#منقولة
<3 حوش جدى <3
ملاحظه << كل الا تكلم معاى باحترام نشكره هلبه ونقولله بعون الله لو ماعندى شى رح نزله كل يوم ... والا ماتكلمش معاى بااحترام حابه نقوله << ارحمو مافى الارض يرحمكم مافى سماء .. رانى صاحبة عويله والحكايه رمضان وانى من الاول متقطعه فى ظمان وتطيب واختى روحت من سفر وماشين جايين عليها فاماتزيدونيش بالله بكلامكم ... اما الا قالت تدلى فينا .. فانقولها ربى يسامحك ماعندى باش ندلكم بس انتى بااسلوبك هوا اتدلى فيا وربى يسامحك >>
الحلقة التالته <3 <3 <3
نهال سكتت شوى وبعدين قالتلها ....
نهال .... انى ننصحك تقوليله قبل لانا وسام نحس ماينفعش ينحط فى امر الواقع ..
خالتها ... لا لا طز فيه بنخطبها وبنكلم حناك تكلمه ... وتقنعه وهوا يحترم فيها هلببببه ..
نهال .... ان شالله حناى تقدر تقنعه ..
وهنا على خشت وسام للمطبخ وقاللها.....
وسام ... لى منى بتخطبى ؟؟؟ شنى فى مشروع جديد وانى مانندريش فى الحوش ؟؟
امه .... ههههههه كنت نهدرز انى وبنت عمتك وبعدين انتع لاش تتصنت علينا جديده هادى ..
وسام ... هههههه نستنط عليكم قويه هادى هههههه مهم انى ماشى للبحر انى وصحابى ..
امه ... شن قصتكم اليوم .. امجد حتى هوا قالى ماشى للبحر مع صحابى وقصى كرش فيه بيمشى معاه ..
انتم عارفين اليوم عماتكم فاطرين عندنا ... وعمامك حتى هما ... شنى يعنى معقوله بوك بيقعمز معاهم بروحه ؟؟
وساام ... هونى جدى وبوى يكفو ويوفو .. مهم انى طالع توا تبى شى ؟؟
امه ... وشن بتفطرو ؟؟
وسام ... ماتخمميش فينا .. ماشين لقريه سياحيه وخدينا دار..... و فيها مطعم حوت بنتعشو فيه .. هيا سلام .. اى استنى فى فوطه كبيره عندنا؟؟ طلعيهالى توا نبيها ..
امه .... نهوووله وراس بنيتى برى للانترى الا جيهة جناح نوم تلقى الانترى جنب الحمام فى الدرج تالت تلقى فيه فوطه بيضاء كبيره مخليتها لضيوف طلعيهاله ..
نهال ... حاضر خالتى ..
مشت نهال بتجيب فوطع لوسام وهنا وسام قال لامه ...
وسام ... موضوع الخطووبه طلعيه من دماغك .. وكانا تلمحى على بنت عمتى نهالى .. فامش هادى موديلى ولا تعجبنى اصلا ولا رح نفكر انا هيا ممكن تكون ليا مااااااشى وهونى ولدك امجد اخطبهاله ..
وامه كيف بترد عليه خشت نهال ومدتله فوطه فاقعدت تسحن مع بعضها ..
واول ماطلع وسام نهال قالت لخالتها ..
نهال ... خالتى صاحباتى 3 متعوده كل شهر رمضان نعزم فيهم فا بيجونى اليوم بعد الفطور يهدرزو عليا <3
خالتها ... يتفضلو فى اى وقت نهوووله .. واركبى انتى واياهم فوق باش تاخدو راحتكم ... انتى عارفه توا حوش جدك لوطه بيبدا زحمه .. عماتك وصغارهم ووعمامك ونساوينهم ومش رح تاخدو راحتكم ..
نهال ... بالك خالى ولا الولاد بيركبو .
خالتها .... لا لا الولاد اليوم بيمشو للبحر وخالك بيقعمز مع جدك وخوالك ..
