U💙
"Minki yah..."
Keyရုံးခန်းရဲ့အပြင် ဆိုင်ထဲကနေလာတဲ့ခေါ်သံကြောင့် သားသားက ရုံးခန်းထဲကနေပြေးထွက်သွားသည်...
"Key သားသား သူငယ်ချင်းလား..."
"ဟုတ်မယ်ထင်တယ်... သွားကြည့်လိုက်ဦးမယ်..."
Keyရုံးခန်းထဲက ထွက်လာတော့ Onewရော Jonghyunရော လိုက်လာခဲ့ကြသည်...
ဒီနေ့ သူတို့နှစ်ယောက်ရဲ့ မင်္ဂလာဝတ်စုံကြောင့် Keyဆိုင်ကို ရောက်နေကြတာဖြစ်သည်...
သားသားလည်း ကျောင်းပိတ်ရက်မို့ ပြီးရင် အပြင်ထွက်မုန့်စားကြမယ်ဆိုပြီးလည်း တိုင်ပင်ထားကြသည်လေ...
ရုံးခန်းအပြင်သို့အရောက် သားသားနဲ့ စကားပြောနေသူကြောင့် Keyတို့ သုံးယောက်သား ခြေလှမ်းတို့က ပြိုင်တူရပ်သွားကြသည်....
"Papa သားသား သူငယ်ချင်းလာတယ်..."
သားသားကတော့ သူငယ်ချင်းကိုတွေ့နေရလို့လားမသိ ပျော်နေပေမယ့်လည်း မပျော်နိုင်တာက Keyဖြစ်နေသည်....
"ကိုကို ကျွန်တော်လာတယ်..."
Keyကို ပြုံးကာ နှုတ်ဆက်နေသော မောင့်ကို Onewနဲ့ Jonghyunက စူးစမ်းသလိုကြည့်နေကြသည်....
မောင်က ဆိုင်အထိ ဘာလာလုပ်တာလဲ....
ဒီရက်ပိုင်း ကျောင်းမှာဆိုလည်း ကျောင်းမှာမို့... ကျောင်းဆင်းတာနဲ့ ဟိုဆိုင် မုန့်သွားစားရအောင် သည်ဆိုင် မုန့်သွားစားရအောင်ဆိုပြီး ငြင်းမရအောင် ခေါ်တက်သည်...
မောင် ဘာဖြစ်ချင်နေတာလဲ....
"လူတွေစုံနေပါလား.... အပြင်သွားကြမလို့ထင်တယ်..."
"Minho ကိစ္စရှိလို့လား...."
မောင် မေးသည်ကို မဖြေပဲ Key စကားလွှဲလိုက်သည်...
"ကျွန်တော်က ဒီဘက်နားမှာ ကိစ္စရှိလို့လာရင်း ကြုံလို့ဝင်လာတာပါ... ဘာလို့လဲ ကျွန်တော် လာလို့မဖြစ်တဲ့နေရာမို့လား...."
Keyအနားသို့ရောက်လာပြီး ခပ်ပြုံးပြုံးလေးပဲဆိုလာတဲ့ မောင့်စကားသံဟာ အနည်းငယ်တော့ ရွဲ့တဲ့တဲ့နိုင်နေသည်...