منقولة
<3 <3 حوش جدى <3 <3
الحلقه الخامسه <3 <3
نزلت نهال لوطه ولقت امجد يستنى فيها فى جنان فاغمزتله وركب ... واول ماخش للحوش وبيتكلم مع اميره ... اميره بدت تكشخ وخشت فى سيناريو بقوه واندفاع ... وهنا على ركبت وسام لشقته ... سمع امجد يقول ..
امجد ... غير نقصى صوتك بالله ماتفضحيش بينا ... نقصى صوتك وانى والله ماخنتك وانتى تعرفى هالشى .. وهنا وسام وقف مصدوم قدام الباب وبعدين حط ايده على الباب وخش ..
وسام .... شن الا صاير هنا ؟؟
امجد ... احم احم بصراحه ولا حاجه حتى انى زيك مصدوم ماعرفتش شن صاير هنا ..
وسام ... امممممممممممجد ... .. نهااااااااااااااااااااال ..
امجد ... احم احم ... نهال لوطه ... شن رايك تنادى عليها من دروج ...
وسام ..... انت شن تدير هنا اصلا ... اميره شن قصته هدا ؟؟
اميره .... اه بصراحه مانندريش ... ومن بكرى وانى نقوله انزل بس هوا مايبيش ...
امجد .... بعتينى عند اول مركب ... باهى الا جاتك فى فارس ظلام ماجتك شفى عصابه مسلحه ...راك حطيتى عليا سعر ..
وفجأه خشت نهال .... قالت ...
نهال .... امجد شن تدير انت هنا << وغمزتله >> اطلع اطلع ... خالتى تضبح عليك لوطه ... وسام تعالى نبيك شوى ..
امجد .... بصراحه لاتغمزيلى ولاهو يعض شاربه ... نت الاخير انى بنت نبيها وتبينى ونبى نخطبها ونبى نتكلم انى وياها كلمتين فى حوشك ... نكلمها هنا ولاناخدها ونقعمز بيها فم الحوش ونديرلكم العار ...
اميره ... اااااااااااامجد ؟؟
امجد .... هنى روحك واسكتى انتى ... حسابك بعدين ...
وفجأه وسام قرب منه ونتش شاربع وهبد عيونه وقاله ...
وسام .... شن تورى فى فلاحتك قدام بنت ... شن تبينى بزبط نطلعك قدامها ..
امجد .... استر غليا يستر على ولاياك ... وغدوا مستعد نسيقلكم دروج الحوش كله هههههههههه <3
وسام ....المره هادى ... عندك 10 دقايق وتنزل ...
وسام .... 10 دقايق الاوله يادوبك نظرات ... تعرف انت سياره ظرورى ماتسخن اول ماتولع ... ولاتبنى نطلع بيها طول هههههههههههههه
وسام .... امججججججججد ... ماتستفزش اعصابى 10 دقايق بس والا تشوف منى وجه تانى ...شن بتنطقلها دره ؟؟
امجد .... شن فهمك انت فى جو فايح ... كانك تفهم خديت نهال ...
وسام ..... خيرها نهال ؟؟
نهال .... خيرنى انى << وقعدت تشبحلهم >>
امجد .... ابن الحلال عن دكره بى يبان ... كيف كنت نقوله انت حظك من سمى الا طحت فى نهال الا تتكل بالعسل وتنحط فوق زبده ههههههههههه << صالصه يعنى >> ... وبصراحه امك بتحبك هههههههههههه <3 يالله طيرى انتى وياه ... خلونى نتفاهم مع البنت ..
وسام ... عشره دقايق بس ...
خشت نهال لدار وقعمزت على كرسى شكماجتها بينما قعمز وسام على سريروقاللها ...
وسام ... اه شنى حاسه روحك اليوم ...
نهال .... حاسه بدوخه بسيطه بس ...ومش عارفه امس واليوم مره مره تجى زى ضبابه على عينى وتختفى ..
وهنا وقف وحط راسها على كتفه وقاللها ..
وسام..... اكيد بسبب فقر دم بس قالى دكتور ... اهم شى ريحى روحك ...
