بيت جدي

4

منقولة
<3 حوش جدى <3   

الحلقه الرابعه .....

نهال .... وسام شدنى وسااااام ..
نهال ... خيررررررررك .. شن صارلك ؟؟
نهال ... حاسه بدوخه غريببببببه ... وسام غير شدنى بنطيح ..
وسام ... اركبى .. اركبى ... خلينا نمشو للعياده ..
نهال .... ااااااه راسى ... راسى وسام بيتفجر صداع رهييييب ..
وسام ... اتحملى شوى حبيبتى ... شوى ونوصلو ...
نهال .... اوك ... اااااه ياربى ....
ساد الصمت فى سياره ... ووسام ماعرفش كيف يتصرف .. وتسق دبيها لليبى السويسرى ... واول ماوصلت وخشت لدكتور هيا ووسام وقعمزو .. الدكتور قاللهم ...
الدكتور .. الف لاباس عليك .. خير ؟؟
وسام ... كنا نتعش وفى مطعم .. وفجأه واحنا مروحين حست بدوخه وبعدها صداع قوى هلبه ...
الدكتور ... اها ... طيب اول شى .. هيا كم عمرها ؟؟
وسام ... 21 سنه ...
دكتور .. هل انتى حامل ؟؟  وكم ليكم متزوجين ؟؟
نهال ... تلاته اسابيع لينا متزوجين ... ومش عارف لو حامل او لا ..
دكتور ... اوك ... الحاله هيا كم تكررتلك مره ؟؟ يعنى هل توا ولا حتى من لما كنتى بنت ؟؟
نهال ... صداع من لما انى بنت .. والاغلب كان يجينى الصبح اول مانوض وبعدها  ناخد بنادول وشوى ويمشى
الدكتور ... مافكرتيش تعالجى عليه قبل ؟؟
نهال ... لا لا هوا صداع يعنى عادى ..
دكتور ... اوووك .. انى رح نطلب من سستر توا تجيك .. تمشى معاها تديرلك شوى تحليلات ..
نهال ... اوك ...
اتصل دكتور بى معمل تحليل وطلب من سستر تجى ... وجت سستر ورفعت نهال ... بينما وسام قعد مع دكتور ... واول ماطلعت نهال .. وسام قال لدكتور ...
وسام ... اه دكتور .. شن مشكله ؟؟
دكتور ... والله احنا بنديرولها مجموعة تحاليل من ضمنها الحمل .. وفقر الدم  ومجموعة تحليلات اخرى .. بس نصيحتى ليك ... ترفعها لدكتور مختص ... يعنى دكتور مخ واعصاب ... لانا صداع الا عندها ... من وهيا بنت ..
وسام ...  شنى يعنى دكتور؟؟ فى شى ؟؟
الدكتور ... لا لا ان شالله خير ... بس من باب الاطمئنان انى رح نحولك لدكتور المخ واعصاب .. وعلى مااعتقد مناوب اليوم ...
وسام ... اوك وتحاليل امتى تطلع ؟؟
دكتور ... محتاجه متع من 3 ايام الا اسبوع ...  اسم المريضه شن ؟؟
وسام ... اوك  ...  نهال محمد ..
خدى وسام الورقه من دكتور .. وشويه وجت نهال ... وهنا خداها ومشى للريسبشن ... خدى رقم عنددكتور مخ واعصاب .. وقعمزو فى الانتظار ... لحد ماخشو لدكتور ...
وسام .... السلام عليكم ..
الدكتور  .... وعليكم سلام .. اها ان شالله خير ؟؟
وسام ...  والله يادكتور .. كنا عند دكتور صحه عامه وحولنا عندك ... واهى الورقه ..
دكتور ... اها ... اها ... صداااع .. من امتى يانهال صداع هوا ؟؟
نهال .... مش عارفه يجينى على فترات متباعده ..
دكتور .. اها ... باهى اغلب الوقت امتى يجيك ؟
نهال ... الصبح اول مانوض ..
الدكتور ... هل احيانا تتقئ ؟؟ او تحسى بدوخه ؟؟
نهال ... لما كنت بنت احيانا .. يعنى مره كل شهر ممكن وصبح .. وتوقعت انا يكونو اعصاب معده ..
