منقولة
<3 حوش جدى 3 <3
kinda
الحلقه التانيه <3 <3
الا قبل حكينه كلللللله تمام <3 <3 بس من هاليوم والا تحديدا اخر يوم ليهم بعد 15 اليوم قضوهم فى شرم شيخ ... كيف بيكون يومهم ؟؟؟ يالله تعالو مع بعضنا نشوفو <3 <3
<3 <3 <3
نهال .... صباح الورد حبيبى <3 <3
وسام ... صباح الورد ...
نهال ... واخيرااااااا اليوم رح نلحقو نشوفو شوية مناطق فى مصر قبل مرواحتنا..
وسام ... توا من امس خدينا باص وطلعنا وبهدلتنى طول طريق ههههه مش كانا كملنا هالاسبوع فى شرم خير ...
نهال .... خلاااااص اهو وصلنا للاوتيل وارتحت ... وبعدين قلقت من نفس الاوتيل ههههههه يالله خلينا توا نبدلو حوايجنا ونطلعو ..
وسام ... اوك بس خلينى ندير دوش .. ونشرب قهوتى وعندى شوى فاكسات بنبعتهم ظرورى وبعدها نطلعو ..
نهال .... اووووووك وبناخد هدايا لخالتى وماما وحناى اهو قتلك ...
وسام ... مااااااااااشى
ناضت نهال ونقزة من على سرير ... ووقفت على روشن وفتحاته شوى وقعدت تتفرج على شوارع لحد ماطلع وسام من الحمام وبعدها لبست حوايها ومافاتتش ساعه لين طلعو .
نهال ... وسااااام خاطرى نجرو اى نجرو
وسام ... ههههههههه اجرى هيا غير ردى بالك تريحى ..
نهال ... مصحك تحسابنى عيل .. هيااااااااااا اجرى معااااااااى <3 <3 شوف نديرو سباق من هنا لحد نهاية جردينه هديكا اووووك ..
وسام ... يامهبوله ناس يشبحولنا ..
نهال ... ههههههه لا لا ماتخافش توا صبح ومافى حد وطريق هيا كلهم يجرو شوف ها ..
وسام ... اوووك انطلقىىىىىىىىىىىىىىىىىىىىىىىىىىىىى <3 <3
نهال ... ياااااااااااااااااااااااااااااااااااهوووووو ... وسام ... نحببببببببك << وهيا تجرى >>
وسام .... << صمت >>
نهال ... خيرك ماترديش ؟؟ ماتحبنيش صح ؟ اصلا عارفه ...
وسام وقف فجاه وحط ايده على ركابه وقعد ياخد فى نفسه وبعدين قعد يضحك وقاللها ..
نهال .... هههههههههههههه خيرك تضحك ؟؟
وسام .... والله والله انتى الا مهبوله ياررررررررررررب .. توا تشوفى فيا نشر عرق من جرى ... وروحى بتطلع ومازال حتى تبنى نعبرلك على مشاعرى ..
نهال ... ههههههه حقا ... وسوووووومتى بناخد بشكليطه نمشى بيها شوووى ...
وسام .... نهال .... يابنتى حطى عقلك فى راسك ؟؟ وبعدين قتلك معاش دلعينى باسماء بنات شن وسومتى سمينى اسماء وخلاص انتى
نهال ... وساااااااااااااااام ونبى ونبى خودلى بشكليطه نمشى بيها شووووى بس ..
وسام ... اووووك شوى بس ؟؟ بعدين انتى اجرى وانى نسايرك بالبشكليطه وحقك عليا نغنيلك لصبح هههههههههههههههههههههه <3
نهال .... ماصحك انى نجرى وانتى راكب على بشكليطه ...
وسام .. انتى تبى تجرى خلاص .. اما انى فامش مستعد نهار كله نقضيه جرى ..
نهال ... اوووووك <3 <3 اسمع هوا اسبوع وبعدها بنروحو ... نبى نلودو مصر كلهاااااااااا ...
وسام ..... ماشى ماشى غير برى هيا
نهال ... وسام وسام شوف محلاه المكان هوا ... بس علاش مسكر ؟؟ خاسره خاطرى نخشله ..
وسام .... اى اى هدا مانقصك ...
