U💙
"မောင် ရော့ နွားနို့လေးသောက်ဦး..."
အပြင် ဝရန်တာလက်တန်းတွင် လက်တို့ကို ထောက်ပြီး အပြင်သို့ငေးနေသော မောင့်ဘေးနားသွားရပ်ရင်း မောင့်ထံ နွားနို့ခွက်ကို ကမ်းပေးလိုက်တော့ မောင်က လှမ်းယူသည်...
"ကိုကို ဘာလို့ အဲ့လောက်တောင် အေးဆေးနေတာလဲ..."
မောင်က Keyရှိရာဘက်သို့ ကိုယ်ကိုတစောင်းလှည့်ကာ Keyကို ကြည့်ပြီး မေးသည်...
"ဘာကိုလဲ မောင်..."
"Taemin ကိစ္စလေ..."
"မောင့်ကို ကိုကို တစ်ခုမေးမယ်နော်..."
Keyပြောလိုက်တော့ မောင်က မေးဟု သဘောဖြင့် ခေါင်းဆတ်ပြသည်...
"Taemin အပေါ် အခု မောင် ဘယ်လိုသဘောထားလဲ အမှန်တိုင်းဖြေနော်..."
Key စကားကြောင့် မောင့်မှာ ခဏတာငြိမ်သက်သွားသည်...
"မောင် သူ့ကို သဘောကျခဲ့တယ်ဆိုတာ မောင် ဝန်ခံတယ် ကိုကို... ဒါပေမယ့် အဲ့ဒါက ငယ်ရွယ်စဥ်က စိတ်ကစားမိခဲ့ရုံပါ အနေနီးတာလည်းပါတာပေါ့... အခုတော့ ညီတစ်ယောက်ထက် မပိုခဲ့ဘူး ကိုကို..."
မောင် အမှန်ကို ပြောနေတယ်ဆိုတာ မောင့်မျက်ဝန်းတွေကနေတဆင့် Keyသိလိုက်တယ်...
မောင်နဲ့ Taeminက ဟိုးအရင်ထဲက သိနေကြတဲ့သူတွေ... ပြောရမယ်ဆို Taeminက မောင်တို့အိမ်ရဲ့ မွေးစားသားပေါ့... မွေးစားသားဆိုပေမယ့် သားအရင်းနဲ့မခြား Taeminကို ချစ်ကြတာ Key အသိဆုံး...
Taemin ဘွဲ့ရတော့ ကုမ္ပဏီမှာ မောင့်အတွင်းရေးမှူးအဖြစ် အလုပ်ခန့်ခဲ့တာလည်း မောင့် အဖေပဲဖြစ်သည်...
"မောင်တို့ မှားခဲ့ကြတယ်ဆိုတာကလည်း တကယ် မတော်မဆ ဖြစ်သွားခဲ့တာ ကိုကို..."
မောင့် အသံသည် အမှားနောင်တတို့ဖြင့်ပြည့်နေသည်....
"ဒါပေမယ့် မောင်ရယ် ကိုယ်မှားခဲ့တဲ့ အမှားကို ကိုယ်တာဝန်ယူသင့်တယ်လေကွာ..."
"မောင် သိပါတယ်... ဒါကြောင့် မောင် ထောက်ပံ့ပေးမယ်လို့ ပြောထားပြီးသားလေ..."
