منقولة
<3 حوش جدى 3 <3
الحلقه التاسعه وماقبل الاخيره <3 <3
.... واول ماوصل للمستشفى تلاقى مع ممرضه االمساعده لدكتور مسؤال على حالة نهال وخبرته انا نهال فايقه وتستنى فيه ..... واول ماوصل لى باب الغرفه متعتها وفى ايده بوكى الورد ... قعد واقف شوى بعدين ابتسم وفتح الباب وخش للغرفه وقرب من سرير وحط بوكى الورد جنبها وقاللها وشد ايدها وقاللها ....
وسام .... حبيبتى شنى حالك اليوم ؟؟ استاحشتك هلببببه ومش طايق نرجع بروحى ونرقد فى الليل من غير نشافك ..
نهال ... << قعدت تبكى وقالتله >> ... انتى قاعد تحبنى ؟؟
وسام .... نهاااااال هدا سؤال تسأليه ؟؟
نهال ... جاوبنى وسام ؟؟
وسام ..... ههههههه نجاوبك انتى الا طلبتى ها وبعدين تلمى علينا ناس وتقولى صداع نهارك اسود ...
نهال .... اى خلاص بس قولى .. استنى جاوبنى بأغنيه زى ماكنت تدير قبل ..
وسام ... ههههههههه جايتنى فى مستشفى وتبنى نغنى .. خيرك يافرخه ... تى والله الا مايرفع قضيه عليا الا نغنيله
نهال ... هههههههه <3
وسام .... على خاطر الضحكه هيا مش نغنيلك انى .. تى نقلبها سرك هنا ... ههههه فى اغنيه كلما نسمعها نتدكرك بيها وديما نحس انا انى الا غنيتهالك غير كاظم خنبها منى ..
نهال ... ههههه شن هيا ؟؟
وسام ..... احم احم .... هل عندك شك أنك أحلى وأغلى امرأة في الدنيا
وأهم إمرأة في الدنيا هل عندك شك
هل عندك شك أن دخولك في قلبى
هو أعظم يوم فى التاريخ وأجمل خبر في الدنيا
هل عندك شك أنك عمري وحياتي
وبأني من عينيك سرقت النار وقمت بأخطر ثوراتي
أيتها الوردة والريحانة والياقوتة والسلطانة والشعبية والشرعية بين جميع الملكات تررررررررررر
نهال .... ههههههههه اخر مقطع عاوده ونبى وسام ههههههههه
وسام .... تضحكى ههههههه .. نعاوده وخيرا مانعاوداش .... أيتها الوردة والريحانة والياقوتة والسلطانة والشعبية والشرعية بين جميع الملكات تررررررررررر
نهال .... هههههههههه فضيع لحن الا تلحن فيه .. للحظه حسيتك كاظم ساهر بجد هههههههه
وسام .... << طبس فى ودنها وهمسلها >> قاتلتي ترقص حافية القدمين بمدخل شرياني <3 <3 <3
نهال .... ياصايع هههههههه
وسام .... هههههه انتى شفتى حاجه غير نوضى بس <3
نهال ..... وسام قرب منى ..
وسام .. انى بديت نخاف ههههه علاش ؟؟ نعرف سبب قبل
نهال .... هههههههه نبى نمس وجهك ... نبى نتدكر ملامحك ... مانبيش ننساها لو قعدة عميه ...
وسام .... دكتور قال رح ترجعى تشبحى حبيبتى .. وبعون الله رح ترجعى تشبحى .. بس هدا مايمنعش انك حاليا تحطى ايديك الحلوات على وجهى ... على فكره امس نبت خشم تانى بصدفه جنب خشمى ... فاعديهم قبل ماينبت خشم تالت ..
نهال .... هههههههه مبردك .... وسام ... خدك مبلول .. علاش تبكى ...
وسام ... لا لا مانبكيش حبيبتى بس دنيا تمطر <3 ماتخافيش حاط فوقك سحابه <3
نهال ... هههههههه وسام بطل براده ...
وسام .. نبيك ديما تضحكى ومانبيش الابتسامه تفارق وجهك بكل ...
نهال ... ان شالله حبيبى ... بس امتى بنبدا فى علاج الكيماوى ..
وسام .. شن عرفك انتى حبيبتى ؟؟
نهال .... سمعت ممرضات يتكلمو مع بعضهم امس ويحسابونى راقده ومانفهمش فيهم ...
وسام .... تكلمت مع دكتور حبيبتى وقالى علاج خفيف بعون الله ... وهما 3 شهور وبعدها تشفى نهائى <3 ونديرو شهر العسل هنا .. ورح نرفعك لاحلى مناطق ونلف بيك فى كل مكان <3
نهال ... ان شالله حبيبى <3 بس امتى بنحولى الحاجات البيضه الا على عيونى ... مضايقنى ..
