WHERE ARE YOU ?

Final

Unicode

တစ်ခြံလုံး LED မီးသီးတွေနဲ့ အရမ်းကိုလှပနေပါပြီ
ခြံထဲမှာ စားပွဲ၀ိုင်းတွေ အပြည့်ခင်းထားပြီး
ဖိတ်ထားတဲ့ ဆွေမျိုး မိတ်ဆွေ တွေလဲ ရောက်နေကြပြီ
လက်ထပ်ပွဲထက် ပြောရမယ်ဆိုရင် Dinner သဘော
မျိုး ပိုသက်ရောက်ပါတယ် အကျဥ်းရုံးပဲလုပ်တာဆိုတော့
မှိုင်းနဲ့ကြွေ တို့နှစ်ယောက် စတွေ့ချိန်က ရိုက်ခဲ့တဲ့
ကမ်းခြေက ပုံလေးကို ချိတ်ထားပြီး နောက်ထပ်
ရိုက်ထားတဲ့ Pre Wedding ပုံ လေး ငါးပုံ ကိုလဲ
နေရာစုံမှာ Photo Stand ဖြင့်ထောင်ထားပြီး
ဆလိုက်မီးကြီးတွေဖြင့်ထိုးထားသည်။
တိုက်တိုက်ဆိုင်ဆိုင် ယခုညလေးက ယခင်ညတွေလို
အရမ်းကြီးမအေးတော့ပါ ဖေဖော်၀ါရီ လကုန်လို့
မတ်လ ထဲ ရောက်တာနဲ့ ရာသီဥတုက အနည်းငယ်
နွေးလာပြီ ။

မှိုင်း ၀တ်ထားတဲ့မင်္ဂလာ၀တ်စုံ အနက်ရောင်၀မ်းဆက်
ကို သပ်ရပ်အောင်သေချာလေးပြင်လိုက်သည်။
အတွင်းကရှပ်အင်္ကျီအဖြူရောင် နဲ့အတူ နက်ကတိုင်
အနီရောင်ကို သပ်ရပ်အောင် ချည်နေလိုက်တယ်။
အခုချိန်ထိ မှိုင်းရဲ့ သတို့သမီးလေး ကြွေ၀တ်မှုန်ကို
မမြင်ရသေးပါ ။ပြောရမယ်ဆိုရင် နေ့လည်ကတည်းက
ပျောက်နေခဲ့တာ မှိုင်းရဲ့ ယောက္ခမကြီး ဒေါ်မေစုနိုင်
ချိုရီဝေ လရိပ် တို့က ကြွေ့ကို ခေါ်ထားပြီး အလှပြင်နေတယ်လို့ပဲပြောကြတယ် ။နောက်မှရောက်လာတဲ့ ငု၀ါ
နဲ့သူ့ညီမလေး ဥမ္မာ တို့လဲ အဆစ်ပါပြီး ပျောက်နေကြတယ်လေ။
မှိုင်းလဲ ကြွေ့ကို အရမ်းမြင်ချင်နေပြီ
မှိုင်းရဲ့ သတို့သမီးလေး အရမ်းကိုလှနေမှာ

"ကဲ မှိုင်း လာပါအုံး မျက်နှာကို မိတ်ကပ်ထပ်ဖုံးပေး
မယ် ကျွန်မစိတ်တိုင်းမကျသေးဘူး"

"ဟုတ်ကဲ့ အလှဆုံးအမိုက်ဆုံးပြင်ပေး မဝေ
ကြွေဝတ်မှုန် ရှေ့မှာ ကျွန်တော်ကြည့်ကောင်း
နေချင်တာ"

"ကြည့်ကောင်းပြီးသား မှိုင်း ကအရပ်လဲရှည်တယ်
အနက်ရောင်မင်္ဂလာ၀တ်စုံနဲ့ဆိုရင် အရမ်းကို
ခန့်နေတာ ဆံပင်ပုံပြောင်းလိုက်တော့ ပိုချော
သွားပြီ သိလား"

ဆံပင်တွေကိုလဲ မဝေပဲ မှိုင်းနဲ့လိုက်မဲ့ပုံစံကို
ညှပ်ပေးလိုက်လို့ အခုဆိုရင် ဆံပင်ဘေးခွဲကို
အညိုရောင်လေးဆိုးထားပေးပြီး Gel တွေနဲ့တောင့်
နေအောင်လုပ်ထားပေးလို့ မှိုင်းရဲ့ ဆံပင်တွေအုပ်နေတဲ့
နဖူးကပေါ်လာတဲ့အခါ ထူထဲနေတဲ့မျက်ခုံးနဲ့မျက်လုံးတွေပိုထင်လာတယ် နှာတံကြီးကြီးနဲ့ နုတ်ခမ်းထူထူ ကို
လဲ မဝေ ကကြည့်ကောင်းအောင်မိတ်ကပ်တွေနဲ့
ပြင်လိုက်တော့ မှိုင်းရဲ့မျက်နှာကို ပိုကြည့်ကောင်း
နေသလိုပါ
ကြွေ့ ရှေ့မှာ မှိုင်း ချောခန့်ချင်တယ်လေ
ဒါမှ ကြွေ ပိုင်ဆိုင်ရတဲ့ တိမ်ညိုမှိုင်း ဘယ်လောက်
ချောမောခန့်ညားသလဲဆိုတာ ကြွေ့ကိုသိစေချင်တာ