منقولة
<3 حوش جدى 2 <3
الحلقه التالته <3
ركبت نهال لدروج ومسحت ايدبها من العرق وبخت شوى برفان وضربة خدودها كفين باهين باش يحمرو وطقت على باب طقتين .. وهنا سمعت وسام يقول ...
وسام .... الا يطق على باب يخش حوش مردود ..
نهال .... وقفت نهال شوى وقلبها بيوقف وايديها عرق .. وبعدين فتحت باب وخشت <3
نهال ... وساااااام <3 <3 وساااام وينك ؟؟
وسام .... انى فى دارى تعالى ..
مشت نهال لدار وسام وحست احساسيس كأنها اول مره تخش للحوش او لداره تحديدا ... وحست انها رجل تقدم ورجل توخر من الخوف والحشم وتلكميس وهلبه مشاعر مختلطه <3
وهنا طقت على باب وخشت ولقاته فاتح شنطه ويستف فى حوايجه فاوقفت فم الباب وابتسمتله شوى بعدين قالتله <3
نهال ... كملت ولا مازال ؟؟
وسام .... اهلن اهلن <3 حبيبتى <3 انى نقول علاش الحوش نور <3
نهال .. اى اى صدقتك ههههههه نساعدك فى شى ؟؟
وسام .. ياريت والله <3 هههه كانا مرتى ماعونتنيش <3 وحطت ايديها الحلوات على لبسى باش نتدكرها <3 مالا من بتعاونى <3
نهال .... ههههههه شنى مركز العيار هاليومين وبديت شاعر ههههههه .. فاش تبينى نساعدك ؟؟
وسام ..... افتحى دولاب هوا .. تلقى 3 فانيلات خريفيه وتيشرت هاتيهم <3
نهال .... اوووك تمااام <3
وسام ..... بنستاحشك ياشينه ... اى قبل ماننسى بنعطيك حاجه <3
نهال .... اها <3 شن هيا ؟؟
وسام ... مديلى سبته هديكا .. اىووووو .. قهويه والسوده .. اها اى تو نعطيهالك دقيقه بس نكمل بس قبلها نبيك تسمعى شى ويقعد عندك طول فترة سفرى وكل ماتبى تتفكرنى اسمعيه <3
نهال ... شنى ؟؟
وسام ... افتحى نقالى ... تلقيها فى فايل بروحها مكتوب عليه N اى افتحيها ...
نهال .. اغنيه صح <3 <3 اوك <3 <3
صدقنى خلاص من بين الناس
حبيتك واخترتك ليه
طول ما انا وياك قدامى ملاك
خلتنى ما غمضشى عنيه
الله يا سلام فى عنيك احلى كلام
قرب منى شويه شويه
قلبي وقلبك سوى يتلاقوا
الدنيا انت ملتها عليا
ده الحب اللى ماحدش داقه
قرب منى شويه شويه
اد ما تقدر قرب تانى
ده الدنيا انت ملتها عليا
وكانك مخلوق علشانى
يا ارق الناس فى عنيك احساس
بيخدنى معاه انسى الدنيا
ضمنى بايديك لو غالى عليك
ماضيعشى ياريت ولا ثانيه
الله يا سلام فى عنيك احلى كلام
وهنا وسام قام راسه من شنطته وابتسم وهوا يشوف لنهال وهيا متكيه على حيط وتسمع فى الاغنيه وعيونها يدمعو <3 وخدى زرف من شنطته وبدى يقرب منها واول ماوصل جنبها شبحلها وهيا وجهها احمر وعيونها قلوب قلوب وتشبح لوطه .... وقاللها <3
وسام ... ههههههه تبكى ياشينه <3 مش نقولك مش طالع عليك <3
نهال ... << قامت عيونها >> نحبك <3
وسام ... << حط ايده على ايدها وقاللها >> وحتى انى مستعد نبيع دنيا كلها وتكونى ليا ومرتى وحلالى وتجيبلى دستة صغار واول مانروح للحوش يجرو ويكبشو فى رجلى وتجينى انتى بريحة تومه وفى ايدك شيشة الحليب وشمالات <3
نهال ..... هههههههههههههههههههههههههههههههه وانت تفركها وتسيب الحوش <3
وسام ... هههههههه الله غالب الا صباته السمى بتتحمله الارض <3
نهال .... هههههههه <3 والله نحبك يامعفن ونموت فى خفة دمك <3
وسام ... نحبك ومعفن .... الله الله شن هالرومانسيه ناطقه ولا نجوى كرم <3
نهال ..... ههههههههههههههههههههه
وهنا نهال قعدة ميته بضحك وهوا يشبحلها ويدقق فى كل تفاصيل وجهها وكأن اخر مره بيشوفها .. وقاللها ..
وسام ... توعدينى تتفكرنى كل يوم وكل ليله حتى لو صار اى شى او لقدر الله صارلى اى شى ومعاش شفتينى <3
نهال ... خيرك تقول هكى وسام .. بعيد سو عليك <3 انى لو انت مش فيها الحياه هيا انى رح نتخلى عليها ونتخلى حتى على نفس الا مايربطنيش بيك <3 << وقعدة تبكى >> وسام معاش تقول هكى . والله نزعل منك .. انت كل حياتى وانت الا رسمت معاك حياتى بدايتها وين ونهايتها وين ....
