منقولة
<3 حوش جدى 2 <3
الحلقه السابعه <3 <3
نزلت نهال باش تولع سيارتها وتسخنها .. وبعدين ركبت باش تجيب نقالها من فوق ... ووهيا كيف نازاله من دروج .. يخش وسام من الباب ويشوفها ... وهيا وقفت شوى وجمدت وقلبها طاح من مكانه .. وبعدين شبحت لوطه ونزلت وتخاطفت هيا ويه كتف بكتف .. وهوا مصدوم يشبح ... ووهيا كيف فتحت باب وبتتطلع شبحلها شبحت غيظ ونتش شاربه وقاللها ....
وسام ... نهال ... وين ماشيه هكى ؟؟
نهال ... << مابتش ترد عليه >> وعلى جيت امجد >>
امجد .. نهوووولتى ... طالعه توا ؟؟
نهال ... اى علا ش فى شى ؟؟
امجد .... وين مشوارك ؟؟
نهال .... بن عاشور لكن بنخط على صحابتى قبل
امجد .... خلاص لوحينى فى طريقك ... وامك قالتلك تعالى شوى ..
نهال ... اوك اسبقنى انت واركب ..
خشت نهال لحوش جدها .. بينما امجد فتح باب وكيف بيطلع ناده وسام وقاله ..
وسام .. شن رأيك انت تتزوجها ؟؟ ماهو انى ظل هنا واقف .. وانت تسأل وهيا تجاوب . << مع تقزميطة سنون وحكة لحيه >>
امجد .... هههههههههه والله انت كريم وانى نستاهل <3 . اهى جت خلاص بلا فضايح .. سلام
هههههههههههههه
وسام .... تعالى هنااااا ... تبى 200 الا قوتلى عليهم ولا لا ؟؟
امجد ... ياسلااااااااام انت حتى مازال تسأل ..
وسام ... رح نعطيك 300 بس بشرط ...
امجد ... اطلب وتدلل مايقتلك الا دلال ... تبينى نتشقبلك زى قرد مافيش اى مشاكل << وحتى فى نص الليل ماعندكش مشكله >>
وسام ... ارزن واعقل ياولد .. شن الخفيف هوا ... مهم نبيك تعرف الكورس وين بزبط وشن اسم المكان الا فيه الكورس .. يعنى فى الليل نبى نعته تاااامه ..
امجد .... فى الليل بعووون الله الخريطه وصاحب الخريطه ورقم مدير وبيانات شخصيه على مدرس الا بيقريها تكون عندك <3 بس سلم واستلم كاااااااااااااش
وسام .... علاش محسسنى اننا عصابه وبنخطفو رهينه .. لاحول الله ياربى وخلاص .. مهم الا قوتلك عليه نبيه بالحرف الواحد ..
امجد ..... هههههههه رح تلقى كل شى طلبته بسلاطتو بى بابا غنوجو .. بس عطينى توا فايفه ورأس العزوز ..
وسام ... علااش ؟؟
امجد ... لوزم تسخين ومعدات الخطف هههههههههههههههه
وسام .... اااااااااااااااااااااااه يارب بننجلط من العيل هوا ... خود 10 وبرا درق وجهك مرضتنى ..
امجد ... يالا تشاوووووو <3
طلع امجد بينما وسام خدى بعضه وركب ... ونهال طلعت بعد الوصايا 10 من امها ..
ركبت نهال لسياره ... وامجد مقعمز جنبها وهنا امجد قاللها ..
امجد ... كورس متعك فى شنى نهال ؟؟
نهال ... انجليزى ..
امجد ... اوووووو <3 تعرفى صاحبى قداش ليه يدور فى كورس كويس
نهال ... ننصحك بيه يشكرو فيه هلببببه ..
امجد ... معقوله ؟؟ ترا بالله وين نعته ..
نهال ... افتح قجر هوا .. تلقى فيه كرت المدرسه وعنون وكل معلومات ..
امجد ... تى والله انتى الا جدعه خدمتينى فى 300 جنى <3
نهال ..... ؟؟؟ نعم ؟؟
امجد .... لا قصدى حق الكورس 300 زعمك ؟؟
نهال ... والله مش عارفه الحق .. اليوم بنمشى ونشوف ..
امجد .... اسمعى نهال نبى نسالك .. خيرك انتى ووسام ؟؟
نهال .... خيرنى .. شن فى ؟؟
امجد .... نحس فيكم مش فى سليم صح ؟؟
نهال ... هكى شى ... خوك وتعرفه .. بس انت شن موضوع الا تبنى فيه ..