دكتور ... هههههه طبعا احنا ليبين .. نشخصو ونعالجو نفسنا بنفسنا ..
وسام ... ههههههه كلهم قارين الطب فى حياشهم ..
دكتور .... باهى اخر مره امتى حسيتى روحك بترجعى ودختى ؟؟
نهال ... مبكرى .. حسيت روحى بنطيح دوخه وبنرجع ..
الدكتور ... اى اى فهمتك .. طيب تحسى عندك تختر فى اطرف ايديك ورجليك ؟؟
نهال .. لا ماحسيتش
دكتور ... اوك انى حاليا رح نطلب منك صورة رنين ... وان شالله خير .. خليك لحظه .. وسستر رح تجيك ...
وهنا مافاتتش خمسه دقايق لين جت سستر وخدتها .. واول ماطلعو ... وسام قال لدكتور ..
وسام .. اه دكتور طمنى ..
دكتوره ... << تنهيده >> والله مش عارف بزبط شن نقولك .. بس خلى لين نتأكد قبل .. يعنى مانستبقوش الاحدات ..
وسام ... دكتور انت اكيد عارف من الاعراض شن فى .. قولى فى شن شاك ؟؟
دكتور .... والله على حسب الاعراض وان شالله مايكونش هكى .. بس اشك انا عندها سرطان ..
وسام ... سرطان شنى ؟ امتى ؟؟ قصدى مافيها شى .. انى نعرفها .. دكتور شن تقول انت ؟؟
دكتور .... اعراضها اعراض سرطان فى دماغ .. وهدا سرطان خبيت جدا .. واعراضه بطيئه جداااا لدرجه انا ممكن شخص نفسه او عائلته مايحسوش انا عنده ..
وسام ... شنى يعنى بتموت ؟؟ فهمنى دكتووووووور ..
دكتور ... اهدى شوى لو سمحت .. تمالك اعصابك .. احنا قاعدين مش متأكدين ...
وسام .... نسبة العلاج من مرض هوا كم ؟؟
دكتور .... مش رح نكدب عليك ... 30 %
وسام ... <<< مع وجه مصدوم وعيون مملوئات بالدمعه >> 30 % بس ؟؟
دكتور .... للاسف ...
وسام ... دكتور اكيد طب  تطور ... انى مستعد نرفعها لااى مكان .. بس قولى انا فى امل ..
دكتور ... للاسف مهما لودت بيها .. رح يقولك نفس الشى ..
وسام .... << وبدى يعيط ويخبط على طاوله >> يعننننننننى شنى ؟؟  رررررح تموت هكى وكلنا نتفرجوووو رد علياااا .. انت لاش دكتووووور رد علياااااااااااااااا ... نهال لو ماعالجتوهاش انى نولع فى عياده هيا ناااااااااار ...
دكتور ... اهدى يااخى اهدى رجاء خاص ... فى ناس فى عياده ومش ظروى شوشره .. احنا مش بأيدنا شى .. وربى هوا الا قادر على كل شى ..
وسام ... <<< قعد يخبط على حيط ونهار بالبكى ... ....لمدة 10 دقايق ... وبعدين على كرسى وقال لدكتور
وسام ...<< يتكلم ويبكى >> انى اسف ... بجد انى اسف ... انت ماتعرفش هيا شنى بالنسبه ليا .. هيا الهواء الا انى نتنفسها ... لو هيا ماتت انى نموت ... انى مانبيهاش تتألم وانى مش قادر نديرلها شى ...
دكتور .... انى فاهم وضحك وحاسب يا .. بس لازم تساعدها تجتاز المرحله هيا .. ولو بالفعل كلامى طلع صح وانى شبه متاكد . فهيا محتاجه توقف معاها هلبه للاسف ....
