منقولة
<3 حوش جدى <3
الحلقه السابعه <3 <3 << الحلقه الاضافيه >>
وهنا نهال قعمزت وفتحت عيونها وكيف كانت بتقوللها جمله بس جتها صدمه وقعدت ساكته شوى وبعدين قالتلها ...
نهال ... ماما انتى فتحتى ضى ؟؟
امها .. اى علاش ؟؟
نهال ... ماما اكيد تبصرى ... الضى مش مفتوح ..
امها ... والله يابنتى الا ضى مفتوح ..
نهال ... هههههههه ماما انى .. انى ... انى مااااااااااااااااااااااااااااااااااااااااااااااااااااااااااااااااااااااااااااما .. ااااااااااااااااااااااااااااااااااااااااااااااااااااااااااااه ... اااااااااااااااااااااااااااااااااااااااااااااااااااااااه
وهنا خش وسام يجرى ولقى ام نهال شاده نهال ونهال تعيط ..
وسام .... عمتى .. خيررررررررها شن ؟؟
نهال .... ااااااااااااانى مانشووووفش فى شى ... انى مانشوووووووفش فى شى ...
وهنا عمى محمد من صدمه طاح على الارض واغمى عليه ... ووسام قعد يبكى ومعاش عرف كيف يتصرف ... وجى يجرى ... ومشى لعمى محمد يجرى ويفيق فيه .. و نهال دفت امها وناضت تتلمس فى المكان وتعيط وتقول ..
نهال ... باااااااااابا .. بابا خيره ؟؟ باااااابا شن صارله .. انت وين بابا . خيره مانسمعش فى صوتك ... اااااه .. بابا <<ا وهنا امها قعدت تبكى وبعدين خدتها من ايدها ورفعتها لعمى محمد الا كان طايح على الارض وبدت تتلمس فى وجهه >>
وسام ... << وسام فى حاله هستريه وبكى >> عمتى تعالى قيمى معاى عمى محمد لسياره وهاتى نهال والحقينى على سياره بسرعه .. عمى محمد باين صارتله كومة سكر قويه ... << وقامه هوا وعمته ورفعوه لسياره ...
حطت وشاح على راس نهال وطلعت وركبو للسياره ومشو للمستشفى ... وهنا خششو عمى محمد لغرفة العنايه .. ونهال حطوها فى غرفه وبدو عليها دكاتر بين تحليلات وكشف وتصوير ... واول ماطلع دكتور من غرفة نهال جى لوسام وقاله ..
دكتور ... انت اكيد عندك علم بحالة زوجتك صح ؟؟
وسام ... سكت شوى وشبح لامها شوى وبعدين قاله ايه ... من مده بسيطه عرفت انا عندها سرطان فى دماغ ..
اام نهال ... << جتها صدمه وحطت ايدها على فمها وبدت تزريك فيه > سرطاااااااااااااااااااااااااااااااااااااااااان .. اااااااااااااااااااااااااااااه .. علاااااااش ماوقولتليييييييش .. علاااااش قاعد ساكت .. تكللللللم .. اااااااااااااااااه يابنتى .. وخشت فى حالة بكاء هستيرى ... وبعد ربع ساعه وهما يحاولو يهدو فيها وضربولها يبرة مهدئ ... باش بدت تهدى وترجعلها رابطة جأشها ...
طلع دكتور من غرفة عمى محمد وقاله وسام ...
وسام ... اه شن دكتور .. شن حال عمى محمد ؟؟؟
دكتور ... عندكم 48 ساعه .. اما بعدها يطلع من مرحلة الخطر ... او تتازم حالته .. وماعليكم الا صبر والانتضار ... ومشى وخلاه ...
ووكيف وسام حط ايديه على راسه وتكى على حيط وقعد يبكى ويبفكر شن بيدير ... فجأه لقى دكتور الا كان عند نهال خاطم فاقاله وسام ..
دكتور ... شن حال نهال توا ؟؟
دكتور ... شن بنقولك .. بنت اعراضها بدت تتطور ومحتاجه عمليه جراحيه فى اسرع وقت ..
وسام ... لو درتها هنا نسبة نجاحها شنى ؟؟
دكتور .... يفضل يكون شاطر ... وهكى يكون فى امل اكتر لانا العمليه دقيقه جدااااا
وسام ... اووك دكتور ...
