أيهما عاشقي

الفصل الرابع عشر

الفصل الرابع عشر
أيهما عاشقي
بقلم بشرى أبو غيدا
Bouchra Abou Ghaida

"أخبرت نعمات جابر بما قالته نورا، إحتدت ملامحه، وارتسمت علامات الغضب على وجهه".
عليا : عاوزاه يتجوّز عليّ كمان، ما كفكيش إللي بتعمليه، جوّزيه هو ما عادش فارق معايا، معدش عايزة أبقى وياه بعد كده، حعيش معاه على شان إيه، على الهنا والسعادة إللي معيشني بيهم.
منصور : للدرجادي بايعاني، هنت عليك يا عليا.
عليا : مانا هنت عليك سنة بحالها، وطول الوقت صابرة وساكتة، ولكن خلاص فاض بيّا، أنا بشر يا ناس، حس بيّا بقا، روح إتجوز مانت ما تقدرش ترفع رأسك قدامها، ما تقدرش تقولها لا.
تهاني : وهو يستجرى يجول لاه، أنا عاوزه أشوف عياله، وانتِ ما بتخليفيش.
نورا باستهزاء : وانتِ شو عرفك إنها ما بتخلّف.
تهاني : بجالها سنة بحالها أهه، وما فرحناش بحتة عيل.
ياسين : وليه ما يكونش العيب من منصور.
تهاني : لاع، ولدي راجل وسيد الرجالة.
نورا : عليا إنتِ رحتِ عند دكتور قبل هلق.
"هزت برأسها نافية".
عليا : لا ما رحتش.
عليا : ماشي ،أنا رح أعملك الفحوصات اللازمة وأكشف عليكِ.
منصور بخوف من فضح أمره: إيه، لا مرتي محدش يقربلها.
تهاني بتوتر : مانت عتوجفي بصفّها.
نورا : أكيد ما رح أوقف بصف عليا ضد خيي، وبعدين ما بدها هالقد مش حرب هي، منعرف عند مين المشكلة، وإللي بيكون السبب بيتعالج.
جابر : خلاص، إنتهى الكلام، نورا خدي عليا واعملي اللازم.
منصور : لا، "سحب عليا من يدها ".
منصور : أنا حر في مراتي محدش حيلمسها، ومش عاوز أتجوز تاني ياماي، أنا بحب عليا ومش عاوز عيال.
"سحبت عليا يدها منه".
عليا : وانا ما عدتش عايزاك يا منصور، طلّقني.
"أحاط وجهها بيديه،".
منصور : لا يا عليا ما تقسيش عليّ كده، أوعاكِ أسمعك تقوليها تاني، إنتِ ليا آني، أنا بحبك قوي ومقدرش أعيش من غيرك.
عليا ببكاء: تعرف إيه عن الحب إنت، إنت عمرك ما حبيتني، إللي بيحب بيقدّر حبيبه ويعلي من مقامه، يقرّب منه ويوريه حبه واهتمامه، وإنت ما عملتش ده، إنت ذلتني على شان أمك، حرمتني من علامي على شان أمك، ما بتنطقش كلمة بحبك بردو على شان أمك.
عزيز : عليا إن كان الطلاق حيريحك، أنا فصفك يا بتي.
منصور : لاء، قلت لاء، عليا مرتي وحتفضل طول عمرها مرتي.
جابر : وهدان، عزيز، منصور ورايا على المضيفة.

"تقترب وداد من عليا الباكية وتضمها بحنان".
وداد :روقي حبيبتي روقي.
"أما تهاني قد بدأ التوتر يظهر عليها".
"دخلوا المضيفة وجلسوا، (أيهما عاشقي بقلم بشرى أبو غيدا) Bouchra Abou Ghaida عزيز ينظر لمنصور بغضب".
جابر : ها يا منصور، ماريدش نورا تكشف على عليا ليه.
منصور بتوتر : مفيش، لسه بدري على الولاد، ربنا كريم إن شاء الله حيكرمنا، مش عاوز عليا تتمرمط ويّا الحكمة.
جابر : إنت عندك مشاكل في الخلفة وما جلتش.
منصور : لا يا جدّي.
جابر: ما هو انا مش مستريح لرفضك ده، يا تجول فيه إيه، يا إما نورا تكشف على عليا.
عزيز: إسمع يا وهدان، أنا عمري ما جسيت على عليا، وطول عمري أخاف عليها من النسمة، رفضت أتجوز بعد مراتي الله يرحمها، خفت عليهم من مرات الأب، تيجي حرمتك تجهر بتي وتضربها وتهينها،أنا عسكتش واصل، بديت منصور على إبن خالها إللي يتمنالها الرضا ترضى، جلت لاع ولد عمها أولى بيها.
جابر : جلت إيه يا منصور، مستني جرارك.