#منقولة
حوش جدى <3 <3
الحلقه التانيه عشر .... <3 <3
وهنا وسام ابتسم وسكت شوى وقاللها ...
وسام ...... نهال
نهال .... نعم ...
وسام ..... فى اغنيه كل مانسمعها نتدكرك ..... نبيك تسمعيها توا ... لانى حاليا نسمع فيها ...
نهال ... هههههههه وسام مانندريش عليك رومانسى ياشعبوله ههههههههههه
وسام .... والله ماتتحشمى انتى باهى وشكلك تبى من يحمر عينه بس ... بلاش سكرى هيا اصلا انتى متع مشاكل بس سلام ..
نهال .... استننننننننى هههههه خلاص نبصر عليك والله ... ورينى هيا ...
وسام ... مصحك بعد مانسكر اسمعيها ... توا خلاص انتهت الفرصه متاحه
نهال ... لا لا حرام عليك منين بنلقاها انى هيا سمعهالى توااااا ... انت منين تسمع فيها ؟؟
وسام ... لاب توب ... وعلى فكره اول اغنيه نسمعها بالعربى ههههه شدت مره هادى ...
نهال ... استنى من يغنى فيها قبل ؟؟
وسام ... امممممم اعتقد ايهاب توفيق << تصدق باايه >>
نهال ... اوك افتحها ترا ...
وسام ... استنى شوووى ... اوووك
<< حبيبى تصدق بايه
قلبى معرفش ليه
اول ما شافك نداك
قال ده الى هموت عليه
انا الى بسال عليك
بتوه وانا بين ايديك
بجد انا نفسى اعرف
انا ليه مهتم بيك
غيرت فيا حاجات فى يومين كده اتغيرلى حالى
نسيت كل الى فات مع قلبك انت ايه جرالى
حبيبى معاك بحس انا بالامان >>>
وسام ... << نحى تلفون من لاب توب وقال >> الووو
نهال .... مع رشفة خشم ومسحت دموع .... نعم
وسام ... خيرك ساكته ... تكلمى ..
نهال ... حلوه الاغنيه .... ااااااه انت ماعندكش شى تقوله ؟؟
وسام ... اى عندى ... اااااااه ... نهال انى مش عارف كيف نبدا بس انى طول عمرى حلمت انا البنت الا رح نرتبط بيها رح تقدر تغير فيا حاجات انى مش حابها فى نفسى ... وكنت نتمنى انى نلقى بنيه حنينه وطيوبه وشريره واهم شى تعرف تمتل فى المحن والمواقف الصعب هههههههه ..
نهال .... هههههههههه <3
وسام .... وانى تاكدب انى لقيتها بنت هيا ... بس خايف انى نكون جيت متاخر ... وخايف يكون .. .. الحب ... من طرف واحد بس ... وهيا مش مبادلتنى نفس الشعور ....
نهال ..... وسام ... ماما .. صوتها خاشه لدار سكر تواااا وبعدين توا نكلمك ..
وسام .... اوك .. سلام ...
طفت نهال نقال ودارت روحها رقدت ... وامها خشت عليها وقعمزة جنبها وعرت عليها اليرغان ومست جبهتها فالقت مافيش حراره ... فا قعدت تنوض فيها وتقولها ...
امها ..... نهاااااال ... نهاااال .... نوضى بنتى باش تتسحرى قبل ماتولى ترقدى ... وتصلى العشى نوضى بنتى ...
نهال .... اوك ماما .. اهو نايضه ...
امها .. شن حالك توا تماااام ..
نهال ... الحمد لله احسن من بكرى ..
ناضت نهال من سريرها وخشت للحمام باش تتوضى وتصلى .... وبعدين خشت للمطبخ وهنا لقت امها فى مطبخ فاقعمزت جنبها ودارت روحها متعفلقه ... واول ماشافتها امها هكى قالتلها ....
امها ..... كلمت خالتك مبكرى ... وحكيتلها كل الا صار ...