نهال ... تسلمى خالتى هلبببه <3 وبالنسبه للمعاين ماتخمميش فيهم توا نخشلم انى وصاحباتى فوق مش برانيه
فاتت ساعه ورا ساعه ونهال وخالتها سميحه فى مطبخ وماخلو شن دارو واول ماطقت ساعه 5 عشيه نهال قالت لخالتها ...
نهال ... خالتى .. كملى انتى المبطن وخلينى انى نبدا فى الحلو ...
خالتها ... شن قررتى بتدير ؟؟
نهال ... بندير بسبوسه .. وكيكه محشيه بالنوتيلا والكراميل وبريوش ..
خالتها .. اوك حبيبتى وخلى منها لصاحباتك
نهال ... اوك ... بدت نهال فى حلو ووكملو هما وصلاة مغرب وعلى خشت امها وخاالاتها وخواللها على مغرب بزبط ... قعمزو ونحط الفطور على بخشه وبدو يتعشو وناضت نهال قبلهم وركبت فوق غسلت وبدلت واستشورت شعرها ..
وبخرة حوش خالتها من ريحة الاكل ومافاتتش ساعتين لين وصلو صاحبتها للحوش وكلموها على نقال .. واول ماوصلو ركبتهم فوق لحوش خالتها وقعمزتهم فى صالون واول ماوصلو سلمى قالتلها ...
سلمى .... ههههههه والله تدورتى وحلوتى يابطه هههههههههه
نهال .... امبحى وزنى قاعد 57 كيلو .. والدور والباقى عليك ههههه قعمزى قعمزى ..
اميره ... وين ولد خالك الكزمه الا ديما تقرمى فيه خاااااطرى نشوفه ..
سندس .... نحس فيه سمين وشين ووووع ههههههه اسمعو من الاخير امجد ليا انى ههههههه وانتى اميره خودى وسااام <3
سلمى .... عزززززززاك ناخد قصى العيل ولاناخد وسام شين هههه نحلف عليه اسمه احلى منه
نهال .... شكلكم حفضتو اسمائهم هههههههه
اميره ..... مش منك هوا انتى عندك سيره غيرهم فى تلفون ونت
سلمى ... بصدق بصدق مافيش حد منهم فى بينك وبينه هكى ولاهكى قووووولى هياااااا
نهال .... مصحكم زى خووووتى ... بس امجد مرتاحتله هلبه وهوا اقرب واحد ليا فى حووووش ..... استنو شوى ونجيكم .. نحو وشاحاتكم مافى حد فى حوش ..
سندس ....كيف يعنى فهمينى قصدك ووووينهم ولاد خالتك يامجرررمه قووولى ..
نهال .... مشو كللهم للبحر كانش تمشو تلحقوهم ههههههههههه
اميره .. هيا وراى يابناااات نوضووووو والبسو وشاحاتكم وهيا ..
سلمى وسندس ... وين ههههههه ؟؟
اميره ... على بحر اكيد يااغبياء ههههههه على من تتاغبو ...
طلعت نهال وحطت العصير وشكلاته وقعدو يهدروز وبعدين قالتلهم ...
نهال ... هيااا نوضو معاى ... مطبخ مقلوووب معاين .. ماتخافوش انتم قعمزو وانى نغسلهم هياااا ..
اميره ... استنى استنى خوديلنا صوره بالنقال قبل .. هيااااا تجمعو هنااااا انتى يابلوه تعالى جنبى ..
نهال .... 1 ..... 2 ..... 3 .... تشك
ناضت نهال ولحقوها للمطبخ وحطتلهم نسكافيه والحلويات على طاوله وبدت تغسل فى معايين ... ومع ساعه 11 فى الليل ونهال والبنات يمسحو فى معاين ويردو فيهم سمعت نهال شريانة حوش جدها تشرين فا سملى قالتلها ..
سلمى ... ماتقوليلش اولاد خاااااااالك روووووووووووووووووووووى ..
نهال .... ههههههه اولاد خالى يامهبوله يفتحو الباب طول مايشرينو وبعدين بايتين فى بحر فا صدقينى تعبى فى دماغك بس ياخفيفه <3
وشرين الحوش المره الاوله والمره تانيه وتالته فتح عمى فرج وقال
عمى فرج ..... ايووووا خيرك قريب تقلب الباب ... وين مفاتيحك ..
