#منقولة
<3 حوش جدى <3
الحلقه السادسه .....<3 <3
... << علاش استاحشتنى >>
واول ماطلعت نهال من حمام وشافتهم شادين تلفون ويضحكو ... جت تجرى وقالتلهم ..
نهال ... شن فى خيركم تضحكو شن فففففى ... هاتى تلفون سلمى وبلا براده هااااااااااااااااااااااتى .... حى علياااا حى بجد انتى كتبتى هكى .. خيرررك انتى بجد مبردك . حولى بالله عليك خلاص ...
سلمى ... هههههههه قوليله صاحبتى .. باهى هوا عالق بالعرض هههههه
اميره . ... اااااااص وصلاتك رساااااااله صحححححح
نهال ... اااااااااااى من وسااااااام ..
سلمى وسندس ... افتحيييييييييييييييييييها بسرعه شن رد عليك قووووووولى
نهال .... دقيقه اهوا بنفتحها ...
وسام ... حى علياااااا قالى اطلعى توااا انى فم الباب ...
اميره وسندس ... ههههههههههههههههههه كدااابه
نهال ... وقت بصاره ماهو تواااااا .. نقولك فم الباب تقوليلى تبصرررى .. هاااتى وشاحى بسرعه .. باااى كلمووونى بعدين اهو قتلكم .. باى ..
خدت نهال الوشاح وحطاته على راسها وخدت شنطتها .... وطلعت وهيا متخزرطه وخايفه من ردة فعل وسام .
ركبت سياره من تالى ومانطقتش باأى حرف ..
..اما هوا فكتفى باانه يشبحلها ويولع سياره ويتحرك بدون مايقول اى تعليق على رساله ...
قعدو طول طريق ساكتين ... ونهال تزمط فى ريقها وتستنى امتى ينطق بالجوهره .. بس هوا اكتفى باانه يشبح لطريق ويسوق بقمة البرود ومره مره ياخد شربه من قهوته الا ريحتها مفحفحه فى سياره كلها ... وفجأه ولع دخانه وبدى يدخن ..
وهنا سكتت شوى وبعدين قالتله ...
نهال ... ممكن تفتحلى مرش سياره شوى .. عندى حساسيه من دخان ..
وسام ... متأسف .. ولوح دخان .. وفتح مرش
نهال ... ممكن نقولك شى بخصوص رساله ...
وسام ... اما رساله ..
وكيف نهال بترد عليه ... فجأه درس سيارته على جنب وقاللها ..
وسام ... اركبى قدام بسرررعه ؟؟
نهال ... شن فى ؟؟
وسام ... اركبى بسرعه وبدون نقاش ...
ركبت نهال القدام وهيا مش فاهمه شى .. ووسام تلفتلها وقاللها ...
وسام ... ديرى روحك طبيعيه ماشى .. واى شى نقوله ماتناقشينيش فيه ..
نهال ... شن فى ..
وساااام .. فى بوابه تفتيش توا بنخطمو من جنبهم ...
خطمو من جنب بوابه فاوقفوهم ... وقالوله ...
رجل تابع بوابه ... درس على جنب ياخوووى ..
درس وسام على جنب وطبس عليه واحد منهم وقاله ...
راجل .. وراقى سياره وبطاقتكم الشخصيه لو سمحتم ..
وسام .. علاش شن فى ؟؟ ان شالله خير ؟؟
راجل ... من الا معاك هيا ؟؟
وسام ... مرتى ...
شبح راجل لأيده وايدها فاملاقاش نهال لابسه دبله على ايدها فا ضربه الخنس ..وقاله ..
راجل ... عندك اى شى يتبت كلامك ؟؟ ورقه عقد زواج.. كتيب عائله ... اى شى ..
وسام ... اكيد ... لا
راجل ... مالا مشى معانا هيا انتى وياها ياسموح ...
وسام ... شبحله .. شوووى وبعدين قاله ..
وسام ... دقيقه بس ... نطفى سياره ... ودارها رابعه وتنطر بسياررررره .. وبدى رصاص صلى وراه وسمع حد يعيط ويقوله .. وراه وراه .. وهوا هنا بدى يخش زنقه ويطلع زنقه ... وهيا تصوت فيه زى جرانه الا فى مياه ..
نهال .... اااااااااااااااااااااااااااااااااااااااااااااااااه .. وووقف وقف بنموووووت وقف شن تدير يامهبوووووول ...
وهنا وسام بعد ما توه الراجل الا وراه ووصل لمكان قريب من حيهم .. درس على جنب وقاللها ...
وسااااام .... ااااااص ولاكلمه .. لحد مانوصلو للحوش مااااااشى .. وفى الحوش لينا تفاهم تانى ..