وسام ... خلاص حبيبتى ..... مش عارف حبيبتى .. بس اكيد دكتور فى اقرب وقت رح ينحيهم ....
وهنا خشت السستر وطلبت منه انه يجى لانا دكتور يبيه .... فاطمن نهال وطلع .... واول ماخاش لدكتور وتكلم معاه ... تناقش معاه ... واعطاه اول موعد لجلسات الكيماوى ... وبعدها ساأله على موضوع امتى نهال تقدر ترجع تشوف ... وقاله .. ان هالضمادت بيقعدو عليها شهر كامل وبعد ها ينحيهم دكتور ويابيها رجعت تشوف او لا ... اما الجلسات فارح يبدو بعد شهر من العمليه ....
فات شهر على وسام ونهال قضاته كله فى مستشفى ... وكان وسام يمشى عليها ويجى ... وفات شهر هوا ونهال بدت نفسيتها تتحسن هلببببببه .... وشبه استعدت للعلاج ونفسيتها قدر وسام يغيرهالها للاقضل بنسبة 90 % ... ووصلو فى اليوم الاخير الا نهال مفروض تنحى فيه ظمادات راسها وعيونها .... وهدا اليوم تحديدا وسام ماجاشى نوم طول الليل ... واول مازرقت شمس لبس حوايجه وطلع طول .... واول ماوصل لغرفتها ... خش ولقاها مقعمزه فى سرير وتستنى فيه ...
وسام .. صباح الخير حبيبتى <3
نهال .... صباح الورد حبيبى ... خيرك نوضت بكرى ..
وسام ... استاحشتك ومش عارف نرقد بروحى <3 واليوم الاميره بتروح وبترقد جنبى <3
نهال .... حتى انى استاحشتك هلبه واستاحشت نشوفك ... وخايفه الامل الا عندى اليوم رح بضيع اول ماينحى دكتور ضمادات
وسام .... حبيبتى ... رح تشوفى بعون الله <3 ولو ماشافتيش نحى عيونى ونعطيهملك .. لا نعميهم ونقعدو حنا زوز نتلمسو ..
نهال .... هههههههههه امتى بتبطل صايعه
وسام ... ههههههههه انتى دماغك يمشى لبعيد ديما هههههههه <3
نهال ... فطرت ؟؟
وسام ... ماخاطريش ... الاكل من غيرك ماليشى اى طعم ..
نهال ... برا افطر حبيبى .. هكى تزعلنى منك ..
وسام .... خلاص بعدين نفطر ... توا خلى يجى دكتور قبل ..
نهال ... سمعت ممرضات قالو مش رح يجى اليوم قبل ساعه 12 ... لدلك برا افطر ... ماتقعدش على خاطرى بدون فطور حبيبى <3
وسام ... اوك ننزل نجيب فطورى ونفطر جنبك .. مانتأخرش عليك <3 شووى بس ونكون جنبك يااميرتى الحلوه <3 على فكره محلوه هلببببه انتى وانى مش قد الحلاوه دى ...
نهال .... ههههههههه مالا مش شعرى المخبل اكيد هههههه ... نستنى امتى ينحولى الشاش هوا باش نمشطه شوى ...
وهنا وسام شبح لراسه الا مافيشى اساس شعر وكل الا عليه شاش يغلف جرح وخلاص ... ونزلت من عينه دمعه حاول يكبتها فى داخله ومايطلعهاش وبعدين قاللها ... اى حقا قتلك عندى ليك مفاجاه .. هههههه
نهال ... شن هيا ؟؟؟
وسام .... << قرب منهونحى طاقيته وحط ايدها على راسه >>..
نهال .. << بدت تتلمس >> .... شن هدا وسام ؟؟
وسام ... ههههههههه هدا راسى <3
نهال .. شعرك وين ؟؟؟ نهااااااااااااااارك شن درت ؟؟
وسام .... ههههههه لقيتها موضه حلقت شعرى صفر ههههههه <3 ...... نجيب فطورى ونجى استنى
<< ومشى واول ماوصل للباب وحط ايده على مانيلة باب قالتله >>
نهال ..... وسام ... انى شعرى طاح صح ؟؟
وسام .... دمعه نزلت من عينه وسكت ...
نهال .... رد عليا ؟؟؟ شعرى طاح صح .... وانت درت هكى لانى وليت صلعه صح ...
وسام ... انتى احلى مرأه فى دنيا ... ومش محتاجه شعر باش تولى حلوه فى عينى ....
