<3 حوش جدى 2 <3
منقولة >>
الحلقه التانيه <3 <3
طلعت نهال ولقت بوها يستنى فيها ... فاركبت .. وقالت لبوها يمدلها شفره وخدت شفره وركبتها واول مافتحت تلفون وصلتلها رساله فيها اكتر من 50 مكالمه فائته من وسام ... و10 مسجات ... زمطت ريقها وحطت تلفون فى شنطه ... وقعدت تشبح لروشن لين امها قالتلها ...
امها .... شنى حصلتى نقال من اميره ؟؟
نهال ... اى لقتنى من غير نقال اعطهولى ..
امها ... باهى والله لانا بوك قالوله تعال بعد 4 ايام ..
نهال .... اى اى
امها ... خيره شكلك مخطوف وصوتك متغير ... فى شى ؟؟
نهال ... لا لا مافى شى ...
<< وهنا شبحتلها امها فى مراية السياره شبحه متع هدا فوتيه على بوك مش عليا << قلب الام ياحنا تفهمها على طاير >>
وصلو للحوش واول ماخشت نهال لدار نوم وسكرتها عبت الكرت وطلعت رقم وسام وزمطت ريقها وقبل ماتتصل رفعت يديها فى سماء وشهدت بعمق وبعدها اتصلت واول مابدى يعلق عطاها مقفل ..... وحاولت تعاود الاتصال بس نفس الشى ... فاقعمزت على سريرها شوى وبعدين طلعت للمطبخ باش تشرب فا شرين تلفون ...
ام نهال ...الووو ... ... شن اخبارك .. اى كلمتك توا على نقالك ولما مارديتيش قولت اكيد بتعاودلى على الارضى ... مهم شن اخبارك ..
ام وسام .... ... الحمد لله فى خير من ربى فى شر من هالمناجيه ؟؟
ام نهال .... خيرك اللطف شن فى ؟؟
ام وسام .. هالمصايب الا عندى .. امتى نعطيهم ونفتك منهم ... من بكرى وهما زى ناقر ونقير ..
ام نهال ... من هادم ؟؟ ماتقوليلش وسام الخايب ؟؟
وهنا نهال لما سمعت اسم وسام شرقت بالميه وكمدتها ودقت على صدرها شوى من كمدة الميه وبعدين حطت طاسه على رخامه ودارت روحها قعمزت جنب امها تتفرج على تلفزيون باش تسمع شن يقولو باعتبار انا صوت سماعه عالى وينسمع عن قرب ..
ام وسام ... اى هدكا المجنون الكبير .. اليوم الا جاه جاه زى مكلوب .. مش طايق نفسه ولا طايقنا ..ومن لما وصل من الخدمه وهوا مقعمز فى داره وتوا نسمع فيه يضارب هوا وخوه وبعدين طلع وقريب خدى الباب فى ايده .... وتوا استلمونى زوز الخايبين فى بعض .. والله مايرتاحو لين يجلطونى ويخلونى كدس فى تركينه
ام نهال ... << شبحت لنهال شبحة خنس وخنزره وقالت >> اللطف وخيره وسام اليوم ... شن صارله ... اشبح تلقيه من مغششه ...
وفى لحظه هيا نهال دارت الحوله ودارت روحها لاهيه فى الفيلم وتحك فى رقبتها وفى داخلها قلبها بيوقف من الزغبه ...
واستمر الحديت لااكتر من ربع ساعه بين سيرة فلانه وعلاتانه ... ونهال كان تلقى تهبدهم بسخطه وتقولهم ادو فى صحيح ... وسام يانهارى الاسود وسام .. وماتوقفش حديتهم الا على صوت تقربيعة الباب الرئيسى لحوش ام وسام وقالتلها ....
ام وسام .... دقيقه بس خليك ... وساااااااااام تعالى هنا خيره وجهك هكى اللطف منى الا فشيت فيه غلك ...
وسام .... مع من تتكلمى انتى ؟؟
ام وسام ... حد ... مع من تعاركت ..
وسام .... حد ..... انى بنخش لدار نرقد مانبى حد ينوضنى << ومشى >>..
وهنا شبحتله امه شوى وبعدين قامت تلفون وقالت ...
ام وسام ... ايوا ياسميره ؟؟
ام نهال ... خيره ولدك وجهه ؟؟ شنى متعارك مع حد هالمجنون .. اللطف ياربى ... هدا بنتى كيف بتعيش معاه .. هاتيه هاتيه نبيه ..