نهال .... شن هوا ونبى قولللللى ؟؟
وسام ... ااااااااااااااااه ياهمى اه .. هدا ديسكو ....
نهال .... اهااااااا وانت شن عرفك ؟؟؟
وسام .... ومن مايعرفش ديسكو ؟؟
نهال .... قول الحق قبل خشيتله ؟؟؟
وسام .... هههههههههههههههههههههههههههههههههههه والله مارح نجاوبك خلاص ... اااااااص معاش نبى نسمع صوتك ..
نهال ... علاش ضحكت ؟؟؟ قووووول خشيتله صح ؟؟ اوك فهمت كل شى ...
وسام ... ههههههههههههههههههههههههههههههههههههههههههه نبيك تموتى ومش رح تاخدى منى كلمه باش نقتلك على فضولك زايد هوا ....
نهال ... هههههه ومن قالك بنموت .. خلاص ماتقولش ؟؟ اصلا اكيييييد مشيت ...
وسااام .... ههههههههههههههههههههههههه والله يامهبوله نحبك ... بس والله مره بس خشيتله انى وصحابى لما سافرنا ... وماتسأليش اكتر من هكى خلاص ..
نهال .... اووووك بس مش رح ننتهى هنا رح نعرف بعدين كل شى <3
وسام ... اوووك .. تعالى نخشو للمول هدكا .. ...
نهال .... اوووك .. خالتى تعرف مقاسها ؟؟
وسام ... لا والله مش عارف .. بس خودى اى شى وخلاص ...
نهال ... اسمع مادخلنيش فيك .... نبى نمشى للملاهى بعدين المائيه بعدين ...
وسام ... ماشى ... بس خلى نديرو لفه هنا على مولات ... وبعدين نمشو ...
نهال .... اووووك <3 ....
خشو نهال للمولات وبدو يقلب وفى حوايج .... واول ماخشت نهال .. لقسم ملابس الشباب قالتله ..
وسام ... شن رايك فى جاكيت هيا ؟؟؟
وسام ... يعنى ها متع فروخ ..
نهال ... شن فروووووخ ... غير قيسها ونبى ونبى ...
وسام ... انتى تركبى صداع ... رح نقيسها لكن مش رح ناخدها ...
نهال ... هههههههههههههههه انت غير قيسها ..
خش وسام لغرفة القياس ... وقاس جاكيت .... وطلع من المحل ونهال بضعتله من تلاته اربعه ....
فات نص نهار ونهال طالعه من محل وخاشه محل وطالعه محل ... ونفضت لوسام جيبوه زوز فى لبس .... وهدا اول درس خداه وسام من زواج ... وباابتستامه <3 <3 وبعدها تغدو ... وخدو تاكسى وصلهم للاوتيل .. وحطو شكايرهم .. وبدلو حوايجهم .. وطلعو باش يمشو للمدينه ملاهى <3 وفى طريق نهال قالتله ...
نهال ... وسام .. ... انى فرحانه ... بجد مش مصدقه .. حاسه انى ربى حققلى جميع امنياتى ..
وسام ... ان شالله ديما هكى يارررب <3 انى لا عايش كان مانخلى حبيبتى سعيده <3
نهال .... تسلم حبيبى <3
وصلت نهال لمدينة ملاهى ولعبو وركبو جميع الالعاب وخدلها غزل البنات <3 وصور مع بعضهم .... ومع ساعه 10 فى الليل قعمزو فى جردينه كانت فى وسط البلاد ... ومشى للكافتيريه القريبه باش يجيب منها ميه وعصير طبيعى لنال ... وبينما هوا كان خاش للمحل وقف واحد على نهال وقاللها ...
الولد .... ايه الحلاوه دى يابت .. يخرب بيت اهلك .. دنتى صاروخ ..
نهال ... ولاكلمه ..
الولد .... مالك يابت مكسوفه ... انتى اكيد طهاقنه ولوحدك ...
وفجأه لقى وسام فوقه والفاكو الاول والتانى عطاه وقاله ..
وسام .... انى معاها ياروح امك ... تعالى نوريك الحلاوه كيف شكلها ..
)*#@إ‘ً،ٍ,[]/&/:&^&×^÷&÷&^%$#@!/@@×:/ً،/ٍٍِ,’{}~ِ÷×÷^%$#&#@!&^#@!@
نهال .... وساااااااااااااااااااام خليه ياوسااااام الولد بتقتله ..