نهال .... وسام خيرك تتكلم هكى ... ماتبالغش ... يعنى معقوله على فقر دم بنريح روحى <3 ... مهم قولى شن اخبار الخدمه معاك ؟؟
وسام ... اى حقا بنقولك شى ... تتفكرى بنت لقيتها فى كورس ؟؟ مهم لما كنا فى شهر العسل دارولها مقابله نيابة عنى وامس بس استلمت مكتبها معاى وانى لما شفتها نصدمت ... وحبيت نقولك ..
نهال .... يعنى شنى انتى وياها فى نفس المكتب ؟؟
وسام .... ايه ... بس والله مارح كون فى بينا شى ..
نهال ..... وسام انى بنخدم بدلها مش قبل كنت تبينى .. خلاص طلعها ..
وسام .... ماينفعش نهال ...
نهال .... علااااااش ماينفعش ؟؟
وسام .... ماينفعش وخلاص ....
نهال ..... اوك .. ماينفعش خود راحتك ... وخليها معاك حتى فى حوش ... وطلعت من دار .. واول ماطلعت لقت امجد ماهناش .. وهنا نهال قالتلها ..
نهال ... وين امجد ؟؟
اميره ... تعلفق منى ونزل ...
نهال .. ونبى فكينى والله يحرقو دم ..
اميره .. خيرك انتى ؟
نهال ... غير يطلع ونحكيلك ...
طلع وسام ونزل لوطى ... ونهال خشت تسخن فى عشى وتحكيلها .. واول ماسمعت بالموضوع كله اميره قالتلها ..
اميره ... اسمعى انتى طنشى عليه ... باش مادبيك ينطرها ... بس كانا مانطرهاش ارضى بالامر الواقع وخلاص وننصحك نصيحه لو ماجاش ببتطنيش معناها ارخى وخليها مسأله تقه ... بس هيا باين انها تشم فى ريحته وين .. مرض
نهال ... وانى هدا الا حارقنى .. توا معقوله .. تلحقنى فى كورس ... والله تضايقت ... ونحس فى حاجه مقعمزه على قلبك تقول قنبله .. استغفر الله ياربى وخلاص ..
اميره ... وووووووه خيرك اللطف .. خلاش استعودى من شيطان ... وطالما راجلك واتقه فيه فوتيها .. والله ماتقدر تدير شى ..
نهال .... بس هيا رح تكون معاه 24 على 24 وانى مش ضامنه حتى كيف تتصرف معاه لانا شكلات هيا خبره ...
اميره ... زى ماقتلك ... طنشى عليه وكانا مانحهاش بتتطنيش ارخى روحك وخلاص .. بس عندى فكره .. علاش ماتقوليلاش انى نبى نخدم بدلها ؟؟ وحتى تكونى حتبه اقرب وقت ممكن ..
نهال ... وانى هدا الا مخوفنى يا اميره .. قوتله ورفض قالى لا ... قصدى علاش لا .. هكى مافيش سبب مقنع ... وكارته ليه يومين متغير عليا .. وكل مانخش نلاقاه شاد تلفون ويتلكم ونقوله منى ؟؟ يتسبل ويسكر .... وكدلك دورا دورا نشبح نقال فى ايده ... ويقلب فيه ... وهداكا اليوم جيت بنفتح على اخر شى كان فاتحه على قوقل خدى منى نقال .. قصدى معاش فهمت .. اااااااااااااااه ياربى ...
اميره ... نهااااال ؟؟ خيرك يابنتى لطف ؟؟ قصدى انتى كيف خشيتى فى الاسبوع رابع من زواجكم ... مسرع بدى شك عندك ..
نهال ... انى نبالغ صح ... مرات نحس روحى هكى .. بس والله مانتخايل روحى من غيره .. نموت ولا انى نشوفه مع غيرى .. اميره انى لما يمشى للخدمه نقعد نشم فى حوايجه باش ندكره ...
اميره ... نهال .. استهدى بالله وماتضايقيش روحك ..
نهال ... لو كان الموقف هدا بس ممكن كنت نبالغ .. بس كلامه توا اكدلى انا فى شى مش طبيعى ...
اميره ... والله مانى عارفه بس ماتضلميشى وزيدى تاكدى .. وقيمى خشمك اليوم وبكرا بالك هالحل يجيب نتيجه ..
نهال ... هدا الا بيصير ... يالله يالله حطى معاى العشاء دورا بوك يتصل ...