وخدى تلفونه ومشى بعيد واتصل بى صاحبه رمزى ....
وسام .... اه رمزى وين انت ؟؟
رمزى .... كيف مروح من العياده اليوم عندى هلبه حالات العشيه اى حقا بنقولك.... بصدفه كنت نكلم فى ولد خالتى دكتور فى المانيا على نقال مبكرى وسألته على موضوعك .... وقالى انا عندهم دكتور شاطر جدااااااااا وكل عملياته نجاحه .... ويتبع المريضه وعنايه ممتازه بس الموضوع غالى ويكلفك هلببببببه ...
وسام ..... مش مشكله ... خلاص ابعتلى كل معلومات عليه فى رساله وموقع العياده والمكان بزبط كللللل معلومات ....
رمزى ... تمااااااام ... خمسه دقايق ورساله توصلك
وسام ..... سلام .....
سكر وسام تلفون وقعد شاد راسه ويفكر شن بيدير ويلود فى ممر زى مجنون ... بعدين خدى تلفون وقال واتصل بهانى الا هوا صديقه فى خدمه ومدير العلاقات العامه ...
وسام .... ايوا هانى ... ان شالله غير مش راقد
هانى ... اه وسام شن اخبارك ... لا لا مازالت ساهر ... اى بنقولك بخصوص سكرتيره ..
وقعد ماكملش جملته لين سكته وسام وقاله ...
وسام .... اسمعنى .... انى حاليا نمر بظروف صعبه ونبيك توقف معاى .... اول شى انت مره قتلى لما بوى مرض انك تقدر تدبرلى اسعاف طائر صح ؟؟
هانى .... اى صح بس علاش ...
وسام ... نبيك تحصلى اسعاف طائر ظرووووورى ..
هانى .... اوك بس شن سبب ؟؟
وسام ... زوجتى عندها سرطان وحاليا فى مستشفى والاعراض تتطور وشبع نعمت ومعاش تشبح ... ولدلك ... هانى ارجووووك فى اقرب وقت معاش يتحمل الوضع ...
هانى ... اعطينى الليله وبكرا بعد صلاة مغرب نرد عليك ..
وسام ... هانى .. ابدل جهدك ورحمة وبيك ...
هانى .... بعون الله رح نحصلك .. لو تام موضوع رح نتملك كل شى يعنى تتسقدو طول ..
وسام ... بارك الله فيك ... وقبل ماننسى .. خودلى اجازه لمدة مفتوحه واكتب سبب الا تشوفه مناسب مهم قدملى اجازه اووووك .. خلاص .. توا بنسكر ..
هانى .. تم الكلام خلاص وان شالله ماتشوفو شر ..
قعد وسام يلود فى ممر ويفكر شن بيدير وكيف بيتصرف بعدين اتصل باامه والعيله وقاللهم .. وفى ظرف ساعه كندو مقعمزين فى مستشفى ... وام نهال اول ماشافت امها وام وسام .. انهارت بالبكى ... وبدو يطبتو فى بعضهم ويتباكو .... والحاله كانت فى مستشفى حاله من الحزن والكأبه ومن اسوء الايام الا مر بيها حوش جدى .....
ام نهال .... << مع نوبة بكاء ونحيب >>...ااااااااااااااااا يابنتى ااااااه صغيره على هم اااااااه ..
عمى فرج .... سميره وخيتى بالله ادكرى ربى وبعون الله الا ماتشوفيهم جنبك ... ونهال بضغارها ..
سميره ... اااااااااااااااااااااااااااااه يوخى لالحقت فرحت ولا حتى شافت صغارها .... ولا بوها الا اول ماسمع الخبر طب من طوله ... انى قداش منى ولا منى بس اااااااااااااااااااااااه
قعدت العيله كلها ملتمه مع بعضض ويواس وفى يعض .. ووسام اول ماشاف ممرضه طالعه من غرفة نهال قاللها ..
وسام .. هل نقدر نخش نشوفها ؟؟
ممرضه .. انت زوجها ؟؟
وسام ... اى زوجها
ممرضه .... اوك بس ياريت ماتكترش معاها الحكى .. احنى اعطينها ابرة مسكنه ومنومه ونبوها ترتاح .. وياريت انت بس الاتخش مش الكل ...
وسام ... اوووك ...
