Unicode
*****
"အောက် ..အီး....အီး...အွတ်....."
"ဒုန်း ....ဒုန်း......ဒုန်း......."
"ကျွတ်"
မှိုင်း ခြင်ထာင်ထဲကနေ စောင်ကိုခေါင်းမြှီးခြုံပြီး
နားကိုပိတ်ထားနေတယ်။ ဒါလဲမရပြန်ဘူး ။
ကြက်ဖတွေကတစ်ကောင်ပြီး တစ်ကောင် အဆက်
မပြတ်တွန်နေကြလို့ အပြင်ထွက်ပြီးသတ်စားချင်စိတ်တွေပေါက်လာတယ် ။မီးဖိုကနေထွက်လာတဲ့ ဖွားရဲ့ငရုတ်ဆုံထောင်းသံတဒုန်းဒုန်းကလဲ အိမ်ပင်ပြိုကျမတတ်။
"ကျွတ် "
ဆက်လဲအိပ်မရတော့မဲ့ တူတူ မှိုင်း အိပ်ရာကနေ
ထလိုက်ရတယ် ။ဖွားရှိတဲ့မီးဖိုကို ရောက်သွားတော့ ကြမ်းပြင်ကျဲကျဲလေးပေါ်မှာ ကျုံ့ကျုံ့လေးထိုင်ပြီး ထမင်းဟင်းချက်နေတဲ့ ဖွားကိုမြင်ရပြန်တော့လည်း အိပ်ရေးမ၀လို့မကြည်မလင်ဖြစ်နေတဲ့ စိတ်တွေ ပျောက်သွားပြန်တယ်။အရိုးကျီးပေါင်းဖြစ်နေလို့ ခြေထောက်မကောင်းတဲ့ဖွားက မနက်အစောကြီးထပြီး မှိုင်းစားဖို့ ချက်ပြုတ်ပေးနေတာပါ။ဖွားကို အေးဆေးနေနိုင်အောင် ထားနိုင်တဲ့အရည်အချင်းက မှိုင်းဆီမှာ မရှိသေးတာဖြစ်လို့ စိတ်မကောင်းဖြစ်နေမိတယ်။မီးဖိုအပေါက်လေးကနေ ဖွားကိုကြည့်ပြီး
သနားမိလို့ သက်ပြင်းငွေ့ငွေ့ကိုသာ ရှိုက်ထုတ်လိုက်
တယ်။
" အဲ...
မြေး ...နိုးပြီလား
ဆူညံသံကြောင့်အိပ်မရပြန်ဘူးလား"
မှိုင်း ခေါင်းက ဆံပင်ကို ထိုးဖွလိုက်ပြီး
"ရိုးနေပါပြီ ဖွားရယ်
ဒါနဲ့ ဘာဟင်းချက်လဲ ဖွား "
"မြေး နဲ့ သုတ ညက ဖမ်းလာတဲ့ ငါးမုတ်ကို
ဆီပြန်ချက်ထားတယ် ပင်လယ်မှော်နဲ့ ကုလားပဲ
ဟင်းရည်"
"ဂွီ"
ဖွား တစ်ယောက်သူချက်ထားတဲ့ဟင်းတွေရွတ်ပြတာနဲ့ မှိုင်းဗိုက်ထဲကအကောင်က ထအော်နေပြီ။ ဒါကို ဖွားက သဘောကျသလိုရယ်နေပြန်တယ်။
" အဟင်း
ဖွားသိတယ် မြေးက မျက်လုံးပွင့်တာနဲ့
ဗိုက်ဆာတတ်တာ"
"ဟုတ် တယ်... ဟီး ဟီး
မှိုင်း ရေချိုးလိုက်ဦးမယ်
ပြီးရင် အကင်တွေ လုပ်ပေးနော်ဖွား
ဒီနေ့အကင်တွေအပြတ်၀ယ်မဲ့ ဧည့်သည်တစ်ယောက်ရှိတယ် ဖွားရဲ့ ..နောက်ပြီး သူ့လည်ချင်တဲ့နေရာကိုလိုက်ပို့ပေးရင် မုန့်ဖိုးပေးမှာတဲ့
အဲ့ဒါ မှိုင်းနဲ့သုတသွားရမယ်"
YOU ARE READING
WHERE ARE YOU ?
Romanceဆုံဆည်းဖို့အကြောင်းကံပါလာရင် ဆုံကိုဆုံရမယ် မဟုတ်လား သံသရာတစ်ပတ်ပြန်လည်လာရင် ကြွေဝတ်မှုန်ဆိုတဲ့ နင်နဲ့ ပြန်ဆုံချင်တယ်။