وسام ... << يبكى >> شنى يعنى ؟؟
دكتور .... رح تتعب فى شهور الاوله ورح تشكيك من صداع واحيانا اول ماتنوض صبح رح تقعد ترجع ...  وتحس بدوخه .... ورح تبدا تفقد فى وزنها بس تدريجيا .... وبعدها رح يبدا يضعف نظر متعها بشووى وفى الاول رح تحس بضبابه بسيطه ورح تكبر معاها لحد معاش تشوف .. ولو وصلت للمرحله  وهيا اخطر مرحله معناها .. لازم تديرو بالكم منها ..
وسام .... << صدمه ودموع >> امس كانت تقول خايفه من الموت .. واليوم انت تقولى برا قوللها انا عندها سرطان  ؟؟
دكتور ... لا لا بالعكس انى نحط فيك فى صوره بس .. باش انت تحاول قد الامكان ماتحسسهاش انها مريضه واهم شى نفسية مريض ...
وسام ... باهى .. بالنسبه للعلاج ؟؟
دكتور .... رح نحددوه بالصوره  ... لو صغير ممكن نقدرو نسيطرو عليه بالجراح هاو دواء ولو كبير فا فى الاغلب رح نبج وفى جلسات الكيماوى ... وهادى اخر حاجه ممكن نستعملوها ..
وسام ... امتى تطلع صور ؟؟
دكتور ... هيا بما انا رفعوها واكيد بتقعد ساعه تحت الجهاز وبعدها نقدرو ناخدو صوره ونعرفو .. بس ياريت ياريت ماتعرفش بالموضوع وخاصة لو انها عندها فوبيا من الموت .. لانا شى هوا رح يأتر على نفسيتها ... 
وسام ... اوك ... انى نستادنك رح نطلع برا شوى ...
طلع وسام وقعمز على كرسى وحط ايديه على راسه وقعد يخبط عليه ويبكى ....  لحد ماشاف نهال جايه من بعيد ... وهنا مسح دموعه .. وجاها ..
وسام .. اه نهولتى .. شنى توا تمام ؟؟
نهال ... الحمد لله احسن من قبل .. بس الجهاز ماحبيتاش الا خششونى فيه تقول قبر ووووو خفت وقتلهم ياندو عليك جنبى .. بس مابوش وقالو ممنوع ..
وسام ... ههههههه ياخوافه ...  انتى خودى مفتاح واركبى خلاص .. وانى نعطى لدكتور صوره وناخد منه ريشته ونجيك ..
نهال ... اوك ماتتأخرش
خدت نهال منه مفاتيح وركبت لسياره .. بينما وسام خش لدكتور واعطاه صوره ... وهنا حط صوره دكتور تحت ضى وقاله ..
دكتور ... زى ماتوقعت .. ورم خبيت فى دماغ ...  بس يعتبر مش كبير هلبه ... وعلى عموم انى مانقدر نقولك شى توا الا انى بعد ماتأكدت . رح نحولك لدكتور اورام مختص .. وهوا بعدين يبدا يتابع موضوع معاكم والخطه بضبط ..
وسام ... وسام ولا كلمه صدمه ودموع بس ...
دكتور ... كتبله ورقه وقاله ... دكتور هوا احسن دكتور فى مجال هوا ... وصعب تحصل عنده موعد الا بعد شهور .. بس انى رح ناخدلكم موعد عنده وبعون الله .. فى ظرف شهر نحصللكم موعد منه ..
وسام ... شهر كيف ؟؟ كيف بتصبر شهر من غير اى علاج ؟؟
دكتور .. ماتخافش .. مرض هوا زى ماقتلك بطئ جدااا .. وانى رح نكتلك على شوى مسكنات وشوية حاجات تانيه .. تاخدهم ... وانى بعون الله رح نعى انى نكلمه ونبعتكم ليه قبل ..
وسام .. اوك بارك الله فيك ... وماقصرتش ...
خدى وسام الاوراق من دكتور وصوره وطلع وركب فى سياره ... وقبل مايوصل لسياره مسح دموعها .. وحاول يبين روحه طبيعى ..وركب ..
نهال ... خيرك تاخرت .. خوفتنى .. شن قالك ؟؟  ماتقوليش بنموت ههههههههههه
وهنا وسام شبحلها شوى وصدمه فى وجهه وبعدين استاقض فادار روحه ضحك وقاللها ..