سميحه ... دقيقه بس ناديهولك .. وساااااااااااااااااااام ياووووووسااام ... تعال عمتك تبيك
وسام ... انى قوتلك مانبى حد ينوضنى .. هاتى .
وسام ... ايوا عمتى ؟؟
ام نهال .... خيرك اللطف .. شن جاك ؟؟
وسام ... شن فى ؟؟
ام نهال ... امك قالتلى متعصب وخلوقك فى راس خشمك ..
وسام ... لا لا عندى شوية مشاكل فى خدمه ...
ام نهال ... ان شالله ربى يعاونك وليدى كون فى روحك لا يركبلك سكر ... مهم نبيك تخدمنى فى شى سلم وليدى نبيك تمشى للمصرف تسألى خيره حسابى سكروه ولا مش عارفه خير دعاويه ..
وسام ... ماشى خلاص ملى عليا رقم حسابك ترا ..
ام نهال ... دقيقه بس خليك على خط نجيبهولك من دار ونجى ..
وسام ... ماشى ..
مشت ام نهال لدار تفتش فى القجوره .. بينما نهال مشت تجرى للارضى وخدت تلفون وقالتله ..
نهال ... وسام ... افتح تلفونك ... بنقولك شى بس وبعدين قول الا تبيه بالله عليك .. نستنى فيك .. باى ..
وحطت تلفون وخشت لدار نومها .. وقعدت تتصنت من وراء الباب لين سمعت امها سكرت تلفون ووعاودت الاتصال بحميده مرت جيرانهم .. وهنا نهال سكرت دارها بالشوى وخدت تلفون واتصلت بى وسام بس وسام سكر عليها وعاودلها ... واول مافتحت الخط قالتله ..
نهال ... خيرك سكرت خط فى وجهى
وسام ... من قبل متناقشين فى موضوع وقولتلك هادى وضيفتى انى مش انتى الاتصال ... مهم فى شى ؟؟ بنرقد وعندى بكرا خدمه ..
نهال .... انت زعلان منى ؟؟
وسام .. ... لا .. خلاص تميتى ؟؟
نهال ... وسام خيرررك ؟؟
وسام ... نهال وراس امك راهو حاليا ماعندى خلوق حتى لنفسى ماشى ... خلينى حاليا لحد مانصفى بينى وبين نفسى ..
نهال .... اوك ..
وسام ... سلام ..
نهال .. انت ديما هكى انانى وماتفكر الا فى نفسك بس ... سكر واهرب وماتناقشش وبرا كسر وفشخ وتعارك ماشى ...
وسام .... << عيط وقاللها >> نهااااااااااااااااااااااااااااااااااااااااااال خلاص ...
<< وفجأه سكتو شوى وقاللها ....
وسام ... تبيننننننننى نتكلم صح تمااااااااام ..... استلمى تواااااا هياااااا...انى امس شن قولتلك ؟؟
نهال .. << ماقالتش ولا حرف >>
وسام .. انطقى ؟؟؟ ولا توا وليتى هاديه وماتعرفيش تردى ؟؟
نهال .... مش حكاية هاديه .. حكاية انك اوفر ومش مقدر انا مرات تصيرلى ظروف ..
وسام .... اها ... اوفر ... اوفر .... اوك ياام ظروف انتى ... كلامى انتهى لحد هنا ... سلام
نهال .... وسام انت خيرك تتصرف معاى هكى .. حنا امتى بدت علاقتنا باش نتعاركو ...
وسام ... نهال ... انى اعصابى تعبانه ومتعارك وعندى مشاكل فى خدمه ... ماتزيديش عليا ...
نهال .... << وهنا نهال انفجرت بالبكى وقالتله >> وسام انى والله ماقصدى اليوم نفوتك او نتجاهلك بس صارتلى ظروف وطلعت لصاحبتى وبابا خدى منى نقالى واصلا ماكانش عندى صبح حتى رنه وتلفونى نوضت لقيته مطفى وتام شحن متعه ... والله والله هدا سبب ...
وسام .... << ولا كلمه >>
نهال .... << شهقة بكى ودموع >> رد قول اى شى ..
وسام ... شن تبينى نقولك ؟؟؟ انى بسببك اليوم قريب ركبلى سكر ... انى قريب هبلت وعقلى رفعنى وجابنى ..
