Fight or Love

အပိုင်း ^ ၂၉ ^

^Unicode^

အခုတော့သူငယ်ချင်းကောင်းမှုနဲ့ဈာန်မျိုးသစ်တို့တစ်ယောက်ကျောင်းရောက်လာခဲ့ပြီ။ရက်အနည်းငယ်လောက်ကျောင်းကိုမတက်ဖြစ်တော့အရာအားလုံးကဈာန်မျိုးသစ်နဲ့စိမ်းသက်နေသလို။ကျောင်းဂိတ်ဝကနေပြီး ကျောင်းဆောင်တွေကိုငေးကြည့်နေမိတာမှ တမေ့တမော..။‌ကျောင်းရဲ့ပုံပန်းသဏ္ဍာန်ကတော်တော်ကြီးကိုပြောင်းလဲသွားသည်။ကျောင်းရဲ့မိန်းလမ်းမကြီးကအစ..၊ကျောင်းဆောင်တွေအထိ အမျိုးမျိုး၊ပုံစံအစုံစုံသောမီးပုံးတွေမီးလုံးတွေအစီအရီ..။အထဲကိုရောက်လို့ ကွင်းပြင်းဘက်ကြည့်လိုက်မယ်ဆိုရင်လည်း ဈေးဆိုင်တန်းလို့ယူဆရတဲ့ရွက်ဖျင်တဲတွေအများအပြား..။မပြီး‌သေးတဲ့တဲတွေထိုးနေတဲ့ကျောင်းသားအများအပြားလည်းကွင်းပြင်ထဲမှာရှိနေသည်။

"ကဲ...မိုက်တယ်ဟုတ်!?"

ဘေးနားမှာရှိနေတဲ့အောင်သူကပါးစပ်အ‌ဟောင်းနဲ့‌ငေးကြည့်နေတဲ့ပုခုံးကိုလှမ်းပုတ်ပြီးပြောလိုက်သည်။

"အေး တော်တော်မိုက်တယ်..."

အောင်သူကဈာန်မျိုးရဲ့ပုံစံကိုတခွီးခွီးကြိတ်ရယ်နေပြီးမှ..

"မေ့တော့မလို့...မင်းအတွက်clubတစ်ခုငါတို့joinပေးထားတယ်သိလား..ဟီး..မင်းကြိုက်မှာပါ"

"Club?"

"အဟဲ...ကောင်းမြတ်ရှင်းပြလိုက်ပါဦး.."

‌အေးအေးဆေးဆေးနေနေတဲ့ကောင်းမြတ်ကိုတံတောင်နဲ့တွတ်ရင်းစစ်ကူ‌တောင်းလိုက်တဲ့အောင်သူ့ကိုဈာန်မျိုးသစ်မျက်လုံးတွေမှေးကျဉ်းရင်းကြည့်လိုက်မိသည်။

ဒီကောင်တွေရိုးမှရိုးရဲ့လား....

"အဲ...အဲ့ဒါက..ဒီလို.."

ပြောရခက်နေသလိုဖြစ်နေတဲ့ကောင်းမြတ်ပုံစံကြောင့် ဈာန်မျိုးသစ်‌သေချာသိလိုက်ပြီ။ဒါဟာကောင်းတဲ့လက္ခဏာမဟုတ်။

"ကျောင်းအုပ်ကြီးကပြောတယ်...ဒီပွဲတော်မှာကျောင်းသားတွေကိုအခန်းကဏ္ဍတစ်ခုခုမှာပါဝင်ရမယ်ဆိုပြီး..ပါဝင်ရင်အမှတ်လည်းရမယ်တဲ့ကွာ..အဲ့တော့အကုန်လုံးကclubတွေဖွဲ့ပြီးjoinကြတယ်...ပြီးရင်clubလိုက်‌ဈေးရောင်းတာတွေအစီစဉ်တင်ဆက်တာတွေလုပ်ကြဦးမှာ...ငါကကျတော့စာပေclubထဲဝင်လိုက်တယ်...အောင်သူကျတော့ စီနီယာတို့ရဲ တွဲလက်ပရဟိတclubနဲ့ပေါင်းပြီးပွဲဖြစ်မြောက်ရေးမှာဝိုင်းကူနေတယ်...မင်း..မင်းကိုကျတော့...."