نهال .... شن قصدك ؟؟؟ حكتيلها على كلام الا قوووولته ؟؟؟
امها ..... ااااايه .... حكيتلها باش نفهم منها قبل مانخسرو بعض .... مادما ولدها هرب ... انى مش طرطوره هنا
نهال .... علاش انتى تتصرفى هكى ... لهدرجه انتى ماعندكككككش تقه فيا .... لو انتى مش واتقه فى بنتك علاش بعتينننى قووولى ... شن منظرة انى قدااام خالتى قووووولى ... بالله شن ردت عليييك قولى ؟؟
امها ..... قالتلى مافيش منها دواه هيا وانى حتى وسام بنمشى نخطبله بعد العيد ... على بنت الا كلمنى عليها امس ..
نهال << جتها طعنت سكين فى قلبها وقالتلها >> ....
نهال ..... ارتحتى تواااااااا .... تهنننننى بالك ... اهم شى انك حطيتنى فى موقف زى زفت قدام خالتى بس ...
امها .... استنى نهاااااال ... استنىىىىىى وين ماشيه .... نكللللم فيك ...
خشت نهال لدارها وقعدت تبكى .... تبكى لحد ماسمعت تلفونها يرن .... واول ماشافت وسام يكلم فيها سكرت تلفون وسكرت نقال ولوحته على طول ايدها على الحيط وخشت تحت فراش تبكى لحد مارقدت ....
فاتت الليله على نهال ودموعها مغرقين لمخده .... بينما فاتت الليله على وسام وهوا طول الليل يتقلب ... وحس انا نهال ماتبيشى وقعدت هلبه افكار تلود فى دماغه ... علاش نهال سكرت تلفون فجأه وعلاش قالتله رح نكلمك وماكلمتاش وعلاش لما اتصل سكرت فى وجهه تلفون .... قعدت نار تاكل فى قلبه طول الليل .... وكل مايحس بغبائه وكيف قاللها يقعد يخبط على راسه وينوض من سرير زى مجنون ...
فاقت نهال صلاة ظهر على صوت امها تقوللها ....
امها .... نهاااااااال نهااااااال .. نوضى كم بتوتى معاى حاجه قبل مانطلعو ....
نهال ... اووووف صبح يافتااااح ... << طلعت نهال من دار وقالتلها ....
نهال .... وين ماشيين ؟؟
امها .... قولى حتى صباح الخير قبل ...
نهال .... صباح الخير ....
امها ... ماشين حنا وحوش خالك فرج للبحر وبنفطرو غادى ...
نهال ... خلاص برو انتم ... وخلونى مع جدى وحناى مانيش ماشيه
امها .... حناك وجدك ماشين معنا ... ومش رح تقعدى فى حوش بروك لدا بتمشى ومافيش نقاش ...
نهال .... خلاص توا نقول لبابا بنقعد فى حوش بروحى ..
امها ... نهال ماتخلينش نتصرف معاك تصرف تانى عيب اظنى انك مش صغيره وكلامى واضح ... وتوا ابدى ديرى ابدى ديرى بيتزا ...
بدت نهال تدير فى بيتزا وتسحن وتترد على امها .. ونهال كانت عارفه اكيد انا خالتها فهمت انها تحب وسام ... وياعالم توا كيف بتقابل وجهها وبااى وجه اصلا بتقابل ... طيبت نهال بيتزا وستفتها فى حافضه كبيره ودارت طاجين جبن وستفاته ... وبعد ماكملت امها قالتلها ...
امها .... برى لدار الخزي الا برا ... طلعى منها شويه وبساط البحر وسله وماتنسيش الكراسى بسرعه ...
نهال .... اوووووف ... اوك
مشت نهال لدار الخزين ... وفتحت نقالها ولقت وسام مكلمها 10 مرات وباعتلها 3 رسائل ... بس مابتش ترد عليه ... وعاودت سكرت نقالها ....
ومشت جابت لامها الحاجات وبدو يوتو فى روحهم ...
جت ساعه 7 بزبط ... تسقدت نهال وامها وبوها ... وتسقدو حوش عمى فرج بسياره ووسام رفع معه جده وحناه ...
وصلو البحر وسلمو على بعضهم وطرحو البساط وطاولات والكراسى وسلته مندار لجدهم وحناهم وقعمزو يهدرزو .... لحد ماادن مغرب .. بدى الكل يفطر ويهدرزو ويضحكو .... وبين لحظه وتانيه وسام يشبح لنهال ويستنى امتى تجى عينهم فى عين بعض بس نهال متجاهلته وكأنه مش معاهم ...