امجد .... بصراحه بصراحه موضوع يخص صاحبتك ..
نهال ... من صاحبتى ؟؟
امجد ... تقريبا اسمها اميره ... .. بعدين توا نتلاقو ونحكيلك كل شى .. وانتى قوليلى خيرك انتى ووسام زى كباش الا بتتناطحو ماشى ..
نهال ... هههههههه مصح وجهك وخلاص
امجد ... خلاص خلاص نزلينى هنا ... تمااااااام .. مشكوره .. سلام ياحلوه <3 اموه اموه وسليملى على صغويره .
نهال ... حى عليك ... تى والله كانا يشوفك وسام الا مايقتلك .
امجد .. نبصر نبصر .. هههههههه باى <3
طلع امجد من سياره .. ومشت نهال وخطمت على اميره فى طريقها وخدتها ومشو للكورس ..وهما ماشين فى طريق اميره قالت لنهال ...
اميره ... تعرفى حطمونى اليوم باقى شله لما قالولى مايقدروش يسجلو ..
نهال .. حتى انى لما ركبت باش ناخد نقالى وقريتها رسالتك تضايقت الحق .. كنت نتمنى نرجعو ايام جامعه . بس يالله .. مش مشكله .. اهى انتى خير من بلاش .. هههههه
اميره .. مبردك لقيتنى فى قرارك ..
نهال ... اى دكرتينى .. ولد خالى مبكرى سألنى عليك ..
اميره ... منى ؟؟
نهال .. منى بتتوقعى يعنى .. وسام ؟؟ مصحك .
اميره ... شن مشكله مراااااات ههههه شرع حلل اربعه ..
نهال .. حى عليهاااااا هادى ... اص اص خلال حتى قبل بنقولك شى على كلمتك هيا ماك سامعتيها ..
اميره .. ونبى ونبى هههههههه خلاص توبه .. شن فى يادعوه ..
نهال ... اااااااامجد ..
اميره .. اهااااااااا
نهال ... لمحلى ومن اسلوبه الباين حاط العين عليك ..
اميره .. كداااااااااااااااااااابه .. قصدك بنولى سلفتك ..
اميره ... نهاااااااااار احرف على عار .. تى شن قوتلك بيخطبك انى ..
اميره ... ماهو اكيييييد بيدير زى خوه هههههه
نهال ... ان شالله بس نقولك كان بالفعل طلع يبيك .. لازم ماتعرفى كيف تتعاملى معاه ...لانا امجد صح فرهودى وجوه حلو ... شخصيات هيا ... ماتحبش الخنقه .. وفى لحظه ممكن تقولك انى معاش نبيك ..
اميره ... شن تقصدى ..
نهال ... قصدى من مده كيف كان مقايل لامه يبى وحده وقريب ا نتحر على خاطرها .. وتوا طلع معاش يبيها .. انى مش ننزلك فى ولد خالى .. بس نبيك تعرفى كيف تتعاملى معاه وتخليه يحبك ومايقدرش يتخلى عليك ..
اميره .. باهى شن يعنى .؟؟
نهال . خلى موضوع عليا انتى .. وكانا بالفعل يحبك رح يتغير 100% درجه .
اميره .. كيف ؟؟
نهال ... مازاله سنه ويتخرج .. لو انتى قدرتى تخليه يتخرج ويخدم معناها بالفعل هوا يحبك وشاريك .. لانا الولد لما يحب بنت .. رح يدير مستحيل باش يقدر يكون نفسه وياخدها .. وامجد لحد توا مش حاط فى باله حتى يتخرج وعاجبته هياجة الجامعه .... وماعنداش مشكله انه ياخد مصروفه من وسام وبوه ..
اميره ... خلاص فوتى موضوع ..
نهال ... << درست لانا وصلو >> يابنتى امجد يهبل ومافيش منه والله وجوه يخليك تنسى دنيا بالا فيها .. وفيه هلبه ميزات حلوه .. بس عيبه انه طايش ومش عارف هوا شن يبى ... وهوا مش محتاج اكتر من بنت طحته فى طريق صح .. وانى هدا الا نبى نوصله ليك ... وهيا توا انزلى ..
اميره .... انتى خليتى فيها انزلى .. يالله يالله ..