وسام ... ههههههههه تموتى فى عينك .. وانى لى منى بتخلينى .. قال عندها فقر دم ونقص تغديه ..
نهال ... اها ههههههههه قتلك انى خلينى ناكل خلينى ناكل لين جوعتنى ...
وسام .... هههههه خلاص من اليوم رح نحطلك سرير فى مطبخ  ونديرلك فريز توسديه <3
نهال .... وانت وين بتقعد ؟؟ هههههه
وسام .. حتى فى تلاجه مش مشكله <3  اى حقا ماقولتلكش .... بناخد اجازه وبنسافرو <3
نهال ... بجد ولا تتسهوك ...
وسام .... اى شن رايك وين عندك نيه تمشى ؟؟
نهال ... تركيا ... او لندن ... او فرنسا ... شن رايك ناخدوها شنجل .. هههههههههههههههه
وسام ... ههههههههههههههههههههه خليك فى لبييا خير <3
نهال .... تعرف ياوسومه  <3 نحببببك هلبببببه <3 ونبى نجيبو 6 صغار <3 اى اى ... 3 ولاد و3 بنات ... ولاد نسموهم وسام <3 التلاته <3
وسام ... اها .. وبنات ؟؟  اكيد نهال << ويسوق >>
نهال.... لا لا حتى هما وسام هههههههههههههههههههههههههه
وسام ... هههههههههه شن قوتلك على براده هيا ... ااااااااااااااااه يارسى اااااه <3  .. 
نهال ... الحمدلله وصلنا ... سياره دوختنى <3 بس شكلهم الحوش كله راقد ...
وسام .... اى شكلهم رقدو .. راهو حتى هيا ساعه 3 فى الليل توا
نهال ... اوووووووو الوقت ماحسيتش بيه .. وفاتى اكسبريسو من عياده غبيه ..
وسام .. بكرا نعوضالك ونطلع واهم شى طمن عليك ....
درس وسام سياره فى قراج .... ووهما كيف بيركبو .. خدى ايدها وشد فيها بالقوه ... وهيا ضحكت وركبت ... بس هوا ابتسم وكان ينزف من داخل باابتسامه <3
ركبو لدارهم ولبسو بيجامت توم ... وتكت نهال على سرير ووسام خدى نقاله وتكى جنبها وبدى يقلب فيه وهوا متكى ... او بالاحرى بيحاول يبحت على مرض الا عندها ويعرف عليه شوية معلومات .. ... واول مابدى يقلب ... سكتت نهال شوى بعدين تلفتتله وقالتله ..
نهال ... وسام ..
وسام .... تعرف من توا نفكر .. زعمك كيف بنقدر نتحمل مسؤلية كل شى بروحى ..
وسام ... يعنى كبف ؟؟
نهال .... يعنى صغار وحوش وانت وخدمه ... انى مانقصدش توا .. بس بعد 3 او 4 سنين نتخايل فى روحى ...
وسام ... وانى شن ندير .. اكيد رح نكونو مع بعض
نهال .... ربى يخليك ليا يارررب <3 وعلى قولت جدى <3 اجعل يومى قبل يومك <3
وسام .. << فجأه انتفض وقاللها >> معااااااش تقولى هكى ...
نهال ... خيرك تعصبت ؟؟ نبصر انى ؟؟ اصلا دعيت العكس فى داخلى  هههههههه <3
قعد وسام يشبح لعيونها شوى بعدين عيونه تعبو دموع وفى اللحظه هيا حضنها وقاللها .....
وسام ... ايواا ديما ادعى انى قبلك .. انى مانبيهاش الحياه من غيرك ..
وهنا نهال قامت راسه وقالتله ...
نهال ... هههههههههه والله احنا زوز اهبل من بعض ... وسام نقولك شى ..ماتضحكش ؟؟
وسام .... شنى ؟؟
نهال .. انى جعانه ..
وسام ... هههههههههههههههههههه نحس فيك يابنت كانا كمل التموين تولى عليا ... بالك تزيدى يابنت هكى ..
نهال ... هههههههههههههههههه لا لا مصحك .. اصلا اليوم وزنت لقيت روحى ناقصه 3 كيلو ..