فات ساعه وراء ساعه ووسام على قد ماحاول يحصل فرصه باش يكلم نهال .... بس ماقدرش يوصلهاااا ...
ومع ساعه 10 فى الليل .... بو نهال حس روحه مريض وضغطه مرتفع شووى ... فاام نهال قالتله ....
ام نهال .... محمد ... نوض خمسه دقايق قيس ضغطك فى اول عياده وتعالا ..
محمد << اب نهال >> ... لا لا شن بينوضنى توا ... ومع زحمه نبى ساعه باش نوصل ....
شدو فيه الكل وتحديدا اب وسام وقاله ....
فرج .... محمد نوض ياراجل ... تى شنى هوا مشوار نص ساعه بالكتير ؟؟ برا واحنا نستنوك .. اصلا حنا قبل الفجر مش مروحين ... هيا باش تروح وتلحقنا على اول شويه دجاج لسحور ..
اب نهال .... باهى مالا خلى نوض .. وراجعلكم ماشى ... هيا تنوضى تسايرنى ؟؟
ام نهال ... هياااا اهو حتى انى نوض نقيس ضغطى معاك ...
مشت عمى محمد << اب نهال >> وهوا ومرته للعياده .... وباقى قعدو يهدرزو مع بعض .... ومافاتتش خمسه دقايق الا وعمى فرج قاللهم
عمى فرج .... هيا شنى .. ابدو ولعو شوووايه ووتوا دجاج هيا لبين ماجو ...
سميحه .... وسام .... نزلت فحم والشوايه من سيارة عمك محمد ؟؟
وسام .... ايه وحطيتها فى سياره ....
امه ... باهى نوض مالا جيبهم سلم وليدى ..
وسام .... ماشى ماشى ..
نهال .... خليك انت انى توا نمشى نجيبهم اصلا حابه نتمشى شوى ...
عطى وسام المفتاح لنهال ومشت نهال ... واول مامشت نهال ... شبحتله امه وغمزتله وقالتله ...
امه .... نوض حرك دمك وبرى مع بنت خالتك ماتخليهاش بروحها .. توا يناشبها حد ..
وسام .... مش منها طارحه بالجنى كله << ومشى >>
ناض وسام بسرعه ومشى يجرى باش يلحق على نهال واول ماوصل جنبها قاللها ..
وسام ... استنى ... مش قتلك جاكيت االبودريه هياااا وسروال هوا معاش تلبيسهم ملفتين لنظر ... ولا انتى مهم تكسرى كلامى وخلاص ..
نهال << مابتش ترد عليه >> ...
وسام .... ردددددى علياااااا ... وبعدين امس كلمتك علاش تلفونك مقفل لليوم ... رددددى يانهال والله نديرلك العار ..
نهال ... مادخلكش فيااااا وحره مانبيش نرد ... << وسرعت جريتها >>
لحقها وشدها من ايدها ودفها ليه وقاللها ...
وسام .... انت علاااااااش تتصرفى هكى معااااى ردددى انتى غبيه ماتفهمييييش ..
نهال .... ايه انى غبيييه لما فهمتك صح ...
وساام .... انى نحببببببك افهميهاااااا ... علاش تحاااولى تكسرى فيا علاااااش ..
نهال ... نصدمت وقعدت تشبح لعيونه شوووى .. وبعدين فكت ايده وقالتله ..
نهال ... انت كدااااااب ... وانى نكرهك .. << وهربت تجرى لسياره >>
وهوا هنا قعد يشبحلها شوى لحد مابعد عليه وقاللها ..
وسام ... نهااااااااااااااااااااااااااااااال ليااااااااااااااااااااااا <3 انى نحبببببببببببببببببك ... ونبى نتزووووووووووووووجك ... نهاااااااااااااااااااااااااااااااااال انتى لياااااااااا وبس .. افهميهااااااا
ضحكت نهال ومشت تجرى لسياره وقلبها قريب يطلع منها ولما وصلت لسياره جى وراها يجرى واول ماقرب من سياره بدى يشبحلها وهيا تشبحلها وقلبها يدق وقاللها ....
يتبع