ومافاتتش خمسه دقايق على دعكه لين جى البوليس ولم كل الموجودين ....
ونهال ووسام قعدو فى المركز لحد تانى يوم 11 ظهر ..... وماطلعوش الا بعد ماتنازال الولد لانه حصل ماكتب ربى من فشخ وتكسيرة ايد من وسام ..
واول ماطلعو من مركز نهال قالتله ...
نهال .. احجزنا عند اول طياره .. بنروح اليوم .
وسام .... اها ... بتروحى .. اوك براحتك ..
نهال .. اكيد براحتى ... انت اصلا خليت فيها راحه ..
وسام .. احنا فى شارع .. نقاش مش هنا ..
نهال .. اوووووك توا تكلمهم وتحجز طياره مش رح نقعد حتى ساعه تانيه .. بنروح .. اخرتها انى نبات فى المركز ونلتم فى سياره قدام ناس ..
وسام ... لا لا نخليه يهدرز معاك ويخى تتمشو .. ونشريلكم فوشار ...
نهال .... اى صح ماهو انت خديتنى هكى .. معقوله ماتعودتش ..
وسام ... معقوله بيوصل معانا الحديت لهكى ؟؟ احنا فى شارع ... ياريت تراعى هالشى ..
ونهال .. علا شانت مارعيتش هالشى لما التمو علينا ناس ومابيت تطلقه .. لين شافتك دورية بوليس .. ولا هدكا كان فى حوش بوك ..
وسام ... نهااااااااااااااااااال خلااااااص ..
اتصل وسام بشركة طياران وحصلو رحله طالعه بعد 4 ساعات ... فامش وللا وتيل ولمو حوايجهم ورجعو للبيا ...
ومن اول ماوصلو للا وتيل لحد ماطلعو منه ومافيش ولا واحد منهم تكلم مع تانى ...
وصلو للمطار وكملو اجرائتهم وركبولطياره وطلعت بيهم هما وساعه 5 عشيه .... وبما انا خدت منهم رحله 3 ساعات ... وماوصلو وخدو شناطيهم ووصلو لحوشهم الا كان فوق حوش بوه وجده .. الا وساعه 10 فى الليل ...
واول ماوصلو للحوش وشرينو ... طلع امجد من باب وفتحلهم واول ماشافهم قال ...
امجد .... رووووووووووووووووووووووووووووووووووووووووى ...
وسام .... ههههههههههههههههه انت انت ماتتغيرش ؟؟
امجد ... خيركم روحتو بدون ماتقولو ؟؟ وخيركم روحتو بكرى ... شنى مليت منها وتبى ترجعها هههههه
وسام ... تحشم ياولد ..
امجد ... نهاااااااااااال اشرقت الانوار يامرة خوى رسميااااا <3 <3 عقبالى انى واميره يارب ..
نهال .... << ابتسامه صفره >> يارررب
وخدت شنطتها وركبت لشقتها طول ... وهنا امجد قعد يشبحلها ويشبح لوسام بعدين قاله ..
امجد .... شن فى ؟؟؟
وسام ... مافى شى كالعاده ... نهال وتعرفها ... حرجانه بلا سبب هههههه
امجد ... شنى نتصل بيهم ؟؟ مافى حد فى حوش ؟؟ كلهم فى حوش حماتك ههههههه يتعشو بس قريب يوصلو ...
وسام ... لا لا خليهم .. انى بروحى بنركب نبدل وندوش قبل ...
ركب وسام لشقته .. ولقى نهال فى دار نوم ... مقعمزه وحاطه شوشو كله ... وهنا فتح باب وقاللها ...
وسام ... انتى بتقعدى هكى هلبه نهال ؟؟
نهال ... لا لا توا نفتح عدويه ونرقص ... شن رايك انت ... وسام انت مش فايق شن درت ؟؟ بسبب عصبيتك الا عانيت منها من ايام خطوبتنا بتنا فى المركز ... وتلميت فى سياره كانى وحده مش كويسه ... علا شانت تتصرف هكى ...
وسام ... شوفى انى هكى وخديتنى هكى .... وانتى عارفه حد يطق فيك بكلمه بس روحه نطلعها .... وهدا طبعى على قولتك مش جديد عليك ..... انى متخلف عقليا ماشى ... واعرفى انا اى حد بيعاكسك بياكل ماكتب ربى ...
