.
ندي:: أظن هي قالت ما ينفعش يا بشمهندس؟؟
ولاء:: خلاص يا ندي ، خليهم يقعدوا معاه ، بس عشان إحنا ولاد بلد ، و متقلقوش من الإجراءات اعتبروها خلصت .
ثم أكملت:: صحيح إنتي بتعملي إيه هنا يا ندي إنتي و رنا ؟؟ مصيبة إيه اللي حصلت تاني ؟؟؟
رنا :: هو عشان شفتينا لازم يبقي فيه مصيبة ؟
ولاء بتصحيح:: قصدك لما بشوفك إنتي ، ببقي عارفة إنك جرا وراكي مصيبة.
أنت تقرأ
رحلة وجع ( مكتملة )
Mystery / Thrillerقسي عليهم ، و أذاقهم من مراره، حطمهم من قبل و عندما علم برجوعهم أقوياء ، عاهد نفسه بأن تلك المرة لن يتركهم إلا و هم أمواتا ........ ذاقوا مرار الدنيا ، قدرهم ضدهم، و هذا الزمن لم يكتفي بما فعله معهم............ عالم لا تعرف الرحمة طريقا له ، اختار...