وساام ... نسيتهم فى حوش ... مهم فى حد فوق ؟؟
عمى فرج .... لا لا حوش فاضى كلهم لوطه ... وخيرك جاى بشرط البحر وحوايجك مبلولات ؟؟
وسام ... راسى مصدع ودرت غطسه وطلعت مهم انى تعبان وبنرقد فامتقولش لحد وسام روح ..
بوه ... ماشى ماشى ..
وهوا ركب وسام نحى كنتيرته وحطها على كتفه وفتح باب الحوش وخش للمطبخ باش يشرب واول ماخش للمطبخ ...
جى شلل نصفى لكل الا فى مطبخ بما فيهم نهال .. وسلمى طاحت صونية من ايدها ونهال معاش عرفت كيف تتصرف فاقعدو مصدومين ويشبحو لبعض .. بس هوا من صدمه فتح باب تلاجه خدى شيشة مياه وهوا منزل عيونه وطلع وخش لدار نومه وهنا سلمى قالت لنهال ...
سلمى ..... بناااااااااااااااااااااااات انى فى حلم ولا فى علم ؟؟ انتم شفتم القمر الا خش ...
اميره .... نهاااااااااااااال انى نكرهك .. من الغزال هدا ماتقوليلش امجد <3
نهال .. للاسف انه وسام <3
اميره سندس سلمى .... ووووووووووووووووووووووووووووووووووووووووووووووووووووووووووووووووووووووسااام ...
طلعت نهال من مطبخ وهيا متعفلقه ... لبست وشاحها وووصلت لدار نومه وخدش شهيق وزفير وطقطقت فافتحلها باب .. وقالتله...
نهال .... زمطت ريقها وقالتله بصوت من الخوف .. مفروض تستأدن قبل ماتخش او تدير صوت ..
فاهنا شبحلها وجبدها من ايدها ودخلها الدار وحط ايديه على حيط بين وجهها وقاللها ...
وسام .... انى نخش الحوش كيف مانبى وامتى مانبى .. هدا حوشناااااا وانتى الا حطى فى بالك انا الحوش فيه ولاد .. مااااشى
نهال .... زمطت ريقها ودارت روحها متعصبه وقالتله ...
نهال .... انت خيرررك تكلم فيا هكى واستر رووووحك قبل ماتخش الحوش واعرف انا فى معاك حد وصدقنى حدها شهر وبعدها معاش تبدا متضطر انك تستر روحك لانا باين انك ... << وسكتت لانا عرفت انا طقت فوق الخط الاحمر >> وهنا قاللها .....
وسام .... تعرفى انك الحمد لله طلعتى بنت .. كان هدا قسما بالله .. ولانقولك .. خلاص الحكى انتهى خودى بعضك ..
نهال .... انى طالعه ... وانتم مابعد الا بتاخدك يا نكدى .. على شنى شايف روحك بس ...
وهنا شدها من ايدها وقاللها ...
وسام ... تبنى نقولك على شنى شايف روحى تببببببببببى قوووووووولى ..
نهال ..... << بصوت رقيق وحنين >> لا لا خلاص غيرت رأى
وسام .. << وهنا حط ايده على الخصله الا طاحت من الوشاح لانه محطوط حط وقاللها ... ايواااا خليك هكى شاطره وهاديه وماتلعبيش معاى ياحلوه ماااشى << واسترى شعرك ياحلوه لانى مش راجلك >>
نهال ... راجلى ... اه .. لا لا اوك خلاص سلام ..
وسام .... استنى شوى ...
<< وقفت نهال وجمدت فى مكانها وهنا خدى شعرها العسلى الا يفوت تلاته اربع ظهرها والا كان طالع من الواشح ودخله وقاللها ....
وسام ..... ههههههه صار نستر روحى وشعرك طايح هوا تابعى ولاشنى ؟؟؟
وهوا كيف حط ايده على شعره باش يحشيه فى الواشح نفتح باب داره وخشت امه وقعدت تشبحلهم وهيا مش فاهمه ومصدومه وقالتلهم ....
يتبع