اميره ... اااااااااااااه حظى وحظك اعتر .. حتى انى توا نصبته معها .. وفى الاخير طلع وسيبنى ..
نهال .... شن فى
اميره ... خلى نكملو تسخين العشى ونحكيلك ..
كملو تسخين العشى ... وحطت نهال العشى على طاولة وبدو كلمه هنا وفم هنا ومواضيع نفتحت ومواضيغ تسكرت ... وبعد ماكملو العشى وغسلو معاين ومع ساعه 10 فى الليل تحديدا ... رن تلفون اميره ..
اميره .... اه بابا .. فم الباب .. اوك اهو نازله ..
نهال .. بتروحى ؟؟
اميره ... هههههه لا لا بنبات كانا شدونى هههههه مهم زى ماقتلك ... اليوم قيمى خشمك .. بالك غدوا يلصقهالها الاستقاله فم الباب ..
نهال ... اى اى ولا يهمك ... يالله كرريها مره جايه بالله و<3
اميره .. ان شالله .. هيا تصبحى على خير
نهال ... وانتى من اهل الخير ..
نزلت اميره وسقدتها نهال ... وبعدها ركبت .. بدلت حوايجها ولبست بيجامه محترمه وحطت وشام ونزلت لحوش جدها ... واول مانزلت لقات خالتها فى مطبخ فاخشتلها وقالتلها ...
خالتها .. شنلا روحت صاحبتك ؟؟
نهال ... اى بوها كيف جاها ..
خالتها ... ان شالله غيرتى جوك <3
نهال ... يعنى ياخالتى ... خالتى ...
خالتها ... نعم ؟؟
نهال ... اليوم نبى نبات عندك ..
خالتها ... ان شالله خير ؟؟ شن فى ؟؟ وكيف بتباتى عندى ؟؟ وعلاش ؟
نهال .... متعاركه انى ووسام ... نبى نبات فى داره اليوم ونبيك فى موضوع ...
خالتها ... بس يابنتى ...
نهال ... خالتى نبات عندك ولا ننزل حوش جدى ؟؟
خالتها .... بنتى حوش حوشك .. بس نصيحتى ليك ماتديريش فجوه بينك وبين راجل .. وعمرك ماتخليه يبات بروحه لانا لما راجل ياخده على قلتها يتعود ... ولو كل مره زعلتى بتى برا مخدتك .. صدقينى تحرقه مره واتنين وبعدين خلاص ...
نهال ... << وهنا نهال غمرتها بكيه بعبرتها وقالتلها >> خالتى انتى مش عارفه شن صاير ... حاسه انا وسام يدير فى شى من وراى اوفى شى انى مانعرفاش وداسه عليا وليا يومين وشك راكبنى واليوم بس تأكدت ..
خالتها .... اوك احنا تعالى باتى ليله عندى واحكيلى ....
نهال ... كملت سهريه لوطه فى حوش العيله .... واول ناض وقاللهم ..
وسام .. هيا نستأدنكم توا بكرا عندى عمل .. هل نهال شنى بتركبى معاى ؟؟
نهال .... لا لا انى بايته اليوم عند خالتى ...
وسام ... شنننننننننننننننننننننننننى ؟؟ شن مناسبه ..
نهال ... << طلعت من دار وسيباته وخشت للمطبخ >>
امجد .... ولعت ياحى عليها ولعت وايش يطفيها >>
وسام ... امجد ضم فمك خيرلك مااااااااااااااااااااشى << وطلع ومشالها للمطبخ >
وسام ... راضيه على موقف سخيف الا حطيتنى فيه قدامهم ...
نهال .... اى موقف .. انى بنبات مع امك الليله ؟؟ اها وانت خيرك ماحسيتش بموقفى ومشاعرى لما حبيبتك الاوله خليتها تخدم معاك .... لا ومتشبت فيها لابعد الحدود .... شنى زهت فى عينك توا ... ؟؟ ولاحنيت للحب الاول ...
وهنا وسام بدون مايحس قدام ايده وكانت على وشك تاخد منه كف يطيرلها وجهها بس تراجع وضربها على دولاب وطلع ... ووهوا كيف طالع .... طلعت تجرى بسرعه ومشت للحمام تجرى وفجأه وفى نص طريق بدت ترجع ... وتعيط من الم ترجيع ... وبعدها صاخت ...
