منقولة
<3 حوش جدى 2 <3
الحلقه الخامسه <3
ملاحظه << بصراحه ابهرتنى تنبأتكم للاحدات ... وقدرت نكتشف كم كبير من المبدعات الا قدرو يكتبو مواقف انى ضحكتنى وكـأنى مش صاحبة القصه <3 وبصراحه برافو عليكم قدرتكم تقربو من افكارى هلببببببببه <3 بس تبو تعرفو بزبط شن صار <3 يالله تعالو مع بعضنا نقروا الحلقه الخامسه من حوش جدى 2 <3
<< ومانبيش حد يقولى قصيره لانى نكتب فيها من امس ونزلتها قبل وقتها بساعتين ههههه <3
Kinda
ركبت نهال تجرى فوق وخشت لدار خالتها وخدت تلفون وبعدين خشت لداره ... قعدت تشبح شوى لدار وعيونها دمعو وتفكرت كل موقف الحلوه الا جمعتهم مع بعض من اول موقف صار بينهم .. متع يوم صحابتها والكيكه ..
طلعت من دار تجرى .. وخشت للمطبخ ودارتله رنه من تلفون امه باش يعاود .. وحطت القهوه على نار وقلبها يدق
ومافاتتش 5 دقايق لين عاود الاتصال .. واول مافتحت الخط لقاته يضحك وباين انه مع صحابه وقال ..
وسام ... امى مستاحشك مووووووووت
نهال .... وسام انى نهال ...
وسام .... ماقالش ولا كلمه .... << مع صوت دوشه جنبه وضحك وبصاره >>
نهال .... رد قول اى شى خيرك ساكت ... علاش نقطعت عليا فجأه .. وسام خيرك ؟؟ فى حد جديد فى حياتك ؟؟
وسام ... انى مشغول توا .... سلام ..
نهال ... استنى .. نبى نتكلم معاك وسام ... من حقى نعرف شن يصير ..
وسام ..... اوك لما نفضى رح نكلمك ... سلام ..
وسكر تلفون .... ونهال قعدة تبكى ... وحست انا كرامتها مجروحه جداااااا .... وحست انا مش هدا وسام الا تعرفه ... بس كمدت الدموع الا فى عيونها ... ومسحتهم من على خدها ... وحطت تلفون ... ونزلت صفره .... ونزلت .... خشت بصفره وحطتها جنب امها واول ماشافتها امها قالتلها ...
امها .... زى عوايدك .... خيرك موتى غادى ..
نهال ... حسيت بدوخه بس تكيت شوى على سرير لين تنحت منى ...
امها ... مش منك من امس واليوم لاماكله ولاشراب .... برى لدولاب تلقى شوية كسبر مطحون سفيه .. وخودى طويسة عطر نووووووضى يامنجوهه .. حتى من وجهك رايح اسود
نهال .. اوك ... انتى مازال معطله ماما
خالتها ... اللطف امتى جيتو انتم يانهال ... اهدى واستهدى ..
نهال ... حاسه روحى تعبانه بس ياخالتى ...
حناها .... اتكى هنى يابنيتى عليا تعال .. حول انت ياحلوف وانت وينك ياميعاد نساوين داك روحك فيه ...
جدى اسماعيل .... حرام عليك ياحاجه انى نسبح ...
حناى وريده .... تى والله يا سيقان سقاى كانا ماتسكتش الا مانوض نتفل فيك .. راهو قلبى عليك غليله .. ونهارك اسود الا تدور فيه ... كانا ماتمشيش غدوا وتسحب معاش ظمان وماتجيباش فى ايدى كللللللللللللللللله ...
جدى اسماعيل ... بناخد خمسه جنى منه ياحاجه .. معتوق متع الفول يبيه منى ..
وريده .... ووووووووووووووووووه عليا من هالمزتت .. المعاش ماكسراش الا فى خرجه يعطيك سله باهيه فيها .... تى والله مازال تاخد حاجه من شارع الا نهارك اسود ..
جدى ...ياحاجه نبى نظراتى .. لاه عليك حتى طريق باش نمشى نصلى معاش نفرز فيها .. والله نغضب عليك راهو ..