وسام ... 3 كيلو ... << وتدكر كلام الدكتور وبعدين خدى ايدها وقاللها ..>> اها تمام هكى معناها انى رح نفتلكلك خلقت شكشوكه ووووووااااو وبينى وبينك حتى انى جعان ههههههههههههههههه ..
نهال ... وسام متأكد انت تعرف ديرها ؟؟
وسام .... مصحك خبير فيها ... هههههههههههه
نهال .... اوك .... يالله بينا على مطبخ ياشيف ...
خش وسام للمطبخ .... ولبس مريقه .... وربط الفوطه على راسه واستعد ...
نهال .... هههههههههههههههههههه شن علاقت فوطه مربوطه ؟؟
وسام .... ماتاخديش فى بالك نعصر فى راسى باش تطلع الابتكارت ... وبعدين لوزوم الشغل  اوووووك ... وفتح تلاجه وبدى يطلع فى  بصل .... وطماطم .. وتومه .. وفلفل ... ومعدنوس .....
نهال ... << مصدومه >> ااااااااااااااااااااااه ... انت فهمت غلط راهو مش مبكبكه ..
وسام ..... شن عرفك انتى ... هاتى زعتر ونعناع ...
نهال .... وسام انى بطنى وجعتنى من مكونات ... مكونات بروحها قلبتلى بطنى ...
وسام ... ااااااااااااااااااااااااص وهاتى 10 دحيات ..
نهال .... 10 دحيات ؟؟؟ نص طبق قصدك ... شن رايك نجيبك دجاجه تبيض فى طاوه طول ؟؟
وسام .... هههههههههههههه تى برى ياغبيه اااااااااه لامتى بس انى بنعلمك ...
وصب فلفل وطماطم مقرض وزيت صخون وفجأه ...
نهال .... وسااااااااااااااااااااااااااااااااااااااام نار ركبت ياوسااااااااااااام شن دررررررررت
.. بعد ماطفى  وسام النار شبحلها وقاللها ....
وسام .... كرملت فلفل شوى بس هههههههههههههههههههه
نهال .... اوك استمر غير بالله انى مازال نبيه الحوش <3
استمر وسام فى تطيب وطلع تلاته اربع المعايين وكسر 3 صوانى .... وحرك بى 4 كواشيك .. الا يحرك بيه مره الاوله يلوحه فى لاودينو وياخد غيره ... ونهال الصدمه مخليه وجهها زى ليمه ...
وسام .... واخيرررررررا كملت ...
نهال .... اووووووو شكلهااااا شهى <3 <3
وسام .... مش تعرفى بس ... مالا كانا نديرلك مبكبه من تخت ايدى شن تقولى <3
نهال ... ترا خلينى نضوق .. اها اها اع اع اععععععععععععععععععععععععععععععععععععععععع
وسام .... خيرك ؟؟
نهال ... لحظه بس << ومشت تجرى للحمام .... >> ورجعت ... ووهيا كيف خشت ... هوا خدى كسرة خبزه وغمسها وحطها فى فمه ... وفجأه عيونه حمرو وطلع دخان من ودانه وقاللها ...
وسام .... دقى على ظهرى دقى ...
وطبعا نهال ماصدقت قاللها دقى بس ...
نهال .... خيرك ؟؟ مش حلوه وتهبببل ؟؟
وسام .... تسقفلى الفم لا عرفت نطلعه ولاعرفت نزله ... ااااه ياربى ... وانتى ماصدقتى قوتلك دقى .. ظهر قريب لصق فى بطنى ..
نهال ... ههههههههههههههه باهى كمل خيرك ؟؟
وسام .... اها .. لا لا سخونه .. خليها لغدوا باش تبرد كويس ... وغدوا ناكلها ههههههههههههههه ... خلينا توا نرقدو لانا فجر ادن ....
نهال ... نعمممممممممممم ومطبخ هدا من بيظمه ان شالله ...
وسام ... انتى على منى تلمحى بزبط ؟؟
نهال ... انى مانلمحش ... لان كانت الا رح تساعدنى ..
