#منقولة
<3 حوش جدى <3
الحلقة الخامسه <3 <3
وفى اللحظه الا نهال بترد عليها ... خش وسام وقاللها ...
وسام .... شن بنت عمتى انخطبت الف الف مبروك ..
وهنا نهال انصمتت ومعاش عرفت شن تقول وحست بموس طعنها وقعدت تشبح لخالتها وقالتلها ...
نهال ...... اى شبه موافقه على موضوع ان شالله ...
خالتها .... ااااه معناها واخيرااا بنشوفو نهال عروسه <3
وسام .... هيا نستادن انى بنطلع <3
امه .. اسمع وسام تعالى حقا بنقولك حاجه ...
وسام ... انتى ديمااااا تتفكرى كلمتك فى لحظه الاخيره .. خير شن فى ؟؟
امه .... بعد ساعه تانيه بنمشو انى وعمتك وحناك لوادى الربيع ... ترفعنا ؟؟
وسام ... وخيره بوى مايرفعكمش ... وشن عندكم غادى ؟؟
امه .... عندنا عزى غادى .. جارتنا الا كانت جنبنا من 23 سنه فاتت .... هديكا ام فتحى ... الا حولت سنه الا فاتت لوادى الربيع .... ولدها ينارى قتلوه .. وانت عارف قداش كانت طيبه وخاشه فى العيله كلها وصحبات هيا وعمتك من زمان ... وراجلها عنده افضال علينا وفى القرض الا خداه بوك . ... بوك شبحه بالهون فى الليل انت عارف ... . مهم ترفعنا ولا نكلم امجد ؟؟
نهال ... خالتى وانى شن بيصير فيا ؟؟؟
خالتها ... اقعدى جنب جدك وخالك لين نجو .. حنا بالكتير ساعه 11 نكونو هنا ..
وسام ... لا لا توا نتفاهم انى وامجد يرفعكم ويجيبكم
امه ... ماشى خلاص وهونى عشاك تلقاه واتى انت وبوك وقصى وجدك
.نهال ... وانى مرات بعد المغرب نكلم خالى يرفعنى لحوش صاحبتى ... خالتى ماشى .. وامى توا نقوللها ..
خالتها ... خلاص تفاهمى انتى وامك وخالك مايقولك شى ..
نهال ... اوك خلاص توا نمشى توا نكلمها ... بس توا فى شى نساعدك فيه قبل مانطلع من مطبخ ؟؟
خالتها ... لا لا سلامتك خلاص واتى كل شى على تسخين بس .. وحتى انى بنطلع خلاص ..نمصمص معاين الا فى حوض بس ..
نهال ... خالتى برى انتى دوشى وانتى توا نغسلهم منك <3
مشت نهال للحوض وبدت تغسل معايين .. وخالتها طلعت من مطبخ ... .. غسلت نهال كل معاين ومسحت ايديها وطلعت من مطبخ ومشت لصالون ... تفاهمت مع امها وكلمت صاحبتها وقالتلها ...
نهال .... ايوا سلمى شن اخبارك
سلمى .... تماااااام شنى منين جاتك واتصلتى بيا .. قبل انى ديما الا نتصل بس ..
نهال ... ماعنديش رصيد سكرى فمك واسمعينى ههههه اليوم بنجى نكسد عندك .. عااادى ...
سلمى ... والله ياريت لانى فى حوش بروحى مكسده .. ماما وخوتى مشو لحوش خالى عازمينهم وانى تعرفينى مانحبش نمشى للمناسبات العائليه هياااا ..
نهال ... معناها بروحك فى حوش ؟؟
سلمى .... انى وخوى مقدام بس .. انتى تعرفيه مش رح يقعد فى حوش لانا عنده محل العشيه ويرجعله بعد صلاة مغرب على طول ..
نهال .... اوك معناها توا نجيب فطورى ونفطر معاك ...
سلمى ... نهوووله ممكن طلب ..
نهال ... شن رايك انتى تتصلى وتطلبى ههههه لانا رصيدى بيتم فى طلباتك ..
سلمى ... هههههه باه مبردك سكرى هيا ...
نهال ... اووووك ههههه <3 سلام ..
سلمى ... طوووط طوووط ... ايوواا ايه شن كنت نقولك .. ايوا
طلب هو.... جيبى القمر وسام معاك <3 وصدقينى هوا عاقل مش رح يهبلك هههههه ..
نهال .... هههههه حقا ماقولتلكش ؟؟؟ امس جونى خطاااب ..
سلمى ... تبصررررى ... ؟؟
نهال ... توا نحكيلك لما نجى ... مهم كلمى سندس واميره بالك يجو ..