نزلت نهال هيا واميره وسجل وفى الكورس ووخشو لاول حصه ... وماكملت محاضره وحطتها وروحت الا وهيا وساعه 8 فى الليل ... واول مادرست الباب وفتحت لقت وسام قدام وجهها وقاللها ..
وسام .... استنيتى لحد ساعه 9 باش روحتى ..
بس هيا ماعدلتش عليه ومشت وسيباته ... وهيا فى طريق شدها من ايدها وقاللها
وسام.... انى مش كلب باش تمشى وتسيبنى .
نهال .. وانى مانعنيلك شى باش تحسابنى .. ورجاء رجاء .. الهى فى روحك بس .. ومن اليوم علاقتنا زى الاخوه فقط .. وانى مادرتش شى بدرقه على بابا فاالهى فى روحك..
وسام ... وانتى منين ليك تقررى تنهى وتبدى امتى ماتبى ..
نهال ... لانى مليت من كونك انت الا تبدا وانت الا تنهى .. خلاص .. انتهى كل شى وسام ..
وسام ... بس انى ماانتهى شى بالنسبه ليا ..
نهال .. بس انى انتهى خلاص ... ورجاء نحى ايدك لايفهمونا غلط ....
وسام ... نهال ماتستفزنيش وتخلينى يطلعو جنونى ..
نهال ... وانت ماتخلنيش نعيط ونلم علينا العيله .. ونحى ايدك وانت بالنسبه ليا انتهيت .. من حياتى . << ومشت وسيباته وقلبه بيوقف >>
وسام .... قسما بالله ماتحلمى غيرى ياخدك ماااااااشى ... انتى ليا واضربى راسك فى حيط لو فكرتى فى غيرى .
خت نهال وقربعت باب فى وجهه .. بينما هوا ضرب الباب برجله وطلع ....
خشت نهال للحوش ... وطلقت سلام على عويلتها لما لقتهم ملمومين فى مربوعه دخلانيه .. وخشت لدار تانيه .. بدلت حوايجها وخشت للحمام وقامت شعرها كوده ... وغسلت وجهها وتوضت وصلاة .. وخدت مدكرتها وطلعت فى جنان باش تراجع المحاضر هالا خدتها ..
ومافاتتش على تقعميزتها ربع ساعه لين خش امجد من الباب الخارجى وقاللها ..
امجد .... جيتى <3 خيرك جوك مش اوى .
نهال ... لا لا شى ..
امجد ... وووووه بنت خالتى ونعرفك .. شن فى ؟؟
نهال ... خوك ... بجد انى تعبت من عصبيته ..
امجد .... انتى تبيه ؟؟
نهال ... اكيد ياامجد ..
امجد .... معناها هدا خوى وتقبليه زى ماهوا ... وزى مافيه عيوب .. فيه ميزات .. ومش لانا انى خوه معناها نقولك هكى بس والله وسام طيب وكويس وانتى خوديه بالسان بس تاخدى عيونه ..
نهال .... انت تقول هكى لانا ماتعرفش عصبيته شن دارتلى اخر مره .
امجد .... شن فى ؟؟
وهنا حكت نهال على الا صار كللللله لامجد ... وقعدت تبكى ...ووهيا كيف تحكيله وتمسح فى دموعها خش وسام وشبحها ... فاقعد واقف شوى بعدين قال لامجد ...
وسام ... امجد تعالى نبيك << وركب معاه ..>> وقاله ... نهال خيرها تبكى ..
امجد ... امس حلمت بى فارس ظلام مفترى متوحش دركولا ههههههههههه
وسام ... بطل براده .. شنى ناقصك فاكو ...
امجد ... برا اسالها مالا شن دخلنى انى .... مهم .. انى جبتلك الامانه .. الكرت بطوبته ... وانت وين طلع ... جنى ينطح جنى
وسام .... افتح شنطتى .. تلقى 500 جنى خود منهم 300 وباقى قسما بالله نلاقى ناقص منهم جنى ماعاد عاطيك حاجه .
امجد .... خلااااااص وانت تعطى وتمن .. اسمع نفضيلكم جو تزيدى 10 هههههههههههه
وسام ... تى برا اقلب وجهك مبردك زفت ..
نزل وسام لنهال وهيا دارت روحها تقرا ومش لاهيه بيه وخدى كرسى وقعمز على طاوله وقاللها ..
وسام ... خيرك تبكى ؟؟
نهال ..... << صمت >>
وسام ... خيرك تبكى ردى ...
نهال ... مافى شى .. هكى لقيت روحى مكسده وسعيده قولت خلى نبكى ..
