رحلة وجع ( مكتملة )

❤❤الفصل الواحد والعشرون ❤❤

زياد بصوت عال/ إيه ياخي متعبتش من تحكماتك
إنت عايز الكل يمشي تحت أمرك بس أنا مش حد يا آسر
أنا مش حد ساااااااامع

تلقي زياد صفعة على وجهه ثم نظر لمن صفعه فصدم بشدة

زياد بألم/ ليه؟

جابر بعصبية/ دا جزاتو منكوا
واحد عاش كل حياته بيحاول يحميكوا
و يجيب حقكوا و حق اللي راحوا
و في الآخر ملوش دعوة
صح
علفكرة اللي مخطوفة دي مراتو
و أخوك اللي إنت بتتكلم عنه دا فضل ١١ سنة يدور عليه بدل ما يشوف حياته
فاهم
يعني دا من غيرو إنتو و لا حاجة
حاجة إيه، دا إنتو كان زمانكوا دلوقتي تحت التراب
ثم تركهم و رحل

تنهد آسر تنهيدة طويلة ثم خرج إلي حديقة هذا المنزل الذي علي الرغم من وجود أشخاص تسكنه إلا أنه يفتقد لأهم شئ
و هو الحنان و الحب و الترابط
نظر آسر للسماء الصافية التي تزينها النجوم و ذلك القمر
ثم قال / إمتي حياتنا هتبقي زيكوا و ترجع زي الأول
أغمض آسر عينيه ثم ردد / ولاء

أنا آسف
نطق بها زياد و هو مطأطأ الرأس
نظر آسر خلفه فوجده كما توقع

آسر بحنان/ علي إيه يا زياد
إنت أهبل يلا
في حد يتأسف من أخوه
إنت أخويا يا زياد و إنت عارف يوسف بالنسبالي إيه هو كمان
أنا مازعلتش من كلامك علي أد ما زعلت لما شفت نظرة عدم الثقة فيا و إنت بتكلمني
أنا كل اللي بعمله عشانكوا إنتوا مش عشاني
ما أنا كان من ممكن إن آخد مراتي و أمشي
أسافر في مكان مفيش ولا مخلوق على الأرض دي يعرفه بس أنا مش أناني عشان أعمل كدا

زياد/ عارف و الله بس دا مش كان قصدي
أنا بس مش متحمل أشوف نفسي نفسي كده
أنا عامل زي الأطرش في الزفة مش عارف حاجة
أنا قاعد زي الجاهل وسطيكوا يا آسر
مش فاهم إيه اللي بيحصل و مين السبب
حتي اللي خطف ولاء كلكوا عارفينوا اللا أنا
هو أنا في نظركوا إيه عشان أبقا كدا؟

آسر / سام المحمدي
عايز تعرف اللي خاطفها سام المحمدي
ابن سليم المحمدي
عمك اللي كان لواء سابق في الشرطة
و هو السبب في كل اللي إحنا فيه 

زياد و عينيه مفتوحة من الصدمة / بتقول إيه؟
♤♤♤♤♤♤♤♤♤♤♤♤
كانت تجلس علي الكرسي مغمضة العينين شاردة فيما حدث معها بعد خطف أختها و إغمائها
فلاااااااااااااااش باااااااااااك
فتحت عينيها بصعوبة بالغة وجدت
رنا جالسة في ركن و تبكي بصمت و دموعها تنهمر بشدة كالشلالات