سلمى ... خلاص سكرى هيا خلى نكلمهم .. اصلا ماتحلاش القرمه الا بيهم <3
نزلت نهال وقعدت فى حوش جدها وسقدتهم مع ساعه 3 ظهر ... ولما جت بتركب تكلم خالها .. لقاته راقد فامحبتش تنوضه وقالت توا ينوض العصر ونقوله يحطنى ..
قعدت نهال تستنى وتستنى ... والعصر ادن وخالها مازال فى سباااات عميق ... وفجأه مع ساعه 6 سمعت خالها يسخن فى سياره فاتنطرة وهيا فرحانه باش تقوله ..
نهال ... خالى حبيبى ممكن طلب ..
خالها ... نعم بنتى ..
نهال .... تحطنى عادى توا فى حوش صاحبتى ؟؟
خالها ... والله يانهال معزوم على عشاء انى وبوك ومافيهاش كيف ومشوار طويل .. خليها مره تانيه وخلاص ..
نهال .... بس انى كلمت بنت .. قصدى مافيهاش بكل .. حتى بابا قصدك طالع معاك ؟؟
خالها ... كلمى وسام يحطك ... مايقول شى ..
نهال ... لا لا خلاص مش لازم ..
خشت نهال وكلها خيبت امل ... خشت لحوش جدها ودموعها بينزلو على حظها الاسود ... وفجأه وصلتها رساله مكتوب فيها ..
سلمى ... << ايوا نهوله ... نستنو فيك راهو والكل جاى ... وقالولك جيبى القمر معاك >>
نقهرت نهال ودمها نحرق وشبه بدت تيأس من موضوع وفجأه ناضت من على مندار وحطت وشاح على راسها وركبت فوق ... وطقت على حوش خالها .. طقت المره الاوله واستنت شوى وبعدين طقت مره تانيه واستنت شوى ولما عرفت انا حتى وسام طلع ... فاتلفتت ونزلت ... واول مانزلت اول درجتين نفتح الباب ووقف وسام فم الباب وقاللها ...
وسام ... اه نهال تبى شى ؟؟
نهال ... كنت نحسابك طالع بس ..قبل نبى ..
وسام ... كيف خشيت بندوش .. ولما سمعت طقطيقت باب لبست حوايجى وطلعت .. اه شن فى ؟؟
نهال ... عادى ترفعنى حوش صحابتى لو مافيهاش ازعاج بعد ادنك ؟؟
وسام ... تواااا ؟؟؟
نهال ... اى ..
وسام اوك بدلى حوايجك .. لبين مانغسل ونطلع .. ماشى .. << وخش للحوش ورد باب وراه ..
نهال ... يااااااااااااااااااااااهوووو .. واخيرا طلع منه فايده غير نكد واللسان الطوويل ..
وفجاه وسام طلع راسه وقاللها ..
وسام ... نعم .. قولتى شى ... كانى سمعت شى..
نهال ... لا لا انى عطست بس <3 <3 خلاص خش دوش ..
خش وسام وضحكه من شق لشق بدون اى سبب ونهال نزلت وكدلك الابتسامه من شق لشق ..
خش وسام للحمام وكالعاده ساعتين باش يحلق ويغسل ويلبس ووشعره ولازم منو .. بينما نهال لبست وقعدت فى جنان طالعه خاشه .. خاشه طالعه .. وفجاه لقت ساعه 7 ونص .. وخلااااص فاض بيها فاقررت تركب ..
ركبت وقلبها يدق ... وخايفه انا تلقى وسام كيف طالع من الحمام بتقه وتحكم .. وفجأه قالت ..
نهال ... وووووواه شن الافكار شيطانيه اهيا .. خيرنى حتى انى ..
ركبت لشقه حوش خالتها وطقت الباب لين دهشت ومافتح حد .. برغم انا باب كان مردود ... بس من باب الاستأدان طقت ...
ولما ما رد عليها حد خششت راسها زى فار من باب باش تشوف وسام وين .. وقعدت تفكر شوى وبعدين خشت للباب .. وسمعت صوت شيشمه مفتوحه لانه شكله يحلق.. فا شدت ايديها شوى لانا حست اللقطه بايخه انها تخش هكى والحوش فى هوا بس ... بس فى نفس الوقت شافت لساعه لقت ساعه 8 الا ربع .. فا ندفعت وطقطقت باب الحمام وقالتله ..
نهال ... وسام انى اسفه انى طقيت عليك بس مازال ؟؟ ساعه 8 الا ربع ..
وسام .. لا لا خلاص تميت ... تلقى مافاتيح سياره فوق الانترى الا فم الحوش .. سخنى سياره لبين مانزلت هيااا ..
