الحلقه ال ٣٩ من رواية مرات الظابط
بقلم \ نورا عبدالرؤوف
عند هايدى كانت لسه هتنام بس لقت صوت رساله من موبايلها
فتحتها لقتها من كريم
هايدى بصدمه : نهارك اسود
كريم كان باعتلها رساله
" اطلعيلى البلكونه بسرعه انا تحت وعاوز اشوفك "
لبست هايدى طرحه وطلعت البلكونه بسرعه واول ماطلعت لقت كريم واقف تحت وماسك بلالين كتير وبوكس حمرا كبيره واول ماشافها ابتسملها وكلمها على تليفونها
كريم بضحك : هاااا ايه رائيك فى المفاجأه دى حلوه صح
هايدى وهى لسه مصدومه : انت ايه اللى انت عامله ده
كريم بضحك : ايه شكلى اهبل ولا ايه
هايدى بسرعه : جداااا
كريم بدهشه : نعم !
هايدى : مش قصدى يابشمهندس بس مستغربه اللى انت عامله ده
كريم بغمزه : عامله عشان القمر يرضى عننا هااا يلا بقي انزليلى عاوزك فى كلمتين
هايدى : لا طبعا انت بتهزر انزل ازاى دلوقت
كريم : اخلصي ياهايدى انزلى لو منزلتيش هطلعلك والله
هايدى : اوووف خلاص نازله اهو
نزلت هايدى لكريم
هايدى : ادينى نزلت خير يابشمهندس
كريم بإبتسامه حب : ايه الجمال ده كله
هايدى وهى رافعه حاجبها : نعم ياخويا يعنى انت جايلى فى الوقت ومنزلنى فى انصاص الليالى عشان تقولى ايه الجمال ماتخلص ياكابتن ولا الم عليك المنطقه كلها
كريم بدهشه : ايييييه ياما بكبورت وطفح فى وشي ايه اهدى شويه ....كمل كلامه برومانسيه : هايدى تتجوزينى
هايدى بصدمه : هااا
كريم : هاااا ايه بس انا كل مااقولك حاجه تتنحى كده بقوبك تتجوزينى ياهايدى انا بحبك ونفسي تكونى مراتى حبيبتى امى عيالى هاا موافقه
هايدى بخجل وارتباك : مش عارفه يابشمهندس
كريم : لا ياشيخه حياة عيالك وافقى انا ماصدقت وصلت للمرحله دى
هايدى : طب ادينى فرصه افكر
كريم : ماشي معاكى دقيقه تفكرى
هايدى بصتله بصدمه
كريم : هاااا فكرتى
هايدى بعصبيه : انت بتستهبل هو انا لحقت ادينى على الاقل اسبوع وارد عليك
كريم رافع حاجبه : وحياه امك اسبوع ايه اخرك يومين
هايدى بأستفزاز : والله هو ده اللى عندى يابشمهندس
كريم بحنان وحب : ماشي ياقلب كريم خدى الوقت اللى عاوزاه معاكى لاخر العمر بس خدى بالك مش هسمح لحد غيرى يقربلك مفهوم وخدى دول جايبهم عشانك يلا اطلعى بقي سلااام ياقلب كريم
وطلعت هايدى وهى مندهشه من كريم
بس كان قلبها بيدق من كلامه
وقعدت على سريرها تشوف البوكس والبلالين وابتسمت لقت صوت رساله من موبايلها فتحتها وكانت من كريم
" بحبك ياقلب كريم 💖😘"
وابتسمت ونامت وهى بتفكر فيه
@@@@@@@@@@@@@
عدى اسبوع على ابطالنا
البنات كانوا مابين شغلهم ومع نورهان بيشتروا لبس ليها وبيجهزوها لفرحها
اما كريم كان مستنى رد هايدى على نار
اما زين بيجهز لفرحه ومعاه احمد بيساعده
وجه يوم الفرح
صحت نورهان الصبح على صوت موبايلها ردت : الو
زين : ايه العروسه لسه نايمه لحد دلوقت ليه
نورهان بضيق : وانت مالك وبعدين بتتصل على الصبح بدرى كده ليه
زين : ام لسانك اللى بينقط عسل بتصل ياختى عشان اعرفك ان فيه عربيه هتيجى تاخد العروسه وتجيبها على اسكندريه للفندق اللى هيتعمل فيه الفرح يلا قدامك ساعه تجهزى نفسك فيها وتكلمى صحابك عشان يجوا معاكى سلام وقفل التليفون فى وشها
نورهان بضيق : يخربيت ام رزالتك
وقامت كلمت صحابها وجهزت ونزلت مع اهلها كانوا صحابها تحت مستنينها
نورهان لاهلها : اركبو انتو بقي العربيه اللى باعتها الباشا وانا هركب مع صحابي فى عربيه نور