حناى .... تغضب عليا حسك ضحكتنى .. بتنوض ولا ياحلوف ... انت اها اصلا كانك طقيتها جنه من هالكفرات الا تشوف فيهم ... ووالله ماك شامها يايهودى .. وجرب خودهم نظرات من خزانتى كانا ماتقصلكش مخالب الكبش هما ...
ام نهال .... ههههههههه يما خفى على بوى شوى ... راهو والله ماعاد يتحمل رعايشك راهو ...
ام وسام .... والله كلامك صح ياسمييره .. ههههه يالاى والله عمى مايرضى فيك حاجه
حناى ... بتنوضى انتى ياكاهنه ولا لا ... شنى سحبتى ولدى وبتسحبى حتى هالشيبانى المخترف منى .. وبعدين انتى غير ربى صغارك الا زى كش معدنوس فى كل تركينه .. ولا تحسابينى مانندريش على ولدك وسام شن يدير تحت دروج << مع غمزة عين >>
ام وسام .. هرب عليها ضى وقالت >> ... صحيتى يالاى انى ديما هدا ماناخد منك بعد هالعمر ..
حناى وريده ... اى اى مفلحك تجيبى فيه .. اسمعععععى ولا حتى ديقة القرقوش متعى جيبها من فوق .. وانتم تنسفوا لاخضر واليابس ..
ام نهال ... هههههههههههههههههههههههه امى عاد هكى خلاص الا سميحه .. والله ماشالله عليها واحسن وحده فى نساوين خوتى كلهم ونعزها من دونهم زى وخيتى .. ماتزعليهاش عاد بعد هالعمر معانا
ام وسام .... ماتخافيش واخده على كلامها .. خلاص بدى عادى هههههه .. مهم نبى نقولك .. شنى صاله بتحجزو فيها من توا ؟؟ قصدى مازال اقل من شهر ونص على عرس ...
ام نهال ... اى والله عندك الحق غير تشوفى انتى فضيانا بكل الايام هيا ...
ام وسام .... عجبتنى فرقة زمزمات الحمصه ياوخيتى نشاطه الحق ... قولت بالك نجيبها فى محضر ..وقولت بنقترح عليكم محضر نديروه فى قصر هناء ..
ام .. نهال ... تعرفى والله خديتها من لسانى وفى بالى هلبه حاجات .. لدلك غير نسقد الحاج على خير للسعوديه وبعدين نطلع انى وياك ونهال ونشوفو .. شن رايك ..
وطبعا استمر الحديت وكان حديت ساعه وطول اليوم على موضوع نهال وعرسها ومحضرها وقفتها وشن بيديرو وشن بيحطو .. واما فرقه وزمزامات ومحضر وعرس بسبع ايام وسبع ليالى
بينما نهال زى من طعن فيها بسكين .. ومتغطيه بى حولى حناها ودموع يصبو منها زى مطر ... وهيا اساسا مش عارفه وسام خيره او شن ناوى او شن فى ... وباين انا المره هادى وسام خاش بقوة قلب وناسيها ...
قعدت نهال تبكى وتتدكر فى كل دكريات لحد مارقدت ومافاقتش الا على صوت امها مع ساعه 10 فى الليل تقولها ..
امها .. نهااااال .. نوضى بوك برا يستنى فينا نووووضى ولا بتباتى هنا ..
نهال ... لا لا .. خلاض نايضه ..
ناضت نهال ولبست وشاحها وكندرتها وخدت قاربيجها وروحو ... واول ماروحت لبست بيجامتها وصلت العشى وخشت لفراشها تبكى وتفكر .... وبعدين قامت نقالها وقعدت تقلب فى الاغانى لحد مافتحت على اغنيه كان هوا عاطيهالها فى بداية بكلللللللل لمحمد حماقى << وادى حالى >> .. فاقعدت تشبحلها شوى وتبكى وبعدين فتحتها ...