خش وسام لدار وطبس عليها وقعد يمسح على شعرها وعيونه فيهم دمعه وبعدين وغمرها وقعد يبكى .. لدقايق .. ولما فاق على روحه .. قعمز على كرسى الا فى جنبها ... وحط ايده فى ايدها ... وقعد يحكيلها فى كل شى صار معاه وعلاش كان متغير وشن سبب .. واول كلمه قالهالها ..
وسام ... << مع بكاء >> نهووولتى .. حبيبتى .. انى والله والله مانقصد نجرحك ... انى كان كل همى انى مانصدمكش ونساعدك ... والله والله عمرى مافكرت نخونك ولا فكرت انى نشوف لوحده غيرك .. معقوله قدرتى تطلعى وتسيبى حوشنا .. حوشنا الا ياما حلمنا بيه ... قدرتى فى لحظه تطلعى وتخلى كل شى وراك .. وتنسى وسام ... وسام الا ياما دلعتيه بااسماء بنات وكان يزمط فيها ويضحك .. وسام الا كنتى تقوليله سومتى وسمسومتى ... << مع رشفة خشم وبكاء مختلط مع دموع > تعرفى انى من داخلى فرحان بيها ... كنت نفرح لما نسمع منك حتى شى عبيط وكان نلقى نحطه فى زرف ونقيمه ... تتفكرى مره اول ماتعرفنا وقبل مانبوحلك بحبى .. مالقيتيش وشاحك الا خليتيه عندنا ... اى انى خدينه وقمته .. وكنت كل يوم نشمه ونرقد وانى حاطه عليا ... نهال نوضى .. انى مش قادر نعيش من غيرك ... انى مانبيهاش لحياه من غيرك .. انى مالحقتش نفرح بيك .. شوفى هزوة قدر ... يوم مافكرت نحب ونوقف ضد القدر باش ناخد حبيبتى ... القدر يحاول توا ياخدها منى ... بس مش رح نستسلم ... وحتى الموت مايقدر ياخدك منى .. مش مره انى وعدتك انا خلى دنيا تضايقك يوم وانى رح تشوفى شن ندير فيها .... جى اليوم الا رح نتبتلك هالشى ... ومش رح نخلى شى يضايقك حتى دنيا ... نهال انتى اول حب فى حياتى ... انتى اول وحده قلبى بيها عرف يضحك ويحب ... ويستاحش ... انتى خليتنى ببساطه نرجع مرهق ... كنت نضحك على تصرفاتى ... نوض فى الليل مستاحشك .. نشوف رساله منك ننقز ونفرح ونطلع نبوس امى من غير سبب .. انتى روحى وعمرى ... ولو خسرتك فاانى مش رح نقعد فى دنيا انتى مش فيها ....
طلع وسام كل الا فى داخله كلللله وحكى الا فى قلبه كله .. وومكن كانت مجرد جمل متقاطعه من شخص كان يعبر على مشاعره بطريقه هستيريه ... واول ماحس انا هيا ماردتش عليه طبس على ايدها وحط راسه عليها وقعد يبكى ... لحد ماحس باايدها فجأه مسكت ايده بقوه وعصرتها .. ونزلت دمعه من عينها ...
وهنا وقف بسرعه وطبس عليها وقعد يبوس على جبهتها ويبكى ويقولها ...
وسام ... حبيبتى انى نحبك ... ونوعدك مش رح نخلى موت ياخدك منى او يضايقك ... رح نحط كل الاعندى فى سبيل انك ترجعيلى مره تانيه ... وعد منى ...
وهنا نهال زاد ضغطت على ايده اكتر بس بدون ماتتكلم ...
طلع فجر والكل مازال يستنى ... ونهال ماسمحوش الا وسام بس يخشلها .... وبعد ماادن فجر طلع وسام من غرفة نهال وقالللهم ..
وسام .. بوى ... وين جدى وحناى ؟؟
بوه .. امجد من بكرى روح بى قصى وجدك وحناك .. تعرفهم مايتحملو ..
وسام .. اوك خود عمتى توا وامى وروح بيهم ولو صار شى نقوللكم ماشى ..
بوه ... اى كيف كنت نقوللهم هكى .. خلاص وانى بعدين توا نبعتلك امجد ..
وسام ... خلاص ياريت تبعتهولى .. نستنى فيه ...