وسام << قعد يمسحلها فى دموعها وقاللها >> .. معاش تبكى ياشينه ... حتى انى نموت فيك .. <3 <3 هههههه خلاااااااااص بتغرقى دار بالدموع .. وحتى قارب مافيش
نهال .... هههههههههههههه
وسام ... اى هدا ليك <3
نهال ... شن فيه ؟؟؟
وسام .... افتحيه <3
نهال .. هدا سى دى .. اكيد فيه الاغنيه صح <3
وسام .... اى صح .. ورساله هيا اقريها بعد ماتروحى للحوش اوووك <3
نهال ..... اوك .. وسام شن هدا .... سنسله ههههههه تهببببببل تسلم ايديك حبيبى ؟؟
وسام ... سنسله هيا نبيك ديما تعليقها فى رقبتك وماتنحيهاش بكللللل .. والمفتاح الا معلق فيها . مفتاح قلبى .. ولو نحيتها من رقبتك معنها انتى تخليتى عليه ..
نهال .... حبيبى علاش مكلف نفسك وجايبها دهب ....
وسام ... حبيبتى نهال تستاهل اكتر من هكى <3
نهال ... هههه تسلم يارب ... ممكن تلبسهالى ؟؟
وسام ... متاكده ؟؟ انى مش ضامن روحى راهو ههههه <3
نهال .... بس انى ضمناتك <3
تلفتت نهال وقامت وشاحها من جيهة الرقبه باش يسكر القفل فاطاح شعرها بين ايديه ..وفى نفس هاللحظه تقربع الباب رئيسى وصوت امه تقول ....
ام سميره ... نهااااااااااااااااااال .
نهال .. خالتى خالتى ... باى حبيبى <3
وسام ... ياخواااااااااااااااااااااااافه <3
نهال .... بااااااااااااااااااااااااااااااى ... نحبك <3 ماتنساس الفيلوووووووووو ونبيه زى ماقتلك
وسام ... ههههههههههه وحاجات الخاصه بالزواج ؟؟
نهال ... هههههههههه اسال عليها حناى قالت تبيك بعدين انت وجدى ههههه وتوا توريكم صايعتكم هههههههههههه
وسام ... هههههههههههه قولها وسام سافر من توا <3
طلعت نهال تجرى وخشت للمطبخ وهنا لقت خالتها فى مطبخ وقالتلها ..
خالتها .... وينك يابنت امك من بكرى وهيا تسحن عليك .. هدا كله باش تقوليله كلمه ؟؟
وهنا خش وسام وشبح لنهال وغمزلها وقال ...
وسام .. نهال ... مش بطلعيلى اللبس الا غدوا بنسافر بيها ؟؟
نهال ... هههههههههههههه
خالتها ... طلعها بروحك .. وتحشم على وجهك وخلى بنت امها تبيها ولا كانا خطيبتك ومازال على عرسكم شهرين .. بتودر بيها مع اماليها
وسام .... ماشى حكم القوى . . امى بالله احسبينى فى طاسة شاى .. انى طالع بنشرى حاجه من محل وبنخش لحناى وجدى وعمتى ..
امه ... باهى باهى غير دير روحك كيف جيت لانى قوتلهم مهناكش ..
وسام ... اهااااااا .. شوفتى يانهال .. عزوزتك منفتحه ماشالله ..
ام وسام ... عزوز عينك .. انتم الا كبرتونى بس ... ندادى يخطبو فيهم ..
وسام .... ااااااااااااااااى حكالى قبل بووووووى هههههههههه يالا سلام <3
نزل وسام وامه دارت شاهى الكيس بسرعه ونهال دارت القهوه بسرعة البرق ونزلو .. واول ماخشت نهال لصالون امها قالتلها ..
امها .... شنى متو غادى ولا شنى ؟؟
حناها .... قولتى لسام نبيه ؟؟
نهال .... << متزرطه >> حناى وسام ماريتاش انى ..
حناه .... اى اى مهناكش هوا ... << والعاقل يفهم >>
طبست نهال .... تصب فى قهووه وخالتها مقعمزه تهدرز ودورا خش وسام وشكاره فى ايده ... وقاللهم ..
وسام .... اووووو عمتى ونهال عندنا <3 اشرقت الانوار <3
ام نهال .... اهلين بى وليدى <3 شنى ان شالله درتلى تمره فى موضوع امس ..
وسام ... اى اى توا تمام ونفتحلك <3
ام نهال ... سلم وليدى نجه ليا فايتنى بطول شوى ..
نهال ... هوا هلبه الحق مش شوى ياماما ههههههه
حناااااااااهم .... خلاااااااااااص ااااااااااااص ... سااااااااااام انت ياخروف تركى تعال هنا ..
وسام .... حناااااااااااااى لاش الغلط احنا حبيايب ... شن فى ...
حناه ... كرهبتك تخدم ولا لا ؟؟
وسام .. اى علاش ؟؟
حناه ... نبيك ترفعنى للمحكه ...