وادى حالى معاك هموت علشان انساك
حاولت ياما اقول لقلبى كفاية يستناك
وادى حالى معاك شايفك هنا وهناك
فى كل حته سايبلى ذكرى عشتها وياك
مش ذنبى ان قلبى راح معاك ومجاش
انا شكلى كلمة انسى كلمة ما اعرفهاش
ايام بتفوت بعدك ببطء بموت
على طول واحشنى وليه سايبنى ومش سامعلك صوت
فى جراح و عذاب حتى الامل كذاب
كل ما اقفل باب حبيبى الذكرى تفتح باب
مش ذنبى ان قلبى راح معاك ومجاش
انا شكلى كلمة انسى كلمة ما اعرفهاش
وماكملت الاغنيه لين مشت نهال من البكى فى نوووم عميق ... ومافاقتش من نوم الا على تلفونها يرن فوقها فاناضت بسرعه وشافت لتلفون ولاقاته ..
نهال ... وسااااااام
وسام ... شن اخبار ..
نهال .. << خشت فى نوبة بكاء >>
وسام .. خيرك تبكى توا .. شن فى ؟؟
نهال ... شن فى ؟؟ شن فى ؟؟ اسبوعين مانسمعش صوتك او نشوف منك رساله .. وفى الاخير لما نتصل بيك من تلفون امك نلاقاك تضحك وعايش حياتك .. ومش حاس بالمخلوقه الا كل يوم تبكى وتموت الف موته بس لانها ماسمعتش صوتك
وسام .... الله غالب ... كل واحد مداير الا يعجبه .. وماشى براسه ..
نهال ... ماتكلمنيش هكى ... وخليك صرايح وقول الا فى خاطرك .. معاش تبينى .. خليك راجل وقولها ..
وسام ... احترمى نفسك ... انى راجل وغصبن عنك .. واضنى انتى اخر وحده تتكلمى .. ولا بالك تحسابينى راقد على ودانى .. ولا مهبول تفوتى فيه عليا .. اخر مره تقوليلى مشيتلكم .. وانتى تكدبى وكنتى برا الحوش وباين انا طلعتك كانت لمكان صعب تقوليلى علبه فااضطريتى انك تكدبى ..
نهال ... من الا قالك هكى ... انى صح مشيت بس ماركب ..... << وهيا قعده ماكملتش جملتها ورد عليها
وسام ... نهااااااااااااااااااااااااااااااااااااااال بطلى كدب بطلللللللللى .. خير قسما بالله ماعاد تشوفى وجهى ... ياسر بجد خلاااااص ... نقولك شى ... انتى باين مازال ماتعرفيش وسام ... ومش قادره تتعاملى معاى بصراحه ...
نهال .... لانك مش عاطيلى مجال ... لانك تعيط وتضرب وتكشخ وتتعصب .. عمرك ماحاولت تحل معاى مشاكل او تناقش موضيع بهدواه .. ديما وانت واخد دنيا بى عصبيه وعناد .. راجع نفسك انت قبل .. وبعدين انى نولى زى ماانت تبى ..
وسام ... اها .. اها .. جديد الكلام هوا ... خيرا قبل . ماكنتش نسمع او نشوف فيك هكى .. كنتى دائما تقوليلى نحبك زى ماانت وماتغيرش من نفسك .. بس باين اختلف موضوع ... اوووووك تمام .. نخليك توا تكملى نومك ... ماشى
نهال ... << قعدة تبكى وقالتله >> وسام ..
وسام ... نعم
نهال ... وسام انت علاش تغيرت هكى .. انت معش تحبنى ؟؟
وسام .... انى ماتغيرتش ... بس انتى بديتى مش صادقه معاى .. برغم انى صادق معاك % ... انتى تحسابى انى مانندريش عليك ماشيه بتدربى ؟؟ برغم انك لو قولتلى وكنتى صريحه معاى كنت ممكن نأجل موضوع شوى ... لكن فى الاخير رح نوافق بس مش نرضيك ... ياريتك كنتى زعلتينى ولا كدبتى عليا ..... لانا الا يكدب مره يبدا يتعامل مع الكدب ملجئ ليه .. ومعاش يعرف يكمل من غيره ...
نهال .... << بكئ مع رشفة خشم >> انى اسفه
وسام ... ياريت بجد تكون المره الاخيره ليك .. ومن قلبك .. اهو مش تصكرى فى موضوع وخلاص لانا حياتنا مانبوهاش من الاول تبدا بالكدب ..
نهال ...مش رح نكررها والله وعد ... وانى متأسفه هلبببببه <3
وسام .... خلاص برى اغسلى وجهك .... وتعالى ... شوى ونعاودلك ...