نهال .... شن تشوف فيا عيل باش تخاف عليا ؟؟
وسام .... ايه انتى بنتى قبل ماتكونى حبيبتى ومرتى
نهال .... انى متأسفه <3 <3 خلاااااااااص سوسو
وسام ..... << سكت شوى وبعدين قاللها>> .. سوسوووو على اساس هكى انتى امتصيتى غضبى ... سكرى وراس امك
نهال .... هههههههههههههههههههههههههههههههه باهى شن ندلعك .. سوستى تمشى ؟؟
وسام .... انى مكتفى باسمى .. عاجبنى هلبه ومعجب بيه <3 وماتحاوليش دلعينى وراس امك يااما استعينى بصديق
نهال .... صديق ؟؟؟ شكلك حتى انت زى جدى تتفرج على كافرات ؟؟
سكت شوى بعدين تخايل صورة جده كيف مطلع عيونه وملصقهم فى شاشه ويتفرج على شاكيرا ...
وسام .... ههههههههههههههه
نهال .... توا ضحكت يامعفن <3 بالله شن ضحك ؟؟
وسام ... فوتى موضوع
نهال .... شن فى قوووووووووووووولى
وسام ... حناى امس زبطت جدى يتفرج على شاكيرا ...
نهال ... هههههههههههههههههههههههههههههه كيف كيف احكيلى ؟؟
وسام ... هههههههه مطبس على تلفزيون وملصق عيونه فى شاشه وتجيه من تالى بعصاة مكنسه وهوا يجرى وهيا تجرى ... وانى حزيتها منه وحصلت جلده فى جرايره ...
نهال .... هههههههههههههههه والله انتم رجاله حتى تكبرو يخف عقلكم .. قصدك انت تديرها ؟؟
وسام ... علاش لا .. كانك ماتبيش تسمعى كلامى وبتشيطلى ريقى احتمال حتى نخطبها <3..
نهال .... برا اخطبها من توا مافيش مشكله ... يالله سكر توا .. وائل الكفورى خش انتظار .. وبصراحه يتضايق لما يلاقانى انتظار فى الليل ... حى هوا انت ماتعرفش .. يغار عليا ..
وسام .. << مصدوم من وقاحتها >> .. من هوا ؟؟
نهال ... هههههههههه وائل الكفورى .. اهو نقولك ماهو مره قصى خولى كان متضايق فاتصل بيا فاخش عليه وائل الكفورى انتظار فا
وهنا وسام نطق وقاللها ..
وسام ..... نهااااااااااال .. سكرى ... سكرىى خير مانفجر روحى ونفجرك ونفجر قصى ووائل
نهال .... ههههههههههه ونقال ؟؟
وسام ..... حتى هوا ... باى ..
نهال ... ههههههههههه استنى ... مازال زعلان ؟؟
وسام .... لا
نهال ... تحلف ترا ..
وسام ..... نهااااااااااااااااال وراى بكرا خدمه حرام عليك رجعتينى سنه تالته ابتدائى احلف وطقنى ومش عارف شنى ... مش نقولك انتى مازلتى طفله ..
نهال ..... عارفه انى بنوتك <3
وسام ...هههههههه خلاص يابنوتى .... معناها لما بنرقدو وقبل مانرقدو شن نعطو لبابا ؟؟
نهال ..... شن نعطو ؟؟؟؟ شن تقصد ياسخيف ...ولله الامانحرش حناى باهى .. خلى تكملك على جدى
وسام ... ههههههههههههه اما انتى تفكيرك يبى اعادة تأهيل ... انتى الا افكارك مشت بعيد بس تعجبنى << مع غمزة عين >>
نهال ... كداااااااااااااااب .. شن كنت بتقول هى ؟؟
وسام ... كنت بنقولك تعطينى كلمه حلوه ... يعنى نحبك ... ربى يفتحها فى وجهك <3
نهال .... حقاااااااااااااااااااا حى عليا انى <3
وسام .... لكن عجبنى تفكيرك <3 ترا انتى فاش فكرتى هههههههههههههههههههههههههه خلى نقولك صح او غلط <3
نهال .... مبرررررررررررررررررررررردك <3 نكرررررررررهك <3 طلقنننننننننننننننننننننننننننننننننننننى
وسام .... اوك حبيبتى برى العبى فم حوشكم ... غدوا عندى خدمه <3..