نهال ... وانى شن دخلنى ؟؟
وسام .... دخلك .. انك انا من راسك انتى تجينى جميع مصايب .. بنولى خريج حبوس بسببك ياهانم .. << وطلعو بسياره >>
نهال .... هههههههههههههههه <3
وسام ... تضحكى .. ههههه والله انتى الا مهبوله وانى المهبول الا رفعتك اصلا ..
وشبحلها شوى وبعدين قعد متلفت لقدام ويسوق ... سكت شوى وبعدين قاللها ...
وسام ... شن صار فى موضوع العريس ...
نهال ... ماصار شى .. ماما قالتلى بنعطيك تفكرى اسبوعين ..
وسام ... بس قولتى موفقه هدكا اليوم صح ؟؟
نهال .. اى شبه موفقه ..
وسام ... ان شالله ربى يوفقك .. هيا وصلنا انزلى هيا ..
درس وسام سياره وطبس لوطه باش يجيب نقال الا طاح مبكرى منه
ونهال فتحت سياره وحطت رجلهابرا سياره.... بعدين تلفتت وابتسمتله وقالتله..
نهال ... بجد شكرا <3
وسام ... هههه على شنى حددى ماهو انى اليوم درت هلبه حاجات ..
نهال ... اىىىىىىى بتشوف روحك .. على كل شى .. وعلى فكره انى مش مرتك معاش تكدب على حد ههههههههه
ونزلت من سياره وفتحت فتحت باب الحوش واول ماخشو للجنان لقو جنان مظلم وباين انا خالتها وخوه والعويله مازال ماروحو .. فاهنا قالت .
نهال ... اووووه شكله جدى رقد والحوش يخووووف .. ومظلمممممم
وسام .. خلاص وتيلى قهوه وحطيها على طاولة جنان نركب شوى نشوف قصى ونبدل حوايجى وننزل نشرب قهوه معاك لبين ماجو <3
نهال ... ماعيييتش من قهووه ... خليها كاكاو <3
وسام .. كاااااكاوووو .. ههههه تعرفى كلمتك هيا رجعتنى 20 سنه تالى ...
مهم اعطنى خمسه دقايق نركب نغير حوايى ونشوف قصى وننزل ...
نهال ... اووك تمااام ..
خشت نهال بدلت حوايجها ولبست بيجامتها وحطت وشاح على راسها ومشت للمطبخ .... حطت شاهى على نار ... واول ماطاب صبت زوز طواسى شاى بالعطر وحطت معاهم االكيكه الا درتها مبكرى قبل ماتمشى لصاحباتها ... وطلعت وقعمزة على طاوله ... ومافاتتش 5 دقايق الا ونزل من دروج بى جيب شورت اسود والبدى الابيض وقعمز على طاوله وقاللها
...
وسام .... ااااااه ريحة شاهى بالعطر تفحفح .. حشيشتى شاهى بالعطر ..
نهال ... صحه صحه <3
شرب شربه من شاى وبعدي حط طاسه وقعد يتكسل على كرسى .. فاقالتله...
نهال... كانا بترقد .. برا عادى نقعد بروحى مش مشكله ..
وسام .... فات الكتير مابقى الا القليل ههههههه ...
سكتت شوى نهال وبعدين قامت راسها وقالتله ...
نهال ... ممكن نسألك سؤال ؟؟
وسام ... اها ... ممكن تسالنى سؤال .. تفضلى ..
نهال ... عادى عادى ..
وسام ... شن فى ... كارته تانيه ؟؟
نهال .... شن كارته هادى .. لا اكيد فال الله ولافالك .. ههههه ...... انت حبيت قبل ؟؟؟
وسام ... هههههههههههههههههههههههههههههههههههه مافيش حد قبل سألنى هكى سؤال الحق .. علاش سؤال ؟؟؟
نهال ... مش ولد خالى ... نبى نطمن امتى بتتزوج ..
وسام ... طمنى ... انى مش متع زواج ..
نهال ... علاش ...
وسام ... انى مانعرفش نمشى على مزاج المراه ووقتى مش ملكى .. ومش رومانسى ومانعرفش نتصرف مع الجنس ناعم هلبه ...
نهال ... وشن تانى ؟؟
وسام ... شن تانى . شن تانى .. مستحيل نحس انى نقدر نصارح اى بنت بحبى ليها ... ماعنديش الجرأه الكافيه ... ومانقدرش نتقبل الرفض بسهوله
نهال ... شكلك مغرور هلبه هههههه ... باهى حتى لو كنت تحبها مش مجرد اعجاب وخلاص ؟؟
وسام ..... للاسف ايه ... ماعنديش الجرأه ومانعرفش ناخد ونعطى فى موضوع هوا هلبببه ..
نهال ... حتى ولو انت عارف انا بنت هيا تحبك ومستنيه منك اى مبادره بس ...
