Unicode...
*****
အဝေရာမီးပုံးပျံကွင်းမှာရှိတဲ့ကားအပ်တဲ့နေရာမှာ
မှိုင်း နဲ့ကြွေ နှစ်ယောက်တည်း ကားခေါင်းခန်း
ထဲမှာ ထိုင်နေကြတယ်။ကားအပ်ကွင်းမှာ ကုန်းမြင့်တဲ့နေရာရှိနေတာဖြစ်လို့မီးပုံးပျံကွင်းကိုအပေါ်ဆီးတွေ့မြင်ရတယ်လို့ ခွန်အောင်စိုး ပြောပြတာကြောင့်ကြွေနဲ့ နှစ်ယောက်သား ကားနဲ့သာမီးပုံးပျံကွင်းကို စောစောထွက်ခဲ့တယ်။နောက်ကျရင်တော့ ၀င်လို့ရမှာမဟုတ်ပါ။မှိုင်းတို့ရောက်ပြီး မကြာပါဘူး ဘေးဖက်၊ အရှေ့ဖက် ၊လေးဖက်လေးတန်မှာ ကားတွေတစ်စီးပြီးတစ်စီးရောက်လာကြတယ်။အချိန်ခဏလေးအတွင်း ကားအပ်တဲ့နေရာလေးမှာ ကားများဖြင့် ပြည့်ကြပ်နေပြီ။ကားထားဖို့ အဆင်ပြေတာမလို့
တကယ်လို့ ပွဲခင်းထဲအလည်သွားရင် ကားကိုကြည့်ပေးတော့ စိတ်မပူရတော့ဘူးပေါ့။
"မှိုင်း ရောက်တာကြာနေပြီ မစသေးဘူးလား"
"စတော့မှာလေ ၆နာရီဆို ဖွင့်ပြီ"
"ဗိုက်ဆာပြီလား ကြွေ "
ကြွေ ကခေါင်းလေးရမ်းပြပြီး
"မဆာဘူး လေ မှိုင်း ရဲ့ ညနေကမှ နန်းတူး တို့က
ခေါပုတ်ကြော်ကျွေးလို့ စားလာပြီးပြီ"
"အစာကြေဆေးရောစားထားရဲ့လား
ကောက်ညှင်းတွေစားပြီး လေခံမှာစိုးလို့"
"စားထားတယ်လေ ဘာမှမဖြစ်ဘူး
စိတ်ချ"
"အေးပါ နင်က U.S မှာနေတာကြာပြီလေ
မြန်မာအစားအစာတွေက နင်နဲ့ သိပ်အဆင်ပြေတာမဟုတ်ဘူး "
"ပြေပါတယ် ကောက်ညှင်းပဲ ဘာမှမဖြစ်ပါဘူး"
"ဆာရင်ပြောနော်
ကားထဲမှာ Pizza နဲ့ သောက်စရာတွေပါတယ်"
"စောသေးတယ် ဆာမှစားမယ်နော်"
"ဟိုမှာပြောရင်းနဲ့ကွင်းထဲမှာ
ရှမ်းရိုးရာ အကနဲ့ကနေကြပြီ ဟိုဘက်က
အနက်ရောင်၀တ်ထားတာ ပအိုဝ်း လူမျိုးတွေလေ"
"ဟုတ်လား ရှမ်းအိုးစည်သံလေးနဲ့ အကလေးက
လိုက်တယ်နော် ပျော်စရာကြီး"
"ဟုတ်တယ် ကြွေရဲ့"
နှစ်ယောက်လုံးကားပေါ်ကနေဆင်းပြီး ကားရှေ့ခေါင်းနားမှာ အတူရပ်လိုက်ကြတယ်။တစ်ခါမျှမမြင်ဖူးတဲ့ မီးပုံးပျံကွင်းဖွင့်ပွဲကြီးကို အံ့သြတကြီး မှိုင်းနဲ့အတူ ကြည့်နေမိတယ်။အရောင်သွေးစုံလင်လှတဲ့ ရှမ်းပျိုဖြူတွေရဲ့အကအလှတွေနဲ့ မီးပုံးပျံ အသေးလေးတွေ ထောင်နဲ့ချီကောင်းကင်ပေါ်ကိုလွှတ်နေကြတာဟာ တကယ့်ကိုရင်သပ်ရှုမောဖွယ်ကောင်းတဲ့ အလှတရားတွေပါ။ဘေးနားမှာရှိတဲ့ ကြွေ့ရဲ့ချစ်ရသူကိုလဲ ကျေးဇူးတင်မိတယ် ။မှိုင်း တစ်ယောက်ဟာ ကြွေ နဲ့ပတ်သက်ရင်အရမ်းကိုစိတ်ရှည်တဲ့ချစ်သူတစ်ယောက်ပါ။ကြွေ ကြည့်ချင်တဲ့မီးပုံးပျံပွဲကို အစောကြီးလာခဲ့တာတောင်မှ ကားကိုဘီးလှိမ့်ရုံသာ တအိအိ နဲ့မောင်းနေရတာ။နောက်ကျမှလာခဲ့ရင် ကားရွေ့လို့ရမှာမဟုတ်။
YOU ARE READING
WHERE ARE YOU ?
Romanceဆုံဆည်းဖို့အကြောင်းကံပါလာရင် ဆုံကိုဆုံရမယ် မဟုတ်လား သံသရာတစ်ပတ်ပြန်လည်လာရင် ကြွေဝတ်မှုန်ဆိုတဲ့ နင်နဲ့ ပြန်ဆုံချင်တယ်။