نهال ... وسام .. انى نحبك هلببه <3
وسام ... حتى انى ياشينه غير اسمعى الكلام ومعاش تشيطلى ريقى بس <3
نهال .... اوووووك خلاص توبه ... تبينى حتى نغنيهالك ماعنديش مشكله <3
وسام ..... لا لا صحيتى خليها غدوا ... لانى لو بنسايرك ... حتى خدمتى نبطلها <3
نهال ... اوك الحق فيا .. ماهو انى الا لقيت منى 50 مكالمه و10 رسائل ..
وسام .... ومحلاك تكرريها بس .... وبعدين تشوفينى كيف نولى <3
نهال .... اوك سوستى <3
وسام .... سوستى ؟؟ سكرى سكرى قبل ماننجلط ... باى
نهال ... باى سوستى <3
شد وسام قلبه وسكر نقال وقعمز شرب طاسه ميه لانا حس روحه بينجلط بعد الكلمه الاخيره ... وبعد ماشرب طاسه قعد مقعمز شوى ويتبسم بعدين خدى نقال وقعد يكتب <3 بينما نهال فاغمرت نقال زى عادتها وابتسمت وغمضت عيونها باش تتخايل وسام <3 وفجاه وصلها مسج ..
وسام ... نحبك ياشينه <3
نهال .. << ردة عليه بمسج >> نموت فيك سوستى
وسام .. << مسج تانى >> الرقم الدى طلبته يمكن ان يكون مجلوط حاليا يرجى اعادة محاوله لاحقا <3
نهال .. قعدت تضحك زى مستبلهه وتخبط وتنقز على سرير وبعدين فاقت لروحها فاخشت تحت يرغان وتنهدت وابتسمت ورقدت <3 ومافاقتش صبح الا على مسج من من وسام مع ساعه 11 يقوللها ...
وسام .... صباح الخير حبيبتى <3 عندى ليك خبر يمكن مايفرحكش ... اول ماتنوضى وتصحصحى ديرلى رنه <3
بعد ماقرت نهال رساله .. درتله رنه ... فاتصل طول واول مافتحت الخط قالتله ..
نهال ... الو ..
وسام ... شكلك كيف نضتى ... صحه نوم وانى نايض من ساعه 6 وبسببك قريب رقدت فى الاجتماع ..
نهال .... ههههههههه شن بنديرلك .. شن انى قتلك اخدم ؟؟
وسام ... لا لا ماهو انتى الا بتززوجينى وتصرفى عليا مش انى <3
نهال .. ممكن علاش لا هههههههه انت شد صغار وانى نخدم ..
وسام .. اها جديده هادى ؟؟ وشن رايك نغير شمالات بالمره ؟؟ وندير طاجين كيكه لجارتنا ام مسعوده ..
نهال .... ههههههههههههه مش لدرجه هادى .. توا نجيبها انى الكيكه من ساحل ماتخافش هههههههههههههههههههههههههه
وسام .... دقيقه بس .... << خلى خط مفتوح ورد على تلفون مكتب >> الوووو ايو معاك وسام فرج .. اها .. اى ... تمام .. بكرا طياره 7 صبح ... اى تمااااام .. قبلها بساعتين ... اوك ... فرست كلاس .. اوك شكرا ..
نهال .... وسام شن فى ؟؟ من الا طيارة 7 صبح .. ماتقوليش انت ؟؟
وسام .... اى حبيبتى لاسف <3 عندى مؤتمر فى دبى .. وظرورى مانمشى ..
نهال ... بجد وسام ولا تتسهوك ؟؟
وسام ... خيرك نهال ؟؟ من امتى نبصر معاك فى هالموضيع ؟؟
نهال ..... << سكتت شوى >> قداش بتقعد ؟؟
وسام .... مش مطول .. اسبوعين او اقل ..
نهال ... تمشى وتجى بسلامه << صوت نكدى >>
وسام ... خيرك نهولتى ؟؟ وعد نكلمك .. ورح نجيبلك هلبه حاجات .. من عندى الا نهوله انى <3
نهال ... انى نبيك انت مانبيش شى .. نبيك ترجعلى بسلامه بس .. رح نستاحشك ..