وسام ...<< خدى شهيق كبيييييير وزفير وبعدين لوى شواريه وقاللها >> للاسف ايه ... وهدا علاش انى مانصلحش انى نكون زوج لحد ..
نهال ..... لامتى بتقعد هكى ...
وسام ... ههههههههههه وانتى خيرك شايله همى ... انتى تزوجى بس .. هدا اهم شى ..
نهال ... اهم شى ؟؟؟ اى اى اكيد اصلا الولد عاجبنى هلببببه ..
وسام ... اها عاجبك ... تمااااااااااام ربى يوفقكم ياررررب ..
وخدى طاسة شاى وقعد يشرب .... وبعدين قام عينه وشبحلها بحنيه وقاللها ..
وسام .... وانتى ؟؟؟
نهال .... شن وانى ؟؟ ههههههههههه
وسام .... فى اى شى فى بالك ؟؟ او اى شى اى شى ..
نهال .... هههههههه تلف وتدور على شنى قصدك فى حب حاليا فى حياتى ؟؟؟
وسام .... مسح على لحيته وابتسم وقاللها << اى هكى شى >>
سكتت شوى وبعدين شبحتله وقالتله ....
نهال ..... اكيد فى شبه موضوع فى حياتى وان شالله يتكلل بالحب ...
ووسام كيف بيرد عليها ... نفتح باب وخشت امه واول ماشافتهم قاللها ...
وسام .... وين كنتم هدا كللللللللله ...
امه ..... هدا وين روح بينا خوك الفالح ... وخدينا ساعه باش وصلنا مع بوابات تفتيش تم تقول علينا وصلنا لحدود جربه
بعدين شبحت امه لنهال وقالتلها ...
خالتها ... نهال ... خالك اليوم بايت برا .. تجى تباتى معاى وتسايرنى ..
نهال .... اوك خالتى هيا ..
وسام ... انى ماشى للمحل بنجيب كرت 10 ونجى ..
وهنا نهال شبحتله ... وماكملتش الا خطر فى بالها الا وخالتها شبحتلها وقالتلها ..
خالتها ...اعطينى دى الا يكلم فى بنت وباقى شن يبى فيه كرت 10 توا ... اركبى اركبى ..
ركبت نهال وهيا تتلفت وتشوف لوسام كيف واقف ويحكى مع امجد ... وحاسة روحها مخنووووقه ومش عارفه تتنفس ... بس تظاهرت قدام خالتها انها عاديه ....
ركبت وحطو سحور .. وركبو الولاد وقعمزو على صفره ... وكل واحد منهم يحكى وياخد ويعطى مع تانى ... ونهال قعدت تراقب وتشوف لى وسام وتبتسم بصمت تام ... وقعدت لاارديا تراقب فيه ... كيف يضحك .. كيف ياكل .. كيف يشرب .. كيف يعجب فى خوه ... نضاراته ... غمزاته ... وفى لحظه كانت سارحه فيه ... طاحت عينه عليها ... فاغمزلها وضحك وكمل تهدريزه عادى ...
وهنا ناضت نهال .... وطلعت من مطبخ وخشت للحمام ... قعمزة على البانيو شوى ... وخدت نفس شوووووى وبعدين ناضت ... وخدت فرشة اسنانها الا حاطتها احتياط فى حوش خالها ... وبدت تحك فى سنونها .. وبعد ماكملت .. قامت شعرها كوده ... وشبحت للمرايه شوى وقعدت تفكر ... وللحظه نست انها فى حوش خالها فوق .. فاخلت الواشح معلق و طلعت ... ولما لقت وسام قدامها انصدمت ومعاش عرفت لا تقدم ولا توخر ...
وهنا شبحلها وضحك ونزل عينه وخش للحمام وهيا مشت تجرى لدار خالتها ... تكت على سرير ووقعدت تغمض فى عيونها وتضرب فى وجهها بى المخده وبعدين خدت نقالها وبدت تقلب فى رسايله وتضحك لحد ماوصلتها رساله ولما فتحتها لقت وسام باعتلها ...
وسام .... شعرك حلو على فكره .. تصبحى على خير ..
ضحكت نهال ونقزت على سرير وبعدين خدت نقال وحطته على قلبها وحضناته ورقدت ...
اما وسام ... فا فتح سهاره وخدى روايه بولسيه يقرا فيها ... واول مافتحها تدكر الموقف البوليسى الا صار مبكرى ونهال كيف مكرشه فى ايده زى عيل ... بس للحظه تمنى انا هاللحظه تكووون سنه لانا بصراحه كانت ايدين نهال ناعمه هلبه هههههه ... وفجاه فاق لروحه وقعد يخبط على راسه بالكتاب وضحك .. وطفى ضى سهاره ورقد ....
يتبع