وسام ... ان شالله خير علاش ؟؟
حناه ... نبيك تطلقنى من اليهودى هوا
نهال شبحت لوسام وام وسام شبحت لى ام نهال و ... هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
حاج اسماعيل .... ياحاااااااااااجه ... لاه عليك بعد هالسنين بتعدى ياحاجه ..
حناه .. اسككككككككككت ياحلوف .. توا نوريك ...
وسام ... << قعمز وربع بينهم وقال >> غير خيرك ياحناى .. غير خلينى نخش محضر صلح مابينكم .. راكم وراكم صغار بتفرقوهم فى نص ... بووووى اهوووو متلا من بيغطيه بعد نوووووم ... وعمتى كدلك بتوقفو نصيبها ..
حناه .... لا خلاااااص معاش وطناته هالشيبانى الحلوف .... بووووووووووووك اصلا جداااى تقول <3 الوساده تغلب الجايبه .. وهونى امك المزتته هيا مارتاحتش لين خداته
وسام ... ااااااااااااااه هكى بتولع << وغمز لى امه وقالها >> باهى علاش ياحناى معاش واطنتيه جدى ؟؟
حناه .... دورا وتانيه نلقه ملصق عيونه وماد شواربه زى بطه قدام خيبوط هوا ويشوف لليهود هاليهودى المزتت هوا وزوز مكناس كسرتهم على سيقان سقيا هما ولا قال نهدى ونستحى على شيبتى هالحلوف ... اخر شى خديت منه نظراته الملطمس هوا الاعمى .
نهال .... ههههههههههههههههههههههههههههههههه ... انى نقول ياوسام انت طالع لمنى ؟؟
وسام ... << انتى اسكتى خيرماندوى >>
ام نهال ... شن تقولو ؟؟
نهال ... لا لا شى ماما هههههههههههه
وفى اللحظه هيا خش امجد وقال ..
امجد ... عمتى <3 <3 اشرقت الانوار .... نهااااااااااال << وبدى يغنى >> باهى الا جيتى ياعروسه باهى الا جيتى ياعروسه باهى الا جيتى ياشمعه فى الحوش ضويتى ياعروسه
امه .... ااااااااااااااااااااامجد .. تحشم على وجهك ياولد ..
وسام ... هدا معاش يتحشم ويبى فاكو على سنونه ..
امجد .... ووووووووووووه فارس ظلام هوا ... من الاخير نهال تلعبى كارطه ..
وسام ... تى تمشى ولا نجيبلك سنونك كدس ... برا صلى العشى براااااا
امجد .... << قلبها نانسى عجرم >> ياسى سيد ياسى سيد .. متحكم ليه ياى سيد ومعاند ليه ياسى سيد .. وهرب يجرى
نهال .... هههههههههههههههههههههه امجد صوتك احلى من نانسى ..
وسام ... انتى اهدى واستهدى .. باه حناى شن قولك ههههههههههه
ومافاتتش دقيقه وطلع امجد راسه من روشن وقال لوسام ...
امجد .... بتجيبلى ساع الا قوتلك عليها .. ولا لا من الاخير ؟؟
وسا م... بناتى ولا رجالى ؟؟
امجد .... ااااااااااااااااااااااااااااى باين بننشرو صابون بعض ... ماشى هى استلم ... اخت سنسله دهب ام مفتاح <3 ولا نوضح اكتر .
نهال وام وسام ... ههههههههههههههههههههههههههههههههه
فات هاليوم الحلو وهالمه الحلوه على حس صوت جدى اسماعيل الا جايته مراهقه بعد مافات 85 واما حناى وريده فاققرت تطلق وتعيش حياتها وتشوف نصيبها ... ووسام يحاول يرجعهم لبعض ... ونهال وضيفتها تضحك بس ...
روحت نهال وخالتى سميره للحوش ... مع ساعه 12 فى الليل وهنا روحت نهال ولبست بيجامتها وطفت ضى وخشت لسريرها وتكت وقعدت تتفكر فى كل لقطات الحلو الا صارت بينهم وفاتحه الاغنيه .. لحدمااتصل وسام ..
نهال .... الوو <3
وسام ..رقدتى حبيبتى ؟؟
نهال .... لا مازال ؟؟ بس خلاص برا ارقد انت حبيبى لانا بكرا طيارتك ساعه 7 ولازم ماتكون قبلها بساعتين فى مطار يعنى اكيد بتنوض انت وساعه 3 فى الليل .. يعنى دوبك ترقد هالساعتين باش تقدر تفيق <3
وسام ... خلاص حبيبى <3 تصبحى على خير ومانوصيكش .. ردى بالك من نفسك <3
نهال ... حتى انت ... تمشى وتجى بسلامه <3 وطمنى عليك او ماتوصل <3 سلام <3
وسام ... اوك حبيبى .. سلام <3
وسام ... استنى <3 اقرى رساله قبل ماترقدى <3
نهال .. اوك حبيبى <3
سكرت نهال تلفون وفتحت الكميدنو وطلعت رساله وفتحتها وهنا كان وسام كاتبلها <3
يتبع