نهال .... اوك خمسه دقايق بس ..
سكرت نهال ... تلفون ... ومشت للحمام وغسلت وجهها ولمة شعرها ومشت للمطبخ ... خدت طاسه ميه ورجعت لدارها .. ومافاتتش تانيه لين عاودلها وقاللها ..
وسام ... حقا بنقولك شى .. اياااااااااااااك مره تانيه تجيبى سيرة رجولتى فى نص مااااااشى ... قسما بالله نسمعك مره تانيه وحتى بعد الزواج تقوليلى انت مش راجل او وين رجولتك .. مايصير طيب يانهال مااااااشى ..
نهال ... حاضر حبيبى .. وانت سيد الرجاله كلهم <3 ...
وسام ... اى اى زيدى انفخينى ... على فكره استاحشتك ياشينه .. وحبيبت نربيك بس وتعرفى قيمة وسام ..
نهال ... نكررررررررررررررررررهك ... بتربينى مصحك ...
وسام .. ااااااااااااااى رجعنا لطولة لسان ...
نهال ... ههههههههههه سومتى .. استاحشتك هلبه <3
وسام .. سومتى هههههه ماشى ماشى
نهال ... وانت ؟؟
وسام ... حتى انى ياشينه .. والله استاحشتك هلبببببببه <3 بس بالله عليك معاش تكدبى عليا ... لانا مره جايه يانهال الغلطه بورطه ..
نهال ... خلاص وعد
وسام .... شن تدربتى تماااام ؟؟
نهال .. بديت حريفه هههههه خلاص مازالى اخر حصه غدوا العشيه ونكمل <3
وسام .... وبديتى تطلعى بيها بروحك ..
نهال ... لا لا حبيبى .. بس انى دوامى عندكم من الاسبوع جاى فابنبدا نمشى بروحى .
وسام ... اى عرفت ..
نهال .... حقاااااااا .. انى قدمت على اساس سكرتيرة مدير .. وافقولى ؟؟
وسام ... اى بتبدى سكرتيره متعى ياشينه <3 <3
نهال ... حقااااااااااااااا كيف ؟؟
وسام ... هادى وظيفتى مالا شن تحسابى .. عينتك سكرتيرتى الخاصه ...
نهال ... واخيراااااااا بنشوف موزات الا بيخشولك .. ونصفيهم وحده وحده ..هههههههههه ... وايوا بنقولك من توا .. شغل شغل والحوش حوش ايواااااا ...
وسام ... هههههههه اها معناها .. الموزه الا تجى خششيها من غير نقاش ... وسكرى مكتب ورها ..
نهال ... فى عينك ...
وسام .... ههههههههههههههههههههه ماشى ماشى .. مهم توا انى بنسكر خلاص ..
نهال .. علاش سومتى ؟؟ انى مستاحشاتك خليك ..
وسام ... بكرا عندى ليك مفاجأه ..
نهال .... شنى قووووووووووول ...
وسام ... بكرا نتصل بيك ونقولك .. يلا سلام مضطر نسكر توا <3 سلام حبيبتى ...
نهال ... سلام حبيبى وهيا روح بسرعه ولا مازال مطول فى دبى ؟؟
وسام الاسبوع جاى ان شالله <3 يالا سلام <3
سكرت نهال تلفون <3 وورقدة على جنب وابتسمت وغمضت عيونها <3 بينما وسام ... ختم جوزاه وركب طياره .
فاتت الليله على نهال وكانت اول مره ترقد نوم مرتاح زى الليله من اسبوعين .....ومافاقتش الا على صوت امها تقوللها <3
امها .... نهااااااال .. لاه عليك كل يوم لازم باش تنوضى عرس بدربوكه .. نوضى يابنتى ساعه 12 ونص ظهر ... كانا بتديرى حاجه قبل ماتجى مدربه ...
نهال ... اهو نوضت ياماما صباح الخير <3
امها ... حنا ظهر توا مش صبح ... مهم بعد ماتفطرى .. مازال جنان يبى تسيق ونزلى صابون طابقيه ورديه وحددى .. خلى انى نحط الغدى على نار ...
نهال ... مااااشى ... شن بتديرى الغدى ؟؟
