رواية مرات الظابط بقلم/ نورا عبد الرؤوف

البارت الواحد وعشرون

الحلقه ال ٢١ من رواية مرات الظابط
بقلم \ نورا عبدالرؤوف
عدى اربع سنوات على البنات والحال اتغير تماما كل واحده لقت وظيفه وكل واحده حققت حلمها نبدأ بالاكبر
نورهان: خلصت الكليه واخدت ليسانس حقوق واشتغلت فى اكبر مكتب محاماه وهى شاطره فى مجالها
هايدى : خلصت الكليه واشتغلت مع نورهان فى مكتب المحاماه
نور : اشتغلت فى بنك ومقدمه على عقد عشان تسافر بره مصر
مريم: اشتغلت مع نور فى البنك بس مش هتسافر مع نور .
فى مدينه عروس البحر المتوسط مدينه الاسكندريه زى كل سنه البنات راحوا يوم اسكندريه بس كان مختلف عن باقى السنين والايام
نورهان : فاكرين لما قولت ان لو بقيت محاميه هعزمكم فى مطعم هنا
مريم : فاكرين يلا بقي نروحو عشان هنموت من الجوع
نور : طول عمرك همك على بطنك
نورهان : خلاص يابنات يلا بقا نروح
راحوا البنات المطعم الفاخم طلبوا الاكل وحاجات كتير زى عصاير وحلويات
نورهان : اللى محتاج حاجه يطلبها محدش يتكسف يابنات
البنات طلبوا الحاجات اللى عايزنها واكلو وشبعوا
نورهان : عاوزين حاجه تانيه يابنات
هايدى : عايزه كب كيك
نورهان : تمام ... بعد اذنك عاوزين اربعه كب كيك
نور : منتحرمش منك ياصحبي
نورهان: تسلميلى اى حاجه عاوزنها قولوا
مريم : لا ده كده فل اوى اطلبي الحساب عشان نتمشي ع البحر شويه قبل مانروح
نورهان: تمام .. بعد اذنك الحساب
الجرسون : اتفضلى يافندم
نورهان اول ماشافت الحساب اتصدمت : هو الحساب خمسه الاف جنيه
الجرسون : ايوه يافندم
نورهان : طب اتفضل انت دلوقتى
نور : انتى معكيش فلوس كافيه ولا ايه
نورهان : انا كل اللى معايا ٢٠٠٠ جنيه
هايدى : احنا لو جمعنا كل الفلوس اللى معانا مش هيكفى برده
مريم : طب والعمل هنعمل ايه دلوقت
البنات وهما بيتكلموا كان فى حد على الطربيزه اللى وراهم سامعهم
الشاب راح للبنات
الشاب : احم معلش ع الازعاج بس انا سمعتكم انكم معكوش فلوس كافيه انا ممكن ادفعهم انا
نورهان بعصبيه : انت مالك انت بتتصنت علينا ليه حد طلب مساعدتك ماتخليك فى حالك .
البنات فضلوا يهدوها
هايدى : احنا اسفين اوى والله معلش بس هى متعصبه بسبب الموقف وكده ومش عارفين نعمل ايه
الشاب : عادى ولا يهمكوا انا بس كنت عايز اساعدكم
نورهان بزعيق : انت ايه معندكش دم ماقولتلك خليك فى حالك
الجرسون جه على زعيق نورهان
الجرسون : فى حاجه يازين بيه
زين : مافيش حاجه ده سوء تفاهم .. ووجه كلامه لنورهان: وانا اسف مره تانيه نور : مينفعش خالص اللى انتى عملتيه معاه ده
هايدى : انتى فعلا كنتى قليله الذوق معاه
نورهان : هو اللى كان بيتصنت علينا
مرين : خلاص ياجماعه خلينا ف اللى احنا فيه هنعمل ايه دلوقت
نورهان : هديلو تليفونى يرهنوا وانا كده كده جايه بعد بكره عندى جلسه فى المحكمه هنا
البنات : تمام
نورهان طلبت الحساب
الجرسون : زين باشا دفعه يافندم عن اذنك.
هايدى : والله راجل ذوق ده لو حد غيره مكنش عبرنا بعد اللى انتى عملتيه فيه
نورهان بعصبيه : والله معندوش دم
نور : بت انتى مالك وماله عملك ايه الراجل ذوق وكمان موز اوى وچان فى نفسه كده لا وطول وعرض بعضلات حاجه كده تجنن
نورهان : انا اول مره اشوفه وكمان اتخنقت لما ملئتش معايا فلوس كافيه فا طلعت خنقتى عليه
مريم بضحك : والله حرام عليكى يامفتريه حد يضارب مع القمر ده
نورهان : ماخلاص بقي الله يلا عشان نروح بكره ورايا محكمه . طلعوا من المطعم وركبوا عربيه نور وروحوا ..
" نتكلم عن زين : زين الباشا من عيله الباشا من اكبر عائلات فى الاسكندريه شاب فى سن ٣٠ سنه وسيم جدا و اعذب وبشرته قمحيه وجسمه رياضي وطويل وظابط برتبه نقيب وشخصيته عنيد وقاسي وحاد الطباع وعنده هيبه بتخوف اى حد "
وهنتعرف على اهله فى باقي الحلقات الجايه