واول ماشافها طاحت جاها يجرى .. وشدها وقعد يبكى ... ويضرب فيها على خدودها ويفيق فيها
وسام .... نهال ... نهاااااااااااااال ... جت العيله كلها وتلقطت عندها .... وبدى الا يبخ فى كولونيا والا يشرب فيها مية
زهر ... وامجد يمسح فى ترجيع ومن كترة مادرهت كبده لين رجع حتى هوا .... قعدت العيله كله ملومه على نهال ومش عارفين سر هالاعراض مفاجأ هالا وسام الا قعد يبكى ويتألم فى صمت ومش قادر يقول لحد ويرتاح ...
خدت خالتى سميحه نهال ورفعتها لدار وسام وقعدت راقده جنبها طول الليل ... ونهال تبكى فى حضنها بس ... اما وسام فكان طول الليل يتقلب ويتقلب .... وتقريبا فى هدكا اليوم كمل باكو دخان كامل بعد ماكان واعد نفسه يسيبه ...
ناض صبح وسام ... لبس حوايجه وطلع ... واول ماوصل للمكتب قال لسكرتيره والا هيا سبب مشكلته جديده مع نهال ....
وسام .... جيبلى كل فكسات ورسائل الا وصلونى ....
السكرتيره .... صباح الورد ... اوك ..
خشت وجابت معاها كل موعيد .. والفاكسات .... واول ماخشت قاللها ..
وسام ..... منى الا كلمنى اليوم ؟؟
السكرتيره .... فى دكتور امس كلمك وانت طلبت انى نلغى جميع مكالمات المتحوله ليك ..
وسام .... اتصليلى بيه بسرعه ..
السكرتيره .... هوا بلغنى انه مسافر وخلالى معاك رساله بحكم انى سكرتيرتك الخاصه وقالى انا حصلك موعد بعد شهر عند دكتور الاورام لزوجتك ... واعطاك اسم دكتور بزبط وموعد ... بس حابه نسالك هيا زوجتك مريضه ؟؟ عنها سرطان ؟؟
وسام .... مااضنيش هدا يخصك صح ... على مكتبك لو سمحتى ...
السكرتيره ... على عموم انى حبيت نطمن عليك بس ودكتور الاورام يكون خالى لى تبى اى شى تفضل ..
وسام .... مانبى شى وشكرا ... اى سكرى مكتب وراك وانتى طالعه
طلعت سكرتيره من مكتب ووسام حط راسه على مكتب وقعد يفكر ويضرب فى راسه على مكتب ... وبعدين خدى طبله ضربها على طول ايده ... وهنا خشت السكرتيره وقالتله ..
السكرتيره ..... باش مهند شفى شى ؟؟
وسام .... << شبحلها وعيونه يقدحو نار وبدى يعيط زى مجنون >> قووووووووووووووووووتلك ماااااااااااااااااااااافى شىىىىىىىىىى اطلععععععععععععععى براااااااااااااااااااااااااااا .....
طلعت سكرتيره لمكتبها تجرى وتبكى .... وقعمزت عليها .... ووسام حط راسه على مكتب وقعد يبكى .... ومافاتتش وقبل نهاية دون كلمها وقاللها ...
وسام ... تعالى للمكتب .
خشت سكرتيره للمكتب وقعمزت على كرسى ونزلت راسها لوطه ..... وهنا وسام قاللها ...
وسام .... انى متأسف جدااا تعصبت عليك .. بس حاليا نمر بضروف صعبه شوى ..
السكرتيره .... انى حاسه بيك ومقدره ضروفك ... وتقدر تعاملنى زى صديقتك وتفتحلى قلبك ...
زهنا وسا لااارديا نهار بالبكى وقاللها ...
وسام .... لا لا مافى شى خلاص ...
السكرتيره .... شوفا حنا كنا اصدقاء .... وانى لازلت نعتبر فيك صديقى قبل كل شى وحتى لو الحب بينا انتهى فانقدر نوقف معا ك فى ازمتك .... خلينا نطلعو ونمشو لااى كافى شوب وتحكيلى انى متأكده انى نقدر نساعدك .. وانت رح ترتاح وتطلع الا في قلبك .
وسام ....
يتبع
