U💙
သားသားတို့ ကျောင်းပိတ်ရက်မို့ ကစားကွင်းလိုက်ပို့ပေးဖို့ဆိုပြီး Keyနဲ့ သားသားကို လာခေါ်သော မောင့်ကြောင့် Keyတို့ သားအဖပါ မောင်တို့သားအဖနဲ့ ကစားကွင်းသို့ပါသွားရသည်...
မောင်က သားသားကိစ္စ Keyကို အချိန်ပေးထားချိန်မှာလည်း သားသားနဲ့ အတွေ့မပျက်ခဲ့သလို သားသားနဲ့ မောင်နဲ့တွေ့တိုင်းလည်း Keyရော Taehoလေးပါ မပါမဖြစ်...
အရင်ကထက် ပိုပြီးရင်းနှီးလာပြီဖြစ်သော သားသားက အခုဆို မောင့်ကို appaလို့တောင် ခေါ်နေပြီ... အခုလိုလေးနဲ့ပဲ Keyတို့ အဆင်ပြေနေခဲ့တာကို မောင်ဘက်ကလည်း သားသားကို ခေါ်ထားမယ်ဆိုတဲ့ကိစ္စကို လက်လျှော့ပြီး ဒီအတိုင်းလေးပဲ နေသွားပေးမယ်ဆို သိပ်ကောင်းမှာပဲ ...
"ဘယ်လိုလဲ ကိုကို ကျွန်တော်ပြောတာ စဥ်းစားကြည့်ပြီးပြီလား... ပေးထားတဲ့ အချိန်ကလည်း ပြည့်တော့မှာဆိုတော့..."
သစ်ပင် အရိပ်ကြီးကြီး တစ်ခုအောက် မြက်ခင်းပြင်မှာထိုင်နေရင်း ခပ်လှမ်းလှမ်းမှာ ဘောလုံးဖြင့်ကစားနေကြတဲ့ သားသားတို့ကို ငေးကြည့်နေမိတဲ့ Keyတစ်ယောက် မောင့် စကားကြောင့် ဘေးတွင်ထိုင်နေသောမောင့်ကို လှည့်ကြည့်လိုက်မိသည်...
တစ်ဆက်တည်းခေါင်းထဲဝင်လာသည်က ဟိုတစ်ရက်က Onewပြောသွားတဲ့ စကား...
မောင့်ကို သားသား ကိစ္စနဲ့ ပတ်သတ်ပြီး စကားသွားပြောကြတဲ့ Onewတို့က မောင့်ဆီက အပြန် Keyဆီ ဝင်လာကြသည်...
အဆင်ပြေလား မေးမိတော့... အဆင်မပြေတဲ့ အကြောင်း မောင်က လက်လျှော့ပေးမှာ မဟုတ်တဲ့ဘူးဆိုတဲ့ အကြောင်းတွေကို Onewက ပြောပြလာသည်...
ပြီးတော့ သူစဥ်းစားမိလို့ရတဲ့ အကြောင်းတစ်ခုကို ပြောပြလို့ရမလားလို့ Onewက Keyကို မေးလာတော့ Key ခေါင်းငြိမ့်ပြမိသည်...
"မင်းလည်း သားသားနဲ့ မခွဲရအောင်... Minhoလည်း သားသားနဲ့ နေလို့ရအောင် မင်းတို့ ပြန်ပေါင်းကြည့်ဖို့ ကြိုးစားကြည့်ပါလား..."တဲ့လေ...