طلع عمى فرج وخدى معاه اخته ومرته وروحو .. ووسام بما انه مابوش يسمحوله يخش لغرفة العنايه .. فا خدى فاخش لغرفة نهال وقعمز جنبها على كرسى ... وقعد حاط ايده فى ايدها ويشبحلها ... ويبكى ...
قعدت وسام يهدرز ويحكى لنهال كل الا يخطر فى باله لحد ساعه 10 وهنا نعسه نوم ورقد على كرسى .. ومافاقش الا على صوت تلفونه يرن..
وسام .. احححححم .. الووووو
هانى .. ايووااا وسام .. حصلتلك طيارة اسعاف .. ووقدرت نطلعلك تصريح وبعون الله ساعه 11 فى الليل يكون ورقة تصريح والاجرأت تامه ...
وسام ... والله لولاك ماكنت عارف شن ندير ياهانى بارك الله فيك ..
هانى .. لا لا ولا يهمك وبعون الله مع ساعه 9 نكون عندك ... وانت فى هالوقت ياريت مدام متعك تكون مجهزها ومكما اورق مستشفى هنا ... ومادبيك كل تحليل وفحوصات ترفعهم معاك .. اى على فكره امس وصلتنى رسالتك الا كاتبلى فيها معلومات ووين بترفعها طياره بس ان شالله دكتور الا حصلتوه فى المانيا يكون تمام ؟؟
وسام .. لا لا بعون الله تمام .. وبارك الله فيك ..
سكر وسام تلفون واتصل برمزى صاحبه ... واخر كلام اتفقو عليه انا ولد خالت رمزى رح يستقبلهم من مطار ويكون مهدلهم كل شى من فندق الا مستشفى ... ونهال فى احتمال انا تانى يوم من وصولهم غادى رح تخش غرفة العمليات طول ...
وسام .. اوك نعبى عليك رمزى .. كلام ولد خالتك توا واكد عليا ... شن قالك ...
رمزى .. تم خلاص هدا زى وخى وبعون الله يوقف معاك وقفت تريس ...
وسام ... اوك رمزى بارك الله فيك .. سلام ..
سكر وسام تلفون ... وقام اتلفون واتصل باامه ... واول ماامه قامت سماعه قاللها ..
وسام ... ياما انى معاش عندى وقت ... عندى ستين حاجه فوق راسى ..
امه .. شن فى عمك صاررررله حااااجه ؟؟ نهال ؟؟ شننننننننى ؟؟
وسام .. اهدى يما والله ماناقصك ... اسمعينى كووويس .. نهال متسق دبيها مع ساعه 9 فى الليل اليوم بالاسعاف طائر لالمانيا ... باش نخششهم لغرفة عمليات على طول .. غادى .. ومعاش عندى وقت لانى مازال بنبع تشوى فاكسات وبنراسل مستشفى وفندق .. وبنكمل الاجرات هنا .. فا .. اول شى ابعتى بوى ظرورى يقعد هنا جنب عمى محمد .... وخشى لدار نهال .. جيبلها اى شى تلقيه مازال مارفعاته وتقدر تلبسه فى شنطه .. وابعتيهولى مع بوى مااااااشى ..
امه .. ماشى ماشى وكانا لقيتها رافعه كل شى .. توا نمشى انى وبوك وامها للحوش نوتولها شنطه ونسقدها مع بوك ..
وسام ... اووووك وتلقى شنطه فيها اوراقى وفلوسى ابعتيهالى .. ووتيلى شنطه فى حوايج ليا .. اكيد تعرفى شن تحطى من غي مانقولك ..
امه ... ماشى ماشى ياولدى ..
وسام ... اوك تمااااام ...
سكر وسام من هنا .... وخش طمن على نهال من هنا الا كانت راقده اول ماشافها .... وطلع بسرعه لاول صالة نت ... وراسل اقرب اوتيل للمستشفى والمستشفى .... وبعدين اتصل برمزى وخدى رقم ولد خالته وكلمه وزادو اتفقو على كل شى من اول ماتوصل الطياره لحد كل شى ....
فاتت ساعه ورا ساعه بسرعه ووسام مش عارف شن يدير ولا عارف فى شن يفرق روحه .... وساعه 8 فى الليل بزبط ... اب وسام وصل ووسام خدى منه شناطى ... وهانى وصل قبل وقته باش يطمنو طياره تتسقد فى وقتها بدون تعطيل وحطو نهال فى الاسعاف وتسقدو بيها