وسام .... شنى خديتى عليا شورك وعطيتك وجه ... ااااااااااااااااااه يارسى اااااااه دوووووخه دووووخه شدينى يانهال خلاص بنطيح ... ارفعينى لدار نوم بسرعه ..
نهال ... بجد ولا تتسهوك ؟؟
وسام ... انتى غير ارفعينى ونشرحلك فى طريق هههههههههههههههههههههه
بس رغم المحاولات المستميته فى الهروب من من مطبخ ... الا انا مطبخ كله تنحى من جلده ونهال اكتفت انها تقعمز فوق رخامه تهدرو وتضحك <3 وهوا كرهها للمليون ...
وسام ... ااااااااااااااااااااااه خلاص ... بنرقد .. معاش نعرفك لغدوا ... حولى .. انى ريحتى على اخر زمان تومه ووركينه ... حسيت روحى للحظه ام العيال ..
نهال .. هههههههههههههههههههه والله هكى يجيك نوم احلى ... تصبح على خير حبيبى <3
ومالحقتش تتلفت باش يرد عليا لين لقاته يجبد فيه تلاته تلاتات وفى سابع حلمه <3
فاقت  نهال مع ساعه 2 ظهر ولقت وسام مش جنبها .... فا تكسلت شوى بعدين  ناضت وقعدت تضم فى سريرها ...  وخشت للحمام غسلت وجهها وحكت سنونها وبدلت لبسها وتوضت وصلت .. وبعدين لبست وشاحها ونزلت ....
نهال ... صباح الورد <3
خالتى ... صباح الورد على عروستنا ... شكلكم امس روحتو موخر ...
نهال ... والله ماروحنا ورقدنا الا بعد فجر ... امس ولدك فجر المطبخ  وقعدنا فيه لبعد الفجر ...
خالتى ... ههههههههه اللطف ياربى ... علاش ...
نهال .. جعنا نص الليل دار روحه فالح ... خالتى ... حناى نايضه ؟؟ نبى نسألها ؟؟
خالتها .. اى اى لحقى عليها قبل ماتاخد غفطه ... .. خيرك يابنتى ؟؟
نهال .. مره مره تجينى دوخه ..
خالتها .... وتحسى بروحك بترجعى ؟؟
نهال .. اى ياخالتى ..
خالتها ... رووووووووووووووووووووووووووووووووووووووى اف الف مبروك يابنتى عقبال مانشوفوه بين ايديك يارب ..
نهال .. خالتى وانتى شن عرفك ؟؟
خالتها .. خبره يابنتى مالا الاعندى هادم شنى <3
نهال ... ههههههههههههه <3
وفحاه خش وسام للمطبخ وقال ..
وسام ... ياما ؟؟ شن فى ان شالله خير ؟؟
امه .... جيب البشاره <3 مرتك حامل ..
وسام ... وكيف عرفتى ؟؟
امه .... حلوه هادى .. عرفت وتم <3 غير ماتناسانش فى بلكلاوه بس ...
وسام .. غير كانا كلامك صح .. خودى منى احلى هديه << وابتسم ابتسامه صفره وطلع .. واول ماطلع نادى على نهال وقاللها ..
وسام ... نهال ... امى كيف عرفت ؟؟
نهال ... مبكرى شوى دخت فى مطبخ ... فاسألتنى قتلى تحسى روحك بترجعى ودوخى ؟؟ فتلها اى ..  بس انت خيرك مش فرحان وكان خبر ماكانش ليه عند قيمه ... وسام انت ماتبيش منى صغار ؟؟
وسام ... لا ياروحى علاش تقولى هكى .. بس مرات امى تتوهم ومانبيش نعشم روحى لين يطلع نتجية تحليل متع الحمل ... دقيقه بس حبيبتى تلفونى يشرين ...
ومشى وسيبها بسرعه وركب لشقته فوق ... وقعمز على سريره وقعد حاط ايديه على راسه ويفكر فى مليون الف شى شى  وبعدين خدى رقم دكتور واتصل بيه وقعد يسال فيه على حالة نهال اكتر ...  بس واتناء حديته ... نهال ركبت فوق لانه حساته متغير ... واول ماركبت للحوش وخشت لدار نوم وشافها نهى تلفون بسرعه وسكر لانا تلفونه واضح منه صوت ... وهيا اول ماشافت هالشى قالتله..