وسام ... تتمهتكى ؟؟ قولى شن فى لانى بنبدا نتكهرب ..
نهال ... تتكهرب وتعيط وتكشخ .. قصدى عيت وفديت .. انت لامتى بتقعد مهبول هكى ..
وسام ... الله غالب .. تتفكرى اول مره قعمزنا فيها مع بعض .. قوتلك يا بنتى انى مش متع حب .. انى مش متع زواج .. بس انتى قولتى شى هوا ولا موت
نهال ... شنى شنننننى ماسمعتش .. شن قولت .. هوا ولا مووووت .. الله يرحم ايام ماكنت تستنى امتى نوافق بس .. ولاندكرك بالحادت الا درته باش نوافق عليك ..
وسام .... اى بنبدوا ننشرو صابون بعضنا قصدك .. ههههه اسمعى من الاخير لا تعيرنى ولاعيرك دا الهم طيلنى وطيلك ..
نهال ... اها ماشالله لسانك نطلق ... وقلب على مصرى ..
وسام ... ههههههههههه على خاطرك نقلب حتى بكستانى ..
نهال ... على خاطرى ... خلاص توا بنقرا .. ممكن تعطينى شوية وقت ..
وسام ... اااااه قصدك اقلب وجهك يابارد يالصقه صح ..
نهال ... ههههههههههه اك طلعت دكى .. ممكن توا .. وبعدين مش حلوه يشوفنا مقعمزين مع بعض وحنا مافى بينا شى ..
وسام ... اوووك رح نوض بس نبيك تعرفى شى ... الشخص الا دار حادت وكان ممكن يموت بسبب بشخص .. صدقينى صدقينى هوا نفسه رح يدير العار لو ماخداك <3 ولبسك ياحلوه وسعيه خير ماعاش تشوفيه بكلللل .. عارفينك قنينه وجسم وتهبلى .. بس انك تطلعى بيه لغيرى ... انسيه ماااااشى .. سلام ..
طبعا نهال تشبحله ومصدومه .. هوا هدا نفسه شخص الا كان يعيط وينفرش ويكشخ ... اما بالفعل رجاله مايفهموش الا بالعين الحمراء هههههههه
ضحكت نهال وقعدت حاطه ايدها على خدها وتفكر شوى بعدين خدت نقالها وفتحت اغنية << شيرين >> انا مش مبينالو .. وقعدت تددن معاها وتراجع .. لحد ماامها نادت عليها ..
امها ... نهاااااال ... نهاااااااااال تعالى ..
ناضت نهال من الكرسى وقالت ..
نهال ... ايوا ماما .
امها .. امتى بتطلعى يابنتى وباش نبدو نشوفو ونحجزو..
نهال ... شن رايك تسألى وسام .. اكيد رح تلقى جواب عنده ... ومعاش تسألينى بالله عليك ياماما ..
امها ... خيرك العفو .. هبلتى ولا شنى ؟؟
نهال .. ماما .. اسالى العريس وهوا يقولك ماشى .. انى حاليا مانبى ندير شى لين يروح بابا .. واصلا احتمال الموضوع يتاجل او يلتغى ..
امها .. ااااااااااااااااه يارسى اااااه .. وسااااااااااااااام
نهال .... اسكتى ... ااااااااااص
امها ... ياووووووووووووووسام ..
نهال .. ونبى ماما اسكتى ماتناديش خلااااص
وسام .... نعم ياعمتى ؟؟؟
ام نهال... شن تخترف هادى ... فهمونى انى مش عبيطه ولا لوح هنى ... شن فى
وسام .... شن فى ياعمتى ؟؟
ام نهال.... شنى تقولى بناجلو او بنغلو العرس شن فى ؟؟
وفجاه وسام قعد يشبح لنهال ... وحط ابده على جبهتها وشبحلها شبحة مخلوع ..
وسام ... خالتى ... بنتك حرارتها مرتفعه .. تهدى تهدى ...
نهال ... لا مش مريضه ومعاش نبىك ...
وفجاه خشت ام وسام ووقفت جنب نهال وحطت ايدها على جبهتها وقالتلها ..
سميحه ...اى صح بنتك زى نار شورا عندها حمى << وغمزت لنهال وضحكت >
سميره ... وووووووووه عليا بنت مريضه ... خيرك اكيييييد من دوش مبكرى يارزينى فيك ديما وانتى ماتسمعيش الكلام ..