نهال .... << ولاكلمه وتسمعله بس >> وبعدين قعدة تبكى ....
وسام ..شدها وحضنها فى غمره وقعد يبكى ....وقاللها ... خلاااااااص حبيبتى خلااااص ... والله انى نحبك ... والله انى نحبككككك وانتى روحى مهما صااااار ... معاش تبكى ... خلااااااااص ...
نهال ..... انى شينه صح .... منظرى يخوف ؟؟
وسام ..... بالعكس .... والله ياعمرى تهبلى زى قبل .... وانى حبيت نهال ماحبتش شعر نهال .... وكانا على شعر حتى انى مانبيشى .... ومش نخليه يرجع يطول الا ما تتعالجى ويرجع يطول عندك <3
نهال ... << وقفت بكى وقالتله >> اوك انزل افطر وسام محتاجه نقعد بروحى شوى
وسام ..... مانبيش نفطر خلاص .... خلينى معاك ...
نهال ..... وسام حابه نقعد بروحى شوى قبل مايجى دكتور ...
طلع وسام من الغرفه .... ونزل لوطه لجردينه .... وقعمز فى الجردينه واحترم رغبة نهال فى انها حابه تقعد بروحها .... وبعدين حط ايديه على وجه ومسح على وجهه بالقوه وناض ومشى لاول مكان وشرى منه دخان وولعه وقهوه ورجع ... وولع دخانه وبدى يولى فى سبسى ورا سبسى ويفكر ويمسح فى وجهه بعصبيه .. وبعدين قعد قعد يشبح شوى ودموع بدو ينزلو لاارديا ... وحس انه تعب .... كان خايف يقول الكلمه هيا بينه وبين نفسه ... لانه رح يحس نفسه جبان .. واول مانحط فى موقف صعب وخر ... حتى لو كان هالموقف بينه وبين نفسه ... واول ماطلعت هالمشاعر الا كان كاتمها فى داخله .... قعدو دموع ينزلو لاارديا وبرغم انا حاول يكتمها الا انها غلباته وطلعت ...
كمل وسام قهوته ... وطفى اخر سيجاره ليه ولوحهم فى زباله وركب ..... واول ماركب لقى دكتور كيف ينحى لنهال فى ضمادات راسها ... وجرح طاب وبحاله ممتازه جدااااا .... ... ونهال اول ماشمت ريحة وسام قالت ...
نهال ... وسام .... انت جيت ؟؟؟
وسام ... اى حبيبتى ...
دكتور .... الجراح بحاله ممتازه جدااااااا وحمد لله على سلمتها .... بس شنى نهال هل مستعده نحولو ضمادت من على عيونك توا ؟؟
نهال .... اى دكتور .. بس لحظه ... وسام تعالى جنبى ...
وسام ... اوك حبيبتى <3 <3 ....
وبدى دكتور ينحى فى ضمادات من على عيونها ونهال تعصر على ايد وسام من الخوف ... ووسام قلبه من الخوف قريب يوقف ....
نحى دكتور ضمادات ... وقاللها ...
دكتور .... نهال . توا ماتفتحيش عيونك .... ولما انى نقولك افتحى .. افتحى بشووى ماشى ؟؟
نهال .... ماشى دكتور ....
دكتور .... افتحى عيونك بشوووى توا ... اها ..... اها .... شن تشوفى توا ؟؟ تشوفى فى ايدى ؟؟
نهال .. سكتت شوى .... وبعدين قعدت تبكى وقالتله .... اى دكتور نشوف فيها ...
دكتور .... الحمد لله < 3 .. باهى زيدى افتحى شوى تانى ... قداش تشوفى فى صبع ..
نهال .... تلاته ....
دكتور ... توا افتحيهم كاملات وشن تشوفى ...
نهال .... اووووك .... ضى قوى شوى ... وسام ... انى نشبح ... وسااااام وتلفتتتله << وقعدة تبكى >>
وهنا وسام حضنها وقعد يبكى ودكتور طلع وسيبهم ....
فاتت اكتر من ساعتين ونهال ووسام فى غرفه .... وكانت نهال فى اللحظه هديكا كان اول مره تشوف وسام بعد سنين ... ومتكيه عليه وتشوفله بينما وسا م متكى جنبها فى سرير ويحكيلها وينكتلها ويحاول ينسيها فى اى لحظه مرة بيها من اول مامرضت لحد اللحظه الا عرفت فيها انا شعرها معاش بتشوفها لحد ما ينتهى العلاج ....
وسام ..... اليوم بنطلعو ... وموتيلك مفاجاه حلوه هلبه يانهولتى .... وشريتلك شال وطاقيه لانا الجو صقع فاحطيهم على راسك ورقبتك ..