نهال .... وسام خيرك شن فى ؟؟
وسام ... ولا حاجه ...
نهال ... فى منى كنت تكلم ولا شفتنى ارتبكت وسكرت وسام ..
وسام ... نهال قولنا مافى شى .. خديتى دواك ؟؟
نهال .. مانبيش ناخدى شى وسام .. فىك شى متغير ...  ورح نعرفه توا اوبعدين .. << وطلعت وسيبت الحوش >>
نزلت نهال لوطه وحطو الغدى وتغدو .... ووسام يحاول يشبحلها بس هيا ولا كأنه تشوف فيه .... وبعد ماكملو الغدى ... وغسلو معاين .. استأدنت من خالتها وركبت فوق باش توتى روحها قبل ماتجى صاحبتها اميره ...
واول ماركبت .. درت دوش .. ولبست قونه بيضه .... وسوريه بدون كمام جينز .. وكندره بيضاء .. وقامت شعرها بى لقطه بسيطه .. وبخرت حوشها ... واول ماخشت لدار باش تبخ ريحه ... طق طق حوشها ...
نهال ... واخيررررا جيتى <3 من الا فتحلك باب ؟؟
اميره .. تراق ولى منو ؟؟ امجد ... بس انى طنشته زى ماقتيلى هههههههههههه
نهال .. انتى برى على خطتى صح زى ماانتى ماشيه .. وكانا ما جابش خالتى وخطبك مانبداش انى نهال <3 وانى قتلك رح يجى ويكلمنى صح .. وانت قريب غلطتى وكلمتيه ... اهو شوفى توا لما استكردتيه كيف يجرى وراك <3
اميره ... ههههههههههه والله الا صح مايبوش طيب .. بس قوليلى شن ندير حاليا لما بيركب ...
نهال .... ماتاخديش معاه وتعطى وحتى يكلمك دوب ماتردى عليه وانى طبعا مفهماته انك  ماتندريش وانى بنخليه يكلمك بدرقه لما انى بنززل لخالتى ودروحنى بنقص كيكه وبندير شاهى لوطى .. وانتى اول ماتشوفيه ديرى روحك تفاجئ وبتروحى ... وتعصبى .. وحتى يحاول يقنعك ... قيمى خشمك .. وصدقينى هوا هكى رح يكرش فيك اكتر <3
اميره .... اوووووووك
اميره .... باهى كلميه من توا <3
نهال .. ياخفيفه مش هكى واضحه هكى .. مصرع انتى خشيتى لين بنجيبلك شاهى .. ااااااااااااااه ياربى اه لامتى بنعشيلكم انى بس ..ههههههههههه مهم ... شن تشربى ؟ منجا ولا خوخ ؟؟
اميره ... الا هوا مهم طقى فى شاهى هههههههههههههه
حطت نهال عصير وشربوه وبعدها قالتلها ..
نهال .. انى توا بننزل باش نطيب شاهى لوطه وبنتسبل انا فوق مافى حشيش .. وبنقوله يركب بس .. وانتى زى ماقتلك .. وكانا كبسكم وسام انى مانعرفكش ولانعرفه ههههههههههه
اميره .... اوووووك استنى نبخ برفان .. مكياجى مواسى ؟؟ تمااااام انزلى ..
نزلت نهال لوطه ولقت امجد يستنى فيها فى جنان فاغمزتله وركب ... واول ماخش للحوش  وبيتكلم مع اميره ... اميره بدت تكشخ وخشت فى سيناريو بقوه واندفاع ... وهنا على ركبت وسام لشقته ... سمع امجد يقول ..
امجد ... غير نقصى صوتك بالله ماتفضحيش بينا ... نقصى صوتك وانى والله ماخنتك وانتى تعرفى هالشى ..

وهنا وسام وقف مصدوم قدام الباب وبعدين حط ايده على الباب وخش ..
وسام ....

يتبع