وسام .... نهاااااااااال هما اسبوعين مش سنتين <3 خلاص غيرى جوك <3
نهال .... رح نحاول اليوم نجى لحوش جدى باش نشوفك <3
وسام .. ياريت ... والله يانهوله نشوفك قبل مانسافر
نهال ... اكيد رح نجى اليوم ... ونهارك ماتجيبلش برفان وتجيبلى شكلاته وانت مروح ب تجيبلى باقة ورد على طريقك ومرات نقولك خودلى فيلو من غادى وشوية حاجات خاصه بالزواج <3
وسام .... انت ياخاص انت يامتفتنن هههههههه << مع غمزة عين >> .... غير لحظه بحظه .. وين مشت جملت مانبى شى نبى سلامتك بس ... هوا انتى من دقيقه كنتى تقولى فيها ولا يتهيالى ؟؟
نهال ... خلاص مبررررررردك هههههههههه هوا الحق الحق .. نبيك انتى والحاجات ههههههههههه <3
وسام ... هههههههههه حاضر من عيونى انت تأمرى ياحلوتى بس وانى نفد ... اى شى تانى ؟؟
نهال .. لا لا سلامتك حبيبى <3 ونبيك انت ترجعلى بسلامه <3 ونهارك عينك تمشى هنا او هنا ...
وسام .... انى لو عيونى تفكر تشوف بنت غيرك رح نغمضها صدقينى .. وقلبى حطيتك فيه وعطيتك مفتاحه <3 ... انى عندى نهال شينه ومازال بنشوف <3
نهال ... هههههههههه قصدك انى لعنه ليوم دين صح ههههه
وسام ..... هههههههه هكى شى ... خلاص حبيبتى <3 برى انتى توا افطرى خلى انى عندى شوية عقود بنوقعها وميزانيات بندرسهم .. وبنصفى شغلى قبل مروح باعتبار بكرا مسافر <3 ماااااااااااااااشى حبيبتى <3
نهال .... اوك حبيبى <3 سلام
وسام ... باى
حطت نهال تلفون ومشت للحمام وهيا فى قمة سعاده .... ولما رجعت لدار باش تصلى ... لقت نقالها واصلاته 5 رسائل من وسام وكل رساله فيها رقم تسلسلى طويل وبعدها وصلاتلها رساله سادسه وفيها ..
وسام .. حبيبتى <3 مرات بعدين مانكونش فاضى .. هادم كروت كل رساله فيها كرت 10 جنى .. باش ماتحتاجيش لرصيد فى غيابى << نحبك >> وسام <3
فتحت نهال رسائل ولقتهم 5 رسائل وفي كل رساله رقم تسلسلى وهنا قريب طارت من الفرحه واول وحده اتصلت بيها هيا ...
نهال .... الوووووووو اميره ...
اميره ... منين جاتك مادرتيش رنه
نهال .... وسام ترا قولى توا شن بعتلى ؟؟
اميره .. شنى ؟؟
نهال ..... بعتلى رصيد بى 50 جنى <3
اميره ... تبصرى ... ابعتلى منهم
نهال .. نسـتادن وسام قبل هههههههههه .. نبصر عليك توا نبعتلك جنى ههههههههههههه
اميره ... مرض ماتموتى الا فى دشاعه وتقعدى فقريه ومتع رنات مهما عبالك رصيد .. خززززى على هكى صداقه
نهال .... ههههههههههههه اسمعى ترا قولى وسام اليوم شن قالى ..
اميره .... شنى ؟؟
نهال .... غدوا متسقد لدبى <3 <3
اميره ..... سعدوووووودك ... بتوصيه ؟؟
نهال ... من بكرى هههههههه حتى من فيلو العرس وقتله يشريهولى <3
اميره .... سعدووووووودك .... اسمعى ردى بالك تصبغى اصفر ..
نهال .... علاش ههههههههههه
اميره ... ماهو خريطة المتزوجات حفضتها ... وانتى حاليا كيف باديه فيها ..
نهال .... كيف ؟؟
اميره ... شنفخه وتجعيد ههههههههههههههههه
نهال .... برى والله ماتستحى الحق فيا الا ندويلك ..
اميره .... بتقوليله ؟؟؟
نهال ..... على شنى ؟؟
اميره .... انك بتتدربى قياده ؟؟
نهال .... لا لا ماقولتلاش ... والحق مانبيش نقوله توا .. بنجيبهاله بطريقه حلوه بعد مايروح <3 باش توا نظمن انا ماينكدش عليا وخاصة انه مسافر ..
اميره .. علاش ؟؟؟ مش قالك مره عادى ..
نهال ... اى بس خايفه توا يقولى خليها لين نروح انى قبل ... تعرفى انتى متع خايف عليا وهكى .. وسكرى موضوع ..صدقينى رح نجيبهاله بطريقتى <3 بعد مايروح <3
اميره ... براحتك ...
نهال ... اووك برى توا خلى نمشى نفطر ونضم الحوش باش نمشى العشيه لحوش جدى ونشوف وسام <3
اميره .... ياحقيره ههههههههههههه طلعتى خطيره ... اسمعى غنيله اغنية نانسى عجرم << سافر وتغرب وتعالى وانا روحى معاك >> هههههههههه ..
نهال ... مبررررردك .. م عارفه كيف مصاحباتك انى .. من قله اكيد ... طيرى هي باااااى ههههه <3
اميره .... لقيتنى فى قرارك ياام مسكره ورنه ههههه .. باى
وفجأه خشت امها عليها وقالتلها ...
امها .... صبح يافتاح ... فى منى كنتى تكلمى ؟؟
نهال .... اميره .... اتصلت بيا كسرتلى دماغى على صبح ... مهم تمشى اليوم لحوش جدى ؟؟
امها .... اىه علاش ؟؟
نهال .... بنمشى معاك ....
امها ... باهى باه مالا كملى قضيتك فيسع وحطى فاصوليا على نار وردى بالك منها ...
نهال .... وين ماشيه انتى ؟؟
امها .... ماشيه لجارتنا ناجيه ... راجلها دار حادت ... ها مش نجى نلقى فاصوليا مشيطه ؟؟
نهال ... ااااااااااااااااااه ياربى انى ديما مهما ندير نطلع ماننفعش وبنات ناس افلح منى ... غير امتى نتزوج ونفتكى بس ...
امها .... اااااااااااااااااااااااااااى درنا قرار ودرنا بير ... وبدينا ندوووو .... باهى باهى ... يالله انى بنمشى لتنكسر رقبتى ... مهم اطلعى سيقى جنان ..
نهال ... حاااااااااااااااضر دهشت من وصايا 10
كملت نهال الحوسه وطيبت الغدى وتغدو ولبست حوايجها ومشو <3 واول ماوصلت غادى وقعمزو ناضت نهال للمطبخ باش تشرب ميه وغمزت لمرت خالها فاجت وراها ...
نهال .... اه خالتى وسام وينه ..
خالتها ... فوق يوتى فى شطنته <3
نهال .... نبى نسلم عليه قبل مايمشى ومانبيش امى تكبس عليا شن الحل ..
خالتها .... انتى قعمزى وبعدين انى نقولك اركبى فوق ديرلنا قهوه ونعطيك مفتاح ونقولك تلقى الحوش فاضى <3 <3
نهال ... هههههههههههه خالتى منين تعلمتى الجو هوا نحسابك قبل عاقله <3
خالتها ..... هههههههههههههههه من يامات المدرسه انى وخالك ...
طلعت نهال وقعمزت ولحقتها خالتها وفوتت شويه وبعدين قالتلها ...
خالتها ... بنيتى انى رجلايتى يوجعو فيا ... هاك مفتاح الحوش تلقيه فاضى .. ديرلنا براد شاهى وسزوة قهووه ... ودولاب اللوطى اخر رف تلقى فيه حلاوات حطيهم ...
ام نهال .... برى اسمعى كلام خالتك ... شنى مالا الولاد مهناكش ..
ام وسام .... لا لا كلهم منتلفين كل واحد فى تركينه ....
حناى ..... ساااااااام زفت وينه ؟؟
نهال ... شبحت لحناها << شبحت مصيرى متعلق بين ايدك >> وزمطت ريقها ...
ام وسام ... علاش يالاى خيره ؟؟ برى انتى يانهال ...
حناى ..... عندى موفاهمه معاه ومع جده ... قوليله حناك تبيك
الحاج اسماعيل .... ياحاااااااااجه ياحااااااجه ....
حناى .... اسكتتتتتت ولا كلمه ياحلوف ... ونظارتك انساهم من اليوم وورينى باش بتفرز يايهودى
ام وسام وام نهال .... ههههههههههههههههههههههههههه
ركبت نهال لدروج ومسحت ايدبها من العرق وبخت شوى برفان وضربة خدودها كفين باهين باش يحمرو وطقت على باب طقتين .. وهنا سمعت وسام يقول ...
وسام .... الا يطق على باب يخش حوش مردود ..
نهال .... وقفت نهال شوى وقلبها بيوقف وايديها عرق .. وبعدين فتحت باب وخشت <3
يتبع
kinda