نهال ... قصدك نقد نطلع عادى زى ناس ؟؟
وسام ... اكييييييد حبيبتى ومش رح نروحو من هنا لحد ماترجعى زى قبل واحسن <3
نهال ... ربى يخليك ليا حبيبى <3 بس اكيد كلفك موضوع هلبه ... وانت كيف طالع من ازمة بنى وعرس وشهر عسل ...
وسام .... ولايهمك بيبتى <3 انتى لو تطلبى عيونى مش خساره فيك ...
نهال .... تسلم حبيبى <3 اه وسام تلفونك يشرين ....
وسام ... دقيقه بس .... طلع وسام من الغرفه .... وخشت سستر ... نحتلها ابرة تغديه .... وساعدتها فى لبس حوايجها ... بينما وسام تلفون الا جاه كان من ....
هانى .... الووو
وسام .... هانى شن اخبارك ... اااه شن صار فيك ياراجل حصلتلى بيعه لسيارات زوز ؟؟
هانى ... ايه حصلتلك بيعتهم بس نبى نقولك جابولك 70 الف بس زوز مع بعضهم ...
وسام ... مش مهم .. تم فى بيعتهم بسرعه وصبهم على حسابى لانى محتاجه .. مادبيك فى اليومين هما نلاقهم فى حسابى ..
هانى .. وسام ماشى بس والله حرام ينباعو برخص هكى .. يعنى لو عطيتنى اسبوعين تانيات ممكن يجيبولك سعر افضل ...
وسام ... هانى افهمنى .... مانقدرش ... معاش عندى والا حطيتهم فى عمليه والمستشفى ... ومازال سكن والعلاج الكيماوى ... مش مشكله .. غير نطلع من الازمه هيا وبعون الله يتعوض كل شى ..
هانى ... على عموم انى قتلهم فى خدمه على وضعك .... وقدمتلك اجازه ورئيس الادراه وافق انا ينزلك معاشك كل شهر زى ماهو لحد ماتتم مرتك علاجها ... وترجع لخدمتك ...
وسام ... هانى بجد بارك الله فيك ... والله مهما نكافيك مش رح نقدر نعطيك حقك ... ولا رح نقدر ننسى وقفتك معاى ...
هانى ... شن تقول ياوسا م انت .. تى انتى صحيبى ووخى الا امى ماجابتاش ... وشنى نسيت انت قداش مره نلقى فيك ... يالله مهم مانعطلش عليك توا وبعون الله فى خلال يومين او تلاته اقصى شى فلوس يكونو فى حسابك ...
وسام ... بارك الله فيك .... اوك خلاص ... فى امان الله ..
هانى .. فى امان الله ...
سكر وسام تلفون .. وخش للغرفه ولقى نهال لابسه حوايجها ووشنطتة ملابسها جنبها ومقعمزه على سرير ومبتسمه ... وهنا خدى شنطة ملابسها فى ايده وخدها من ايدها وطلعو من الغرفه ... ونزلو ... ونزل لى ريسبشن ووقع على اخر الاوراق وخدى ورقة الخروج وطلعو ... واول ماطلعو نهال قالتله ...
نهال .... وسام ... ااااااااااااااااااااااااااه حاسه روحى ماشميتش هواء نظيف وشفت سمى من سنين ...
وسام ... هههههههه حتى انى <3
نهال ... مبردك ..ههههههه
وسام ... توا بنمشو للاوتيل ... ديرى دوش وبدلى حوايجك وعندى ليك احلى مشوار ...
نهال .... وسام نبى نطلب منك طلب ...
وسام .. عيونى ليك ؟؟
نهال .... نلى ناخد طاوقى حوش .... وباروكه بسيطه ...
وسام ... علاش ؟؟ انى قتلك مش رح نروح بيك لى لبييا ويشوفك حد لحد ماتكملى علاجك ويرجع شعرك ... معنها رح تقعدى قدامى بس ..... وكانا غير قدامى متحشمه فا على قولت امك لا تعيرنى ولاعيرك ده الهم طايلنى وطيلك ..
نهال ... ههههههههههههه صار طيلنى وطيلك ههههههه ماشى ماشى .. بس انى مانبيش نقعد قدامك هكى ...
وسام .... ماشى حاضر ... ياسيدى ناخدلك وحده وتجكترى بيها عليا ...
نهال ... ههههههههه يااصلع ...
وسام ... ههههههههه نحبك ياشفشه <3 <3
نهال .... هههههههه حتى انى <3
وصلو للوتيل وخشت نهال دوشت ولبست وبدلت حوايجها ولقت وسام يستنى فيها ... واول ماوتت روحها قاللها ....
وسام ....
يتبع