خدت نهال مفتاح سياره .. وتنهدت تنهيدة خوف ونزاح .. ونزلت بسرعه من شقه وفتحت سياره وقعمزة فيها وسخنتها ..
ووسام مافاتتش 5 دقايق الا ونزل يدرج ... واول ماشافها قاللها ..
وسام ... قصدك انتى بتطلعى هكى ؟؟؟
نهال ... ايه ...
وسام ... وعندها صاحبتك خوت ولاد ... ؟؟
نهال ... اى عندها مقدام ..
وسام ... اااااااااااااااممممم مقدااااااام صارررر ... باهى يامقداااام انتى خشى وبدلى لبستك ..
نهال ... شنننننى قولت نبدددددل لبستى .. تبصر انت مالا ؟؟؟
ونزلت من سياره وخشت وقالته...
نهال .... نبدل حواااايجى ... لا لا اسفه ومانيش ماشيه مااااااشى ... خلاص هدا مانقص انت بس تقولى غيرى لبستك .. منى انت ؟؟ خطيبى ولا خوووى ...
وهنا وسام مسح باايده على لحيته ووبدت علامات العصبيه تبات على ملامحه .. وبعدين هيا بدت توخر وهوا يقدم لحد ماتكت على حيط وهنا حط ايده جنب وجهها وقاللها بصوات واطى ومتعصب ومستفز وفيه نبرة سيطره وغيره وهلبه مشاعر مش مفهومه ...
وسام ..... ااااااااااااص ..... كلمه تانيه عندى تفاهم تانى معاك ماشى .. سروالك مشحوط وجاكيت قصيره وعندها ولاد فى حوش فالدلك .. كلمتى تتنفد بالكلمه وحده ... برى غيرى حوايجك ونستنى فيك فى سياره ... ومن لحظه هيا اعتبرنى راجلك ماااااااشى ...
دمعو عيون نهال وكانت الدمعه مختلطه بالصدمه .... وتلفتت باش تخش زيها زى المراه طيبه تغير لبستها واول ماوصلت لفم عتبة حوش جدها قاللها ..
وسام .... نستنى فيك فى سياره .. وعلى فكره لبستك عجبتنى هلبه بس مش ليهم تلتبس وغمزلها <3
خشت نهال ومافتتش 5 دقايق الا وبدلت حوايجها وطلعت واول ماشافها طرم شواربه القدام وشبحلها وقاللها ...
وسااام ... ااااااااااااممممم مش بطاله .. اركبى توا ...
نهال ... بنركب التالى .. << وفتحت باب وركبت >>
وسام ... برغم انى مش سواقك .. بس هدا شى يرجعلك براحتك ...وتلفت قدام وضحك ...
ساد صمت للحظه فى سياره ... وكسر وسام هالصمت وقاللها ...
وسام ... هاتى رقم تلفونك ..
نهال ... علاش ؟؟
وسام ... سؤال دكى بصراحه ... علاش يعنى .. واضحه باش لما بتروحى تكلمينى ...
نهال .... - - - - - - -092 ...
وسام ... خلاص ... لما تكلمى كلمينى ... ومش شويه وتانيه اتصالات ... بنقعمز جنب صحابى ..
سكتت نهال ... وكان لقت ملك موت طلقاته عليه ... وماوصلت لحوش صاحبتها لين خلينى ونخليك ...
وصلت نهال للحوش صاحبتها ومافاتتس 3 ساعات لين بعتلها رساله وقاللها ...
وسام ... مازال ؟؟
وردت عليه ..
نهال ... اى مازال ..
وبعد ساعه تانيه بعتلها ..
وسام .. مازال ... بنرقد انى ؟؟
بس الرساله تانيه ماشفتهاش نهال لانها كانت فى توليت فاخدت سلمى تلفون وفتحت رساله وقرتها وبعدين قعدو يضحكو وكتبوله ....
... << علاش استاحشتنى >>
واول ماطلعت نهال من حمام وشافتهم شادين تلفون ويضحكو ... جت تجرى وقالتلهم ..
نهال ... شن فى خيركم تضحكو شن فففففى ... هاتى تلفون سلمى وبلا براده هااااااااااااااااااااااتى .... حى علياااا حى بجد انتى كتبتى هكى .. خيرررك انتى بجد مبردك . حاولى بالله عليك خلاص ...
سلمى ... هههههههه قوليله صاحبتى .. باهى هوا عالق بالعرض هههههه
اميره . ... اااااااص وصلاتك رساااااااله صحححححح
نهال ... اااااااااااى من وسااااااام ..
سلمى وسندس ... افتحيييييييييييييييييييها بسرعه شن رد عليك قووووووولى
نهال .... دقيقه اهوا بنفتحها ...
يتبع
