U💙
"မောင် ကိုကိုတို့တွေ့ကြရအောင်... အိမ်မှာ စောင့်နေမယ်..."
မောင် ကိစ္စတွေကို သိပြီးနောက်နေ့ကစပြီး Key မောင်နဲ့လည်း မျက်နှာခြင်းမဆိုင်ချင်တာရယ်...
ပြီးတော့ ထိုကိစ္စနဲ့ပတ်သတ်ပြီး အေးဆေးစဥ်းစားချင်နေတာလည်းပါတော့ မောင်နဲ့ မဆုံဖြစ်အောင် Key အိမ်တောင်မပြန်ဖြစ်ပဲ ဆိုင်မှာပဲ နေဖြစ်ခဲ့တာ ဒီနေ့နဲ့ဆို သုံးလေးရက်လောက်ရှိပြီ...
မောင်ကလည်း လာမတွေ့ခဲ့ဘူး... အမှန်တော့ မောင်က လာတွေ့ဖို့ကြိုးစားခဲ့ပေမယ့် Keyက စဥ်းစားဖို့ အချိန်လိုတယ်ဟုပြောလိုက်ခြင်းကြောင့်ဖြစ်သည်...
ဒီနေ့တော့ ခိုင်မာတဲ့ဆုံးဖြတ်ချက်တစ်ခုကို ချပြီးနောက် မောင့်ထံ ဖုန်းဆက်ပြီးကာ Key အိမ်ကိုပြန်ခဲ့လိုက်သည်...
Key အိမ်ပြန်ရောက်တော့ မောင်က ရောက်နှင့်နေကာ ဧည့်ခန်းတွင် ထိုင်နေသည်...
"ကိုကို ရောက်လာပြီလား...."
Key ဝင်လာတာကို မြင်တော့ ဝမ်းသာသွားဟန်ဖြင့် လှမ်းမေးလာသော မောင့်ကို ခေါင်းငြိမ့်ပြရင်း မောင်နဲ့ မျက်နှာခြင်းဆိုင်တွင် Key ဝင်ထိုင်လိုက်သည်...
မတွေ့ရတဲ့ သုံးလေးရက်အတွင်း မောင်ဘာတွေများ ပြောင်းလဲသွားလဲဟု သိချင်၍ Key မောင့်ကို ကြည့်လိုက်သည်...
မျက်နှာလေး အနည်းငယ်ချောင်ကျသွားရုံကလွဲပြီး မောင်က ဒီအတိုင်းပါပဲ... စိတ်ဓါတ်ကျနေခြင်းဆိုသည်ကို ကိုယ်စားပြုသင်္ကေတဖြစ်တဲ့ နှုတ်ခမ်းမွှေးရေးရေးလေးတွေကို မြင်မိတော့ မောင်နဲ့ လိုက်သားဟု မဆီမဆိုင်တွေးမိသည်...
ထို့နောက်မှာတော့ Key ပြောလာမယ့် စကားတို့ကို နားထောင်ဖို့ စောင့်စားနေသော မောင့်ကို အကြည့်ချင်းဆုံအောင် အရင် ကြည့်လိုက်ပြီးမှ...
"မောင်... ကိုကို သေချာစဥ်းစားပြီးပြီ... နောက်ဆုံးထွက်လာတဲ့ အဖြေက ဒီမှာ မောင်..."