وركبت العربيه
مريم : العروسه وصلت لولولولولولولوى وافرحى ياعروسه انا العريس ياعروسه ياعروسه انا العريس وعند بيت ام فاروق
نورهان بعصبيه : بسسسس ايه راديو واتفتح
هايدى بضحك : ايه بس ياعروسه ماتسبيها تفرفش وتغنى الله
نورهان بضيق : انا مصدعه ومش طايقه نفسي ومعرفتش انام طول الليل
نور بخبث : ليه ياعروسه بتفكرى فى عريسك ومتوتره من اللى هيحصل ولا ايه
نورهان : اخرسي ياسافله انتى
نور بضحك : على فكره انا نيتى كان خير انا كنت اقصد على توتر الفرح والناس انتى بقي شكلك اللى بتفكرى فى حاجه تانيه
البنات ضحكوا ونور شغلت كاسيت العربيه وفضلوا البنات يغنوا ويصقفوا لحد مانورهان فكت وغنت معاهم ووصلوا الفندق
نور وهى بتركن عربيتها : حمدلله على السلامه يابنات وصلنا بالسلامه كلمى زين يانورهان وقوليله انهى سويت
نورهان : وانا مالى ماتكلميه انتى
نور بعصبيه : وانا مال اهلى هو جوزى انا ولا انتى اخلصي كلميه
نورهان بضيق : خلاص طاااه متزقيش
ورنت على زين
زين : يامرحب يامرحب الموبايل نور والله
نورهان : بقولك ايه احنا وصلنا ادخل اقولهم ايه فى الاستقبال
زين : هتدخلى تقوليلهم انك حرم زين يوسف الباشا وهما هيوصلوكى للسويت وشويه وهتجيلك اكبر خبيره تجميل فى اسكندريه تظبطك وهتجيبلك الفستان معاها
نورهان : لا شكرا متتعبش نفسك انا معايا فستانى وصحابي هيظبطونى انا مش محتاجه خبيره تجميل
زين بضحك : بس يامقشفه انتى وبعدين انتى هتجيبي مكياچ صحابك لاكبر ميكب ارتست وعارفه يانورهان لو عرضتى فى حاجه وملبستيش الفستان وخلينى الميكب ارتست تشوف شغلها انا اللى هاجى البسك الفستان غصبك وانتى عارفه انا قد كلمتى يلا سلام ياعروسه اشوفك بالليل
وقفل فى وشها
نورهان : كتك القرف كل شويه يقفل التليفون فى وشي كده
مريم بضحك : اهو جالك اللى يعلم عليكى ياقمر
نور بضحك : لا وكمان بيمشي كلامه عليها
هايدى : مش مصدقه انى شوفت اليوم ده والله
نورهان ببرود : هااا خلصتم تريقه يلا ننزل
ونزلوا البنات ودخلوا الفندق وراحت نورهان للاستقبال وقالتله زى زين ماقالها ووصلوها لحد السويت بتاعها
وبعد شويه زين كلمها
زين بسخريه: هااا عجبك السويت ياعروسه
نورهان : اه حلو مش بطال
زين بضحك : لا والله امممم على العموم كويس انه عجبك
كمل كلامه بخبث : عشان ده اللى هنقضي فيه ليله دخلتنا ياعروسه
نورهان بغضب : ده بعينك يازين تلمس منى شعرايه واحده
زين بضحك : هنشوف سلااام
وطلعت نورهان لاصحابها وفضلوا مستنين خبيره التجميل ووصلت ومعاها الفستان
خبيره التجميل : مين فيكوا العروسه
نورهان : انا
خبيره التجميل وهى بتبصلها من فوق لتحت : معقوله انتى مرات زين بيه
نورهان وهى حاطه ايديها فى وسطها ورافعه حاجبها : مالى ياعينيا عندك اعتراض ولا حاجه وبعدين انتى هنا تشوفى شغلك وانتى ساكته مفهوم
خبيره التجميل بإحراج : مفهوم يافندم اتفضلى حضرتك عشان تعملى بروڤه للفستان
ودخلت مع نورهان الاوضه عشان البروڤه نور : احرجتها اوى
هايدى بضحك : تستاهل هى اللى جابته لنفسها لعبت فى عداد عمرها
وبعد شويه طلعت نورهان بتورى لاصحابها وامها واختها الفستان
: هااا ايه رأيكم
مرام بإنبهار : الله ده تحفه يابنتى
حوريه : بسم الله ماشاء الله هينطق عليكى يانورهان