نهال ... نقولك شى اصلا انت نقاش معاك زى قلته ... انت انت مش رح تتغير .. وخشت وقربعت باب الحمام وراها ... وفتحت باب دوش .. وقعدت اكتر من ساعه تحت دوش تدوش وتبكى .... وبينها وبين نفسها ... قعدت تسأل فى روحها ... هل هيا بالغت ... بس شن اكتر من هكى ؟؟ لامتى بيقعد عصبى هكى ... وهل رح نعرف نعيش معاه هكى ؟؟
قعدت تفكر وتفكر ووتتدكر الا صار وماقدرتش تنسى الا صار ومنظرها وهيا بايته فى مركز لصبح ... واول ماكملت دوشها .... نشفت شعرها ولبست لبست نومها وبخت شوى برفان ... وطلعت من الحمام ... وهنا لقاته مقعمز فى وسط الحوش ويستنى فيها ... واول ماشافها ابتسم وقعد يشوفلها ... بعدين قرب منها وشدلها وجهها وقعد يبتسم ويشبحلها ... بس هيا شبحتله شوى ونزلت دمعة من عينه ونحتله ايده وخشت لدار .... وهوا خش للحمام دار دوش ولبس بيجامته وخش لدار ... وقعمز جنبها على حاشية سرير وبعدين حط ايده على شعرها بينما هيا كانت دايره روحها راقده بينما هيا كانت تبكى ... وقاللها ..
وسام ... حبيبتى ... نبى نقولك كلمتين بس ونبيك تسمعينى ماشى .. انى نحبك ... لدرجة الجنون ... تعرفى لااى درجه ... لدرجة انى نغار لو خوى امجد سلم عليك ... لو ولد خالك او ولد عمك مد ايده وقالك خيلا ... ونتمنى الكل يسلم عليك من غير مايمد ايده ويمسك .... تبى تقولى مجنون قولى .. انى هكى ... مانقدرش نتحمل اى حد يقرب منك غيرى ولو حتى بكلمه تركب فيا نار ومعاش نعرف نفكر .... تعرفى لما شفته من بعيد يشبحلك ... تمنيت اول شى ننقز ناخد عيونه الا قريب كلاك بيهم .. ولو انا بوليش ماكبس راهو درت فيه اعاقه ..... وبعدين انتى بتتوقعى بجمالك هوا ... فى حد مايقدرش يدير زينى ؟؟؟ تى انتى ماتشوفيش فى روحك يامهبووله ... ... وبعدين انتى سبب .
وهنا نهال فتحت عيونه وشبحتله .. بس هوا بتسملها وقاللها ..
وسام ... اى اى انتى سبب ... انتى حلوه وتهبلى ومغريه وتاخدى عقل اى حد .... يعنى معقوله بعد هدا كله ماتبنيش انى نخاف عليك <3 تى انى نفكر نجيبلك بودى جارد .. اى اى هههههه فكرت لكن مشكله حتى هوا راجل هههههه
نهال ..... هههههههههه والله انت مهبول ... انت كيف قادر تخلينى ننسى ونضحك ؟؟ فجاه ننسى كل شى ونقعد نضحك
وسام .... ههههههههه اى على سيرة ضحك .. مبكرى سمعت واحد فى طياره يوشوش لمرته فى نكته .. غير تعالى نقولهالك فى ودنك ..
نهال .. شنى ؟؟ اها لا مبردك ياسخيف هههههههههههههههههههههههههههههههههه ...
وسام ... مش تعرفى بس شن دكرك هادى ؟؟
نهال ... مش لازم ندكر خير هههههههههههه ..
وسام ... حبيبتى مانبيكش تزعلى منى ماشى والله انى نحبك ومهبول فيك .. باهى شن ندير نقتل روحى .. قصدى انتى خديتنى وتعرفينى هكى ..
نهال ... وسام نقص من عصبيتك ... لانك هكى يابتحبسنى فى الحوش يابتقتل كل ناس ..
وسام ... اها كل ناس ؟؟؟ واتقه من نفسك ... ناس كلها وراك يعنى
نهال ... هههههههههههه ووووووه انت والله ماتتغير .... وسام ... هدا مش باب الا يطق ؟؟
وسام .... اى اى ... شكلهم جو .. حطى وشاح باش ننزلو نسلمو على حناى وجدى ...
فتح وسام الباب ولقى قصى قاله ...
قصى ... وسااااااااااااااااااام استاحشنك ... ووامجد قريب قتلنى لما انت مسافر ...
وسام ... روحتله . ومازال يقرب منك بس <3
قصى ... امى قالتلكم انزلو لوطه ..
وسام ... اوك شوى بس وننزلو <3
نزل قصى .... ونزل وسام هوا ونهال ... ونزلو معاهم شوية الحاجات الا خدوهم قبل مايروحو ...
واول ماوصلو للحوش اللوطى استقبلتهم حناهم تجرى وقالتلهم ..
حناه ... سااااااااااااااااااام ولييييييدى جيت <3 <3 سلم وليدى نجه ليا فايتنى بطول شوووى
وسام .. حنينا ... ليك وحشه ياحنينا <3 ربى يخليك لينا يارررب
نهال ... حنينه .. استاحشتك هلببببببه ياحناى ..
وبعدها طلعو العيله كلهم بالدموع والحضن وخشو داخل وقعمزو ... وهنا ام وسام قالتلهم ....
ام وسام ... خيركم روحتو بكرى ؟؟ مش قلتم بتروحو بعد شهر ؟؟
سكت وسام شوى وبعدين نهال شبحتله وقالت ..
نهال ... وسام جاه فاكس ضرورى فى خدمه وقالوه روح .. وحتى احنا قلقنا من غادى واستاحشنكم
وهنا وسام اشبح لنهال وابتسم <3 <3 ونهال غمزتله وضحكت .... وغيرت الموضوع وقالتلهم ...
نهال .... جدددددددددى ترا قول شن جبتلك ؟؟؟؟ نظارااااااااات
حناه ... وووووووووووووووووووووووووووه ياكبدى ووووووه علاش يابنتى تلقطى فى دعى منى .. هدا ماوديتى لحناك غير ظره ..
نهال وسام وامجد ...... هههههههههههههههههههههههههههههههههههههه
جدى .... ياحاجه له عليك .... والله امس قريب طحت فى طريق ..
حناه .... تى بتمشى من هنا ولا لا تى والله على جتتى ماك واخدهم ... اااااااااااااااااى هدا مانقص .. انت اصلا ربى بيكتبك سوء الخاتمه ... والله ماك ميت الا وانت تتفرج عليهم يايهودى .... وانى من قبل قتلك .. تى والله مانلقك تتفرج على كافرات ماعاد شايفنى فى حوش ... ووالله مانقتلك والا نضرب بعدك راجل ... ياشيبانى نحس ...
عمى فرج .... هههههههههههههه يما ... الاول ودفنتيه .. وبوى حتى هوا بتدفنيه ويناخدى بعده حرام عليك ... والله بوى طيب وكوي سمعاك ... ولا ندكرك يوم مامرضتى من عطاك كلوته وتوا ليها اكتر من 10 سنين بكلوه وحده ...
حناااااى .... هدكا اسماعيل قبل ... لكن توا .. كبر وخرف .. ويبى يعيش حياته ...
جدى اسماعيل .... لاه عليك ياحاجه ... اجعل يومى قبل يومك .... والله حرام عليك ياحاجه تقولى فى هالكلام بعد هالعشره ..
وهنا نهال شبحت لوسام وقالتله ..
نهال .... مش تعرف بس شوف الحب كيف ... عطاها كلوته ... وانت كان مرضت شن تعطينى ؟
وسام ... قسما بالله مستعد نعطيهملك زوز <3 تى انتى ياشفشه ماتعرفيش الا فى قلبى كيف ..
نهال .... هههههههههههههههههه حاسه روحى انى وياك بنكملو مسيرتنا زى جدى وحناى .. وصغارنا يقعدو يحزو فينا فى الكبر ..
وسام ... ممكن ... واحتمال بعدين انتى الا تجرى وراى بالعصا .. بس انى اكيد رح نتفرج على كافرات <3 <3
نهال ... فى عينك نقتلك قبل ماتديرها هههههههههههههههههههههههههههههههه
يتبع