خالتها .... سميره ربى يهديك حتى انتى .. نقولك بنت حرارتها مرتفعه تقوليلها يارزينى فيك .... مالا كانا نقولك بنت تبى عمليه شن تقوليلها ... يارالك تابوت .. اما انتى بكل .. تعالى تعالى نهال معاى فوق
نهال ... خالتى انى مافيا شى خيركم مش مصدقين
وسام ... انتى حاليا فى حالة انكار بس يانهال .. غير اركبى اركبى مع امى ..
ركبت نهال ومصدومه لانا هيا بالفعل مافيها شى ... اما وسام فادوحه طلع باش يجيبلها دواء
حطتها خالتها فى سرير وقالتلها ...
خالتها ... ياعطيهالك يامنجوهه .. نقولك ربيه تمشى تشهردى بيكم .. وقدام منى .. قدام امك ... الا تدير من فار ميت عزى ..
نهال ... مانعرفش ياخالتى بس لقيت روحى قوات هكى ..
خالتها ... امك جت ديرى روحك بتموتى ...
نهال ... مانعرفش ياخالتى شن تقولى انتى ..
خالتها ... ابكى ياعطيهالك ابكى ..
نهال ... ااااااااااااااااه ااااااااه قلبى بنموووووت ااااااااااااااااااااااه ..
خالتها ... الله يفضح بيك شد دخل قلبك فى نص
نهال ... ههههههههههههههههههه نشوف فيهم فى الافلام هكى يديرو ... استنى استنى خاطرى نصيخ على كنبه
خالتها ... ههههههههههههههههههههههههه صيخى صيخى هوا صيخ بالفلوس ..
امها .... شن حالها توا ؟؟ ووووووه عليا ..
وسام ... خالتى .. انى واخد كورس تمريض .. انزلى انت وانى نقوم بالواجب .. ياما ارفعيها لدارى ..
امه ... نوض مرفعين باهى .. كانك مش ولدى راهو صدقت .. قالك دارى قالك .. مانعرفكش واطى هكى
وسام ... حشمتينا قدام الاجانب ... تى غير قولى باهى فضحتى بينا ..
وهنا نهال خلاص بتضحك ... لولا امها فوقها ... وهنا خالتى قالت لامها ..
خالتها ... انزلى انتى جنب لاى تو تقول خيركم خليتونى بروحى .. وخلى الليله نهال تبات جنبى وتوا نديرلها ينسون ونعطيها مضاد تنوض زى جن ...و اصلا فرج بايت برا الليله ..
ام نهال .... مالا تصبحو على خير وردى بالك منها ..
نزلت امها لوطه .... وام وسام كنست وسام برا دار ورقعدت هيا ونهال لحد فجر يهدرزو ويضحكو وخالتى سميره تهدرزلها على مقالبها قبل وعلى تعرفها بعمى فرج ... ومافاقتش نهال الا ظهر مع ساعه 3 ونص ..وهنا ناضت لقت خالتها تغسل فى معايين الغدى فاقالتلها ..
نهال ... خالتى خيركم مانوضتونيش ؟؟
خالتها ... عاد امس رقدتى فجر .. وامك عابيه عليك مريضه .. فا قولت نكملو فيلم لنهايته <3
نهال ... باهى نساعدك فى حاجه قبل مانوتى روحى للكورس ؟؟
خالتها ... برى اغسلى وتعالى تغدى قبل
نهال ... اكييييد هيا ماكلة خالتى تتفوت <3 دقيقه بس نخش الحمام ..
خشت نهال للحمام ودارت دوش ومشت للمطبخ تغدت وهدرزت شوى مع خالتها ومع ساعه 4 ونص مشت لبست اخر طرحه وطلعت .... وزى العاده خطمت على اميره الا اول كلمه قالتهالها .. من اول ماركبت
اميره .... امجد شن قالك ؟؟
نهال ... ههههههههه غير قولى خير قبل ... مازال مافتحش معاى موضوع
اميره ... اوووووووف صبرى نفد ..
نهال ... هههههههههههه بصراحه مابعدك
وصلت نهال هيا واميره للكورس وحجزو كراسى وقعمزو فيهم .... وبدت المحاضره وفى عز دكتور مايشرح ... تلفت اميره لنهال وقالتلها ....
اميره ... حى نهال غير شوفى طرف الاغبر هوا الا لابس طاقيه ... تانى صفه على يمين ... وين شايفته انى ... غير شوفى شوفى ..
نهال ...
يتبع