مريم قامت واخدت نورهان ولفتها : واااو تحفه اوى تحسيه متفصل علشانك
خبيره التجميل : فعلا زين باشا طلب الفستان من اكبر مصمم موجود فى مصر ووصفله المدام و عامله مخصوص عشانها شكل زين باشا بيحبك اوى يامدام نورهان ابتسمتلها ابتسامه صفرا
هايدى : لا بس بجد تسلم ايده بجد تحفه عليها
نور بخبث وهى بتبص لنورهان : ويسلم اللى طلبه كمان
نورهان لخبيره التجميل : يلا ياختى شوفي شغلك خلينا نخلص
وفضلوا البنات مع نورهان لحد ماخلصت وجهزت
البنات : وااااااااو 💖
نورهان وهى واقفه قدام المرايا بتشوف نفسها : هاااا حلوه
مرام : حلوه ايه بس ده انتى بقيتى زى القمر يانورا استنى بقي انده بابا عشان ينزلك لزين تحت الناس مستنيه
نورهان بتوتر : اييييه طب استنى شويه طيب
نور : تستنى ايه بتفولك الناس مستنيه تحت يلا اتكلى انتى على الله يامرام نادى الحاج ابوكى خلينا نخلص من اختك دى بقي
نورهان : اه ياحيوانه ياللى اسمك نور
وجه والد نورهان
مصطفى وهو بيحضنها :بسم الله ماشاء الله زى القمر يابنتى ربنا يحفظك لجوزك ياارب
نورهان وهى فى حضنه : حبيبي يابابا ربنا يخليك ليا يااارب
واخدها والدها ونزل بيها القاعه والبنات ووالدتها وراها بيزغرطوا وبيرشوا عليها الورد
زين كان مستنى على اول السلم ووالدها سلم عليه ووصاه عليها
زين اخدها منه وباسها من راسها
زين بص فى عينيها بحب : مبروك يااحلى عروسه فى الدنيا دى كلها
فجأه سمعوا حد بيتكلم فى المايك
_ : احم احم معلش ياعريس هاخد من وقت فرحك ٥ دقايق بس
كله انتبه ليه
هايدى بصدمه : كريييم !
زين ضحك وشاورله : خد راحتك يابشمهندس
كريم قرب على هايدى : انا عارف انك مصدومه من ايه اللى جابنى هنا بس انا كنت طلبت منك طلب واستنيتك تردى عليا بس انتى مردتيش فاروحت لاهلك وطلبت ايدك منهم ووافقو واستأذنتهم على هعمله دلوقت
طلع كريم علبه من جيبه وركع على ركبته
كريم بحب : هايدى انا بحبك تقبلى تتجوزينى واوعدك قدام الناس دى كلها ان عمرى ماهزعلك وهفضل احبك لحد اخر يوم فى عمرى وهشيلك فى عينى والله العظيم وربنا شاهد على كلامى
هايدى بإبتسامه وعينيها مليانه دموع : موافقه
الشباب صقفوا وهيصوا والبنات زغرطوا
نورهان وهى بتزغرط : لولولولولولولوى مبروك ياهايدى
زين بضحك : الا ماعملتيها فى كتب الكتاب او فى فرحنا
نورهان : فى ايه كابتن صحبتى بتتخطب وبزغرطلها
زين : زغرطى ياختى زغرطى
كريم لبس هايدى الشبكه وراح لزين وسلم عليه
كريم : معلش بقي ياعريس اعذرنى اصل كنت خايف تطير منى وانا بحبها اوى
زين وهو بيحضنه : ولا يهمك ياعم ده انا اخوك برده خد راحتك
كريم بإبتسامه : ماهو ده العشم برده يلا انطلق بقي مع عروستك
اخد زين نورهان وراحو الكوشه قعدوا
لحد ماجه ميعاد رقصه السلو
زين وهو بيرقص مع نورهان وباصص فى عينها : بس ايه الجمال ده يابطتى طالعه زى القمر لاتسلم ايد الميكب ارتست
نورهان بضيق : على فكره الوليه دى قليله الذوق ومشافتش بربع جنيه ربايه
زين بضحك: ليه بس
أنت تقرأ
رواية مرات الظابط بقلم/ نورا عبد الرؤوف
حركة (أكشن)نعم انا المحاميه السمينه اللي الكل يتريق عليها اللي الناس كلها بتقولها انها ولا حاجة بس لما زيني جه كل حاجة اتغيرت نظراتي لنفسي اتغيرت غير كل حاجة فيا بدل ما كنت بمشي مكسوفه بيقيت بمشي فخورة بنفسي هو عشقي الاول ولاخير دا للينك الجروب https://www.